Basauri – Bizkaiko VIII. Nazioarteko Animazio Zinemaldia, ANIMABASQUE-ANIMABASAURI 2012ko Maiatzaren 25tik 31ra izango da.

Izena emateko epea 2012-ko Martxoak 1ean (barne)amaitzen da.  Parte hartzeko atal ezberdinak dituzu lehiakor sailan eta egitarauak ere beste modalitate batzuk aurkezten ditu parte har dedazun.Izena ematea gure baduzu, edota zeure filma, telesail pilotua, erakusketa, animazio eskola etabar bultzatu, jar zaitez harremanetan.

ANIMABASAURI-ANIMABASQUE 8.edizioaren irudia izango den Kartelaren Lehiaketaren deialdia ere hasi da. Lehiaketak zinemaldiaren txoko eta honen argitalpenetan promozio eta publizitatea isladatuko duen irudia lortzea du helburu. Deialdi honetara diseinu grafikoko agentziak, estudioak eta estatu osoko norbanakoak aurkeztu ditzakete haien proposamenak.

Partehartzaileek hurrengo irizpideak jarraituz aurkeztuko dituzte haien proposamenak,  aurkezpen epea 2011ko abenduak 23an amaitzen delarik.

Arauak eta inskripzio orria

Kartel lehiaketaren arauak

Eiken - Euskadiko Ikus-entzunezkoen Klusterrak eta Vitoria-Gasteiz Film Officek jardunaldi profesional bat egingo dute datorren azaroaren 7an, ikus-entzunezkoen sektoreak egungo eraldaketa prozesuan dauzkan erronkak aztertzeko. Topaketa Goiuri Jauregian egingo dute, eta Euskal Autonomia Erkidegoko hainbat entitate eta erakundek Kalitatearen Europar Astearen baitan antolatu dituzten jardueretako bat izango da.

Ekimenaren helburua euskal ikus-entzunezkoen sektoreko eragile eta profesionalei eztabaidarako foro bat eskaintzea da, kalitatearen eta berrikuntzaren ikuspegitik sektorearen lehiakortasunean eragin handiena duten alderdiak azter ditzaten. Jardunaldiak digitalizazioak ekarri dituen aukera nahiz mehatxuetan jarriko du arreta, baita enpresa eta erakundeek partekatutako estrategia bat ezartzeko beharrean ere.  

Jardunaldia 10:00etan hasiko da, eta 13:00etan amaitu. Bertara hurbiltzen direnek sektorearen eraldaketa prozesuarekin lotutako zenbait esperientzia ezagutu ahal izango dituzte. Hauek izango dira hizlarietako batzuk: Juan Carlos Villamor, sortu berri den Arabako Ikus-entzunezko Produktoreen Elkarteko (APIKA) lehendakaria; Rubén Gundín, Spain Film Commission elkarteko kidea; Ramón Delgado, Tecnalia Mediako zuzendaria; Kepa Sojo, zinemagilea eta UPV/EHUko Unibertsitate Hedakuntzako zuzendaria, eta Joseba Fiestras, FesTVal jaialdiaren zuzendaria.

Izena emateko hemen sakatu

Prentsa oharra

Basque Audiovisual Services + Tech, Eiken- Euskadiko Ikus-entzunezkoen Klusterrak oinarri teknologikoko enpresak biltzeko abian jarri duen ekimena, Broadcast Ikus-entzunezkoen Teknologiaren azokan izango da Madrilen, urriaren 25etik 28ra. Helburu nagusia sektoreari merkatu profesional garrantzitsuenetara iristen laguntzea da, produktu edo zerbitzuak saldu eta munduko fabrikatzaile nagusien azken berrikuntzak eskuratzeko.

Aurreko edizioetan bezala, Basque Audiovisual Services & Tech markak bere standa izango du Ifemako 3. pabilioian. 200 enpresa inguru bilduko ditu azokak, eta 15.000 bisitari baino gehiago espero dira. Alde horretatik, Euskadiko oinarri teknologikoko enpresak Broadcast azokan egotea, Basque Audiovisual markaren babespean, urrats garrantzitsua izango da Eiken enpresa garapenaren eta merkatu berrietara zabaltzearen alde egiten ari den lanean.

