BERRIAK

Digitalak Compostelako Santiagoko A Cidade da Cultura erakusketako irudiak 360ºtan proiektatzen ari da

Eikeneko kidea den Digitalak ekoiztetxeak 5 metro diametroko pantaila zirkularrean proiektatzen ari den bideoa sortu du, 360ºko bideoa eta 360ºko argazkiak uztartuz. Bideo hau, Galizian, Compostelako Santiagon egunotan ikusgai dagoen Peter Eisenman. A Cidade erakusketan ikus daiteke bideo ikusgarria. Udazkenean, Kulturaren Hiria osatzen duten eraikin guztiak zabaltzen direnean, erakusketa hau behin betikoa bilakatuko da, baina oraingoz, bisitariari hilabete batzu barru inguruan zer ikusiko duen ulertzen laguntzen dio.

Cidade da Cultura de Galicia fundazioa 1999an sortzen den Galiziako Xuntako ekimena da. Fundaciones de Interés Gallego-ren menpe dago eta bere helburua elkarreragin kulturalerako aproposa den gune multifuntzional eta bateratzailea sortzea da.

Digitalak-eko lantaldeak, Kulturaren Hiria grabatu du 360ºko kamararekin, eta horrez gain, argazkiak ere egin ditu formatu berean. Ondoren jasotako ikus-entzunezko material guztia nahastu da, 5 metro diametroko pantaila zirkular erraldoia egin da, eta 6 proiektoreren bitartez ari da eskaintzen orain ikuskizuna.

Data:2010/07/30 | Kategoria:: Eikeneko kideak

Iruzkinak (0)

Erantsi iruzkina

Blog honen bidez, EIKENek egiten dituen ekintzen berri eman nahi dizuegu. Horrez gain, interesgarriak izan daitezkeen euskal ikus-entzunezkoei buruzko hainbat albiste jarri ditugu.

Kategoriak
Azken berriak
Artxiboa