BERRIAK

Kultura eta industria elkartzeko Eikenen erronka berretsi du Eusko Jaurlaritzak

Apirilaren hasieran, Bilbon, kulturaren eta industriaren arteko harremanari buruzko lehen jardunaldi espezifikoa egin zen, SPRIk antolatuta, Eusko Jaurlaritzaren Kultura, Berrikuntza, Industria, Merkataritza eta Turismo sailen laguntzaz. Jardunaldi honen bidez berretsi egin zen Eikenen ikuspegi estrategikoa, bi kontzeptuak ikuspegi sektorial batez elkartzeari begira.

Horren harira, Bilboko Eusko Jaurlaritzaren egoitzaren Ekitaldi Aretoan egindako topaketaren helburua izan zen SPRIk garapen ekonomikorako eskainitako aukeren berri ematea, kultur enpresen artean; izan ere, hainbat arrazoi direla-eta, eskaintza horiek ez dira iristen hartzaileak izan daitezkeen horiengan. 
 
Ekitaldian Kultura sailburu Blanca Urgell andreak eta SPRIko zuzendari nagusi Tomás Orbea jaunak parte hartu zuten, eta bi sektoreen arteko loturak erabat garatzearen aldeko interesa agertu zuten biek.

Data:2011/04/29 | Kategoria:: Eikeneko ekintzak

Iruzkinak (0)

Erantsi iruzkina

Blog honen bidez, EIKENek egiten dituen ekintzen berri eman nahi dizuegu. Horrez gain, interesgarriak izan daitezkeen euskal ikus-entzunezkoei buruzko hainbat albiste jarri ditugu.

Kategoriak
Azken berriak
Artxiboa