Horrela, Basque Audiovisual Services + Tech markak Broadcast 2011n jarriko duen standari esker, euskal enpresak egiten ari diren lan teknologikoa ezagutaraziko da, eta ikus-entzunezkoen edukien ekoizpenerako baliabide aurreratuak eta produktu berriak aurkeztuko zaizkie atzerriko eragileei. Enpresa hauentzat mesedegarri izango da marka baten babespean aurkeztea, pisu handiagoa izango dutelako azokan bakarka aurkeztu izan balira baino.

Klusterren mahaingurua
Broadcast 2011n, gainera, mahainguru berezi bat egingo da Ikus-entzunezkoen Klusterrek eduki eta negozio sortzaile gisa duten zeregina aztertzeko. Mahaingurua azokaren lehen egunean egingo da, arratsaldez, eta Fernando de Garcillánek koordinatuko du, Madrid Network Cluster Audiovisualeko zuzendari-gerenteak. Hizlarien artean izango da Itziar Mena Eikeneko zuzendaria.

Prentsa oharra

Eikeneko Zuzendaritza Batzordeak, irailaren 27an (asteartea) Pedro Gómez Damborenea Plangintza eta Estrategia sailburuordearekin eta Inmaculada Freije arloko zuzendariarekin eginiko bileran, berehalako neurriak hartzeko eskatu dio Eusko Jaurlaritzako Industria Sailari, sektorearen etorkizuna bermatzeko. Klusterreko arduradunek, azken txosten ekonomikoak mahai gainean jarririk, sailaren babesa lortu dute ikus-entzunezkoen industria bultzatzea helburu izango duen ibilbide orri bat prestatzeko, Eikenek diseinatutako eta administrazioak babestutako ibilbide orria, hain zuzen.

Bileran, Eikeneko arduradunek sektorea zertan den azaldu dute, egoera ekonomiko kezkagarrian, berregokitze premian eta joera aldaketen eraginpean. Horrek guztiak, nolanahi ere, bide berriak urratzeko aukera eskaintzen du, eta, horretarako, Eikenen arabera, bai sektoreak bai administrazioak oinarrizko erronkei erantzun behar diete. Erronka horien artean, etorkizuneko industria politika erabakitzea eta TB publikoaren eredua adostea dira aipatzekoak.

Horiek horrela, Eikenek bere gain hartu du “ezinbestekotzat” duen berregituraketa gidatzeko konpromisoa, eta Industria Sailaren babesa eskatu du horretarako, bere lidergoa sendotzen lagun diezaion kontu honetan zeresana duten eragile guztien artean. Saileko arduradunak laguntzeko prest agertu dira, enpresa eta industria egitura garatzea helburu duen edozein planteamendu bultzatzeko.

Une honetatik aurrera, beraz, Eiken prozesu hau martxan jartzeaz arduratuko da, eta lan talde bat eratzea izango du lehen urrats, ibilbide orriaren helburuak zehazteko eginkizuna izango duena.

Eikeneko Zuzendaritza Batzordeak azken bileran hartutako erabakiz, Ikus-entzunezkoen Euskal Ekoizle Burujabeen Elkartea (Ibaia) klusterreko bazkide izango da urtebetez. Bazkide berri honekin eta duela gutxi ere bazkidetu den EPE-APV elkartearekin, Eikenek Euskal Herriko ikus-entzunezkoen industriako enpresa gehientsuenak biltzen ditu, eta leku ezin hobean jartzen du horrek sektorearen berregituraketan lidergoa eskuratzeko. 

  Ibaia elkartea 1997ko irailean sortu zen, eta 41 enpresa biltzen ditu gaur egun; horietatik 10 Eikeneko bazkide dira.     

  Informazio gehiago: www.ibaia.org

Eiken-Euskadiko Ikus-entzunezkoen Klusterrak oinarri teknologikoko enpresak biltzeko bultzatzen duen marka, Basque Audiovisual Services & Tech, "Broadcast" Ikus-entzunezkoen Teknologiaren azokan izango da Madrilen, urriaren 25etik 28ra. Helburu nagusia sektoreari merkatu profesional garrantzitsuenetara iristen laguntzea da, produktu edo zerbitzuak saldu eta munduko fabrikatzaile nagusien azken berrikuntzak eskuratzeko.

Basque Audiovisual Services & Tech markak bere standa izango du Ifemako 3. pabilioian. 200 enpresa inguru bilduko ditu azokak, eta 15.000 bisitari baino gehiago espero dira. Alde horretatik, oinarri teknologikoko euskal enpresak Broadcast azokan egotea, Basque Audiovisual markaren babespean, urrats garrantzitsua izango da Eiken enpresa garapenaren eta merkatu berrietara zabaltzearen alde egiten ari den lanean.

Broadcast 2011n, gainera, mahainguru berezi bat egingo da ikus-entzunezkoen klusterrek eduki eta negozio sortzaile gisa duten zeregina aztertzeko. Mahaingurua azokaren lehen egunean egingo da, arratsaldez, eta Fernando de Garcillánek koordinatuko du, Madrid Network Cluster Audiovisualeko zuzendari-gerenteak. Hizlarien artean izango da Itziar Mena Eikeneko zuzendaria. 

Eikenek Kalitatearen eta Bikaintasunaren Europako Astean parte hartuko du zazpigarren aldiz jarraian. Aurtengo edizioa urriaren 26tik azaroaren 11ra egingo da. Euskadiko Ikus-entzunezkoen Klusterrak, Vitoria Gasteiz Film Office-rekin elkarlanean, "Ikus-entzunezkoak: sektorearen eraldaketaren erronkak" izeneko jardunaldia antolatu du Arabako hiriburuan, azaroaren 7an.

Eztabaidaren gai nagusia hauxe izango da: kalitatea eta berrikuntza tresna lehiakor bihurtzeko alternatibak etengabe aldatzen ari den sektore batean. Horrekin batera, enpresek, erakundeek eta eragile ekonomikoek bultzatutako estrategia baten beharra ere nabarmenduko da, gaur egungo egoera zailari aurre egiteko baliabide gisa. 

Jardunaldian parte hartuko dutenen behin betiko zerrenda itxi gabe badago ere, Gasteizko Udaleko eta Arabako Foru Aldundiko ordezkariak izango direla aurreratu daiteke, baita sektoreko antolakuntza garrantzitsuak ere, hala nola Tecnalia, FesTVal edo Spain Film Comission.

Informazioa eta izen-ematea: eiken@eikencluster.com

Eikenek informazio hobea eta egokiagoa bidaliko die hemendik aurrera bazkideei posta elektroniko bidez. Laguntza, jardunaldi eta abarrei buruzko datuak txantiloi estandarren bidez bidaliko dira, informazioa erraz antolatuta eta kolorez kodetuta.

Era horretan, Eikenek informazioa eskuratzeko prozesua erraztu nahi du, bidalketa/harrera estandarizatu, hartzaileek albisteak eta datuak erraz eta bizkor eskuratzeko modua izan dezaten. Orain arte, informazioa “errebotatu” egiten zen zuzenean posta helbideetara, inolako tratamendurik gabe.

Zerbitzu berri hau SICC-Eiken Adimen Lehiakorrerako Sistema bidez eginiko lanaren emaitza da, eta aukera emango dio hartzaileari begiratu hutsez informazioaren edukiaz jabetzeko, txantiloi bakoitzak bere kolorea izango baitu: Laguntzak (grisa), Prestakuntza (urdina), Jardunaldiak (gorria) eta Gertaerak (laranja).

Basque Audiovisualek, Eikenek eta Etxepare Institutuak bultzatutako ekimenak, profesionalen arteko topaketen egitaraua abiarazi du, aurtengo MIPCOMen. Azoka egin baino lehen kudeatutako topaketa hauen xedea euskal enpresei ahal bezain beste aukera ematea da, kanpoko merkatuetara sartzeko. Ekimen honen bitartez, Basque Audiovisualen standean ehun bilera baino gehiago egin dira nazioarteko erosle, banatzaile eta koproduktoreekin.

Aurtengo MIPCOMen, merkataritza harremanak izan dira Frantzia, Australia, Ingalaterra, Kanada, AEB, Herbehereak, Danimarka, Singapur, Malaysia, Katar, Turkia eta Gales bezalako herrialdeetako pertsonekin. Azokan, berriz, hamabi euskal konpainia egon dira: 3 Koma, Baleuko, EiTB, Expressive, Idem, InteracTVT, K 2000, Mediabask, Pausoka, Silverspace, Sonora eta Vilau.

“Matchmaking” ekimen hau aurrera eraman ahal izateko lanak horrelako topaketetan espezializatutako britainiar enpresa batek egin zituen, nazioarteko hitzordu garrantzitsu honen aurreko hilabeteetan. Enpresak harreman zuzenak izan zituen euskal enpresekin eta beren produktuekin. Hala, Basque Audiovisual standean egondako enpresen berezko salmenta lanek babes garrantzitsua izan dute.

Ahalegin horren saria akordioen sinadura izan da; horien artean, nabarmendu behar dugu Durangon egoitza duen Baleuko enpresak eta Malaysiako Cartoon 4Kids enpresak sinatutakoa. Gaur, Carlton Hotelean aurkeztu da akordioa, eta, Malaysiako sormen enpresei harrera egiteko koktelean, Malaysiako Gobernuaren Kultura, Komunikazio eta Informazio Ministerioaren idazkari nagusia egon da.

Prentsa oharra

Eiken - Euskadiko Ikus-entzunezkoen Klusterraren EikenBANK programa, gazte ez-profesionalen artean sormena bultzatu eta sormen hori ikus-entzunezkoen industriarekin harremanetan jartzeko helburua duena, Gasteizko Telebista eta Irrati Jaialdiaren hurrengo edizioan egongo da, FRESH EikenBANK ekimenaren bitartez. Lehen aldiz egingo den ekitaldi honen barnean, pitching saio berezi bat egingo da, EikenBANK programako azken edizioetako irabazleen eta proiektu horien ekoizpenaz arduratu diren etxeen arteko elkarlanaren emaitza aurkezteko.

Ekitaldia irailaren 1ean egingo da, Arabako hiriburuko Goiuri Jauregian, FesTVal jaialdiaren egitarauaren barnean, eta estatu osoko ekoizpen eta banaketa etxe garrantzitsuenetako ordezkariak izango dira saio horretan. Ekitaldiaren zatirik handiena lehen FRESH EikenBANK pitching saiorako hautatu diren hiru proiektuen aurkezpenari eskainiko zaio (EikenBANK programako lehen hiru edizioetako irabazleak).

Zehazki, hiru proiektu hauek aurkeztuko dira: "Pintxos" (2008ko irabazlea, 3Koma etxeak ekoitzia eta ETBk jada emititua), "Master Free" (2009ko proiektu irabazlea, K 2000 etxeak ekoitzia eta ETBk jada emititua) eta "20Ti" (2010eko irabazlea eta Baleukok ekoitzia). Proiektuen "defentsa" sustatzaileek berek egingo dute, ekoizpenaz arduratu diren etxeen laguntzarekin. Azken edizioko irabazleak ("Gelditu Parada" proiektua) ekoizpen prozesuari ekin berri dio, Pausoka etxearekin.

Prentsa oharra

FRESH EikenBANK Dossierra

Ekainaren 20an, Brasilgo Rio Grande do Sul estatuan eraikitzen ari diren Ikus-entzunezkoen Ekoizpenerako Zentro Teknologikoko (CTPAV) ordezkaritza bat izan zen bisitan Eikenen. Zentro berri hau Hegoamerikan erreferentzia izateko asmoz sortzen da. Eikeneko bisita espainiar estatuan egin zuten geldialdi bakarra izan zen, eta Frantzian eta Italian ere izan ziren Europan barrena eginiko biran.

Aletéia Selonk izan zen Brasilgo ordezkaritzaren buru, proiektuaren koordinatzailea eta egitasmoaren bultzatzaile den Rio Grande do Sul-eko Unibertsitate Katoliko Pontifizioko Komunikazio Fakultateko irakaslea. Euskadin egin zuten egonaldian, Vicomtech-IK4 eta EiTBko instalazioak ere bisitatu zituzten, klusterraren eginkizun eta helburuei buruzko informazio zabala jasotzeaz gainera.

Rio Grande do Sul-eko CTPAVa 32.000 metro koadroko eremu batean eraikitzen ari dira, Unibertsitate Katoliko Pontifizioko Campusean, Viamão hirian, eta ekoizpen zinematografikorako estudioak, ekipamenduak eta baliabideak izango ditu. Helburua Brasilgo ikus-entzunezkoen ekoizpenerako erreferentzia bihurtzea da, eta elkarlana sustatzea unibertsitatearen, enpresaren eta erakunde publikoen artean.    

Informazio gehiago

Ekainaren 8an, IV. EikenBANK sari banaketa egin zen EiTBko multibox aretoan. Sari nagusia "Gelditu parada" izeneko proiektuarentzat izan da, Ruben Martinez donostiar gaztearena, garraio publikoko desplazamenduei buruzko dokushowa. Proiektua garatzeko kontratua ekainaren 22an izenpetu zen, eta Pausokako gerente Itziar Zeberio izan zen sinatzaileetako bat, ekoizpen etxe hori arduratuko delako aurten ideia irabazlea gauzatzeaz.

Aurten, gainera, EikenBANKek hainbat berrikuntza izan ditu; bigarren eta hirugarren sariaz gainera ("Rituales" eta "Euskadi sin asfalto" proiektuentzat, hurrenez hurren), laguntzak eta bekak ere ematea: Bilbao Lan Ekintza bekak ("Rituales" eta "Euskarabaneros" proiektuentzat) eta BBK Gazte Lanbidean beka ("Okupenea"). Sari-banaketan, Etxepare Institutuko ordezkaritza bat izan zen, erakunde horrek hartu duelako bere gain Eusko Jaurlaritzako Kultura Sailetik ikus-entzunezkoen sektorera bideratzen den laguntza. Institutuko zuzendari Aizpea Goenagak EikenBANK egitasmoaren garrantzia goraipatu zuen talentua bilatzeko baliabide gisa.

Alde horretatik, talentu ez-profesionala bilatzeko eredu aitzindari honek beste urrats bat egingo du datorren irailaren 1ean, Gasteizko FesTVal jaialdian. Eikenek EikenBANK programaren bertsio egokitu bat aurkeztuko du Telebistaren Jaialdian, Fresh EikenBANK izenekoa, programaren lau edizioetan parte hartu duten proiektu batzuen pitching saio berezia. Jaialdi horretako publikoa estatu osotik etorritako telebista eta ekoizpen etxeetako eduki arduradun profesionalek osatuko dute.

Juan Mari Gurrutxaga, Mixer enpresako zuzendaria, Eikeneko Lehendakaria izango da berriro datozen 3 urteetan, Klusterreko bazkideek ekainaren 16an Zamudion egin zen Batzar Nagusian hartutako erabakiaren ondotik. Izendapen horrekin batera, Itesako zuzendari Begoña Ayarza hautatu zuten lehen lehendakariorde, eta 3koma ekoizpen etxeko zuzendari nagusi Juan Carlos Lopez, bigarren lehendakariorde. Gainera, sektoreko beste 9 enpresa ere izango dira Eikenen zuzendaritza batzordean: Vilau, K2000, Pausoka, Vicomtech-IK4, Euskaltel, EiTB, Irusoin, Bainet TV eta Euskal Produktoreen Elkartea.

Hauteskundeen emaitzak berretsi egin du Klusterraren zuzendaritzak gaurdaino egin duen lana, helburu nagusi batean oinarritua: sektorea merkatuko behar berrietara egokitzea eta ikus-entzunezkoen egoera berrian lehiakortasuna areagotzea. Zuzendaritza Batzordearen eginkizun garrantzitsuenetakoa, beraz, gaurdaino bezala, ezagutzan, berrikuntzan eta elkarlanean oinarritutako proiektuak landu eta garatzea izango da.

Nolanahi ere, Juan Mari Gurrutxagak zuzentzen duen taldea jakitun da gaur egungo egoera ekonomiko kezkagarriaz. Hauteskundeen aurretik eginiko batzarrean, agerian gelditu ziren ekoizpen enpresek bereziki pairatzen dituzten arazoak, %20 inguruko murrizketarekin fakturazioan eta enpleguan. 2011ko aurreikuspenek egonkortze bat iragartzen badute ere, ez da gorakadarik espero emaitza ekonomikoetan.

Eiken – Euskadiko Ikus-entzunezkoen Klusterrak, Itesa / Erpin 360ren eta Politeknika Ikastegia Txorierriren lankidetzaz eta Bilbao Nexten laguntzaz, Estereoskopiari (3D) buruzko I. Jardunaldi Profesionala egin zuen ekainaren 28an. Jardunaldiaren helburua 3Dn garatutako ahalmenak sektoreari aurkeztea zen, baita arlo horretan prestakuntza sustatzea ere. Horrez gain, gure inguruan egindako esperientzia arrakastatsuenak erakutsi ziren. 100 pertsona baino gehiago hurbildu ziren Alhóndiga Bilbaora, jardunaldian parte hartzeko.

Topaketa 3Dren arloko adituek eman zituzten hitzaldietan egituratu zen. Era berean, teknologia horren bidez grabatutako materiala proiektatu zen, eta grabazio eta postprodukzio prozesuen xehetasunak azaldu ziren. Egitarauak ikuspegi bikoitza eskaini zuen: profesionala eta prestakuntzari lotutakoa.

Inaugurazio ekitaldian, Bilbao Nexteko zuzendari Marcos Murok eta Eiken – Euskadiko Ikus-entzunezkoen Klusterreko presidente Juan Mari Gurrutxagak parte hartu zuten. Jarraian, hitzaldiak eman zituzten Politeknika Ikastegia Txorierriko Juan Ángel San Vicentek eta Jon Arisketak, Nafarroako “d4d Ingeniería Visual” enpresako Javier Cabanasek eta Bartzelonako "Apuntolapospo" posprodukzio estudioko José María Aragonés Gayak.

Amaitzeko, jardunaldian lagundu zuten hiru enpresek estereoskopiako tekniken bidez sortutako materialak proiektatu ziren. Besteak beste, kirol emanaldiak, telebistako iragarkiak edo film luzeak ikusi ahal izan ziren.

"Sunny Side of the doc" Dokumentalaren Nazioarteko Azoka ekainaren 21etik 24ra egin da, Frantziako La Rochelle hirian, eta euskal industriak ordezkaritza zabala izan du. Azokak interes handia piztu du, eta, lehenengoz, Euskadiko 16 enpresak beren proiektuak eraman dituzte La Rochellera, Basque Audiovisularen babespean. 

Zehazki, hauek dira "Sunny Side of the doc"en egon diren enpresak: Basque Films ("Camaradas"), Bitart (Bilbao Mahler), Dig y Tal, Fascina Producciones ("Flores de la frontera"), Gasteiz Film Office, Ibaia ("Lau Haizetara"), Idem ("La primera vuelta al mundo"), Kiribati ("Ocharcoaga 1961"), Moztu ("Cuidadores"), On-time ("Gurinaren oroimena), Txalapart ("Pure life"), Txintxua Films ("Bertsolari"), Tuntuxa ("Ttaup, Ttaup!"), Signo digital ("Sistiaga frame by frame", "Basque Hotel") eta Sonora ("Manuel Iradier, the explorer kid", "Identities").

Eikenek eta Etxepare Institutuak batera eginiko ekimen honen bidez, euskal ikus-entzunezkoen presentzia bermatu nahi da lehen mailako nazioarteko erakusleiho honetan, enpresen salmenta lana bultzatzeari begira. Era berean, eta standean zuzenean egingo den lanaren osagarri, euskal enpresei buruzko informazioa www.basqueaudiovisual.com web orrian eskuratu daiteke, Euskal Ikus-entzunezkoen on-line katalogo gisa.

Prentsa oharra

Eiken – Euskadiko Ikus-entzunezkoen Klusterraren bazkide diren enpresek Bazkideen Batzar Nagusian aukeratu zuten datozen 3 urteetan erakundea gidatuko duen Zuzendaritza Batzordea. Bozketan, Mixerreko zuzendari Juan Mari Gurrutxaga aukeratu zuten berriro Eikeneko presidente izateko, eta ondoan izango ditu Itesako zuzendari gerente Begona Ayarza lehen presidenteorde gisa eta 3komako zuzendari nagusi Juan Carlos López bigarren presidenteorde gisa. Zuzendaritza Batzordea berrituta, euskal ikus-entzunezkoen sektorea ordezkatzen duten hamabi erakundeek elkartearen gidaritza eramango dute. Aipatutako Mixer, Itesa eta 3koma erakundeez gainera, honako hauek daude: Vilau, K 2000, Pausoka, Vicomtech-IK4, Euskaltel, EiTB, Irusoin, Bainet TV eta Euskal Produktoreen Elkartea EPE-APV.

Zuzendaritza Batzordea berritzeko prozesua Ohiko Batzar Nagusian egin zen, eta bertan azaldu ziren, halaber, sektoreko egoeraren ildo nagusiak. Klusterrak erregistratutako datuen arabera, EIKENeko enpresa bazkideek 123,6 milioi euro fakturatu zituzten 2010ean, eta 2.032 pertsonari eman zieten lana. Zifra horiek, ordea, nabarmen murrizten dira produkzio enpresetako datuen erreferentzia hartuz gero. Izan ere, enpresa horien fakturazioa % 19 murriztu zen, eta joan den urtearekiko % 20 jaitsi zen enplegua. Krisiaren eta sektorearen erabateko eraldaketaren presiopean egon arren, lankidetza eta berrikuntzaren aldeko erronkari eutsi diote Eikeneko enpresek, eta 2011n oraingo datu berak izatea aurreikusi dute.

Oro har, Eikenen arabera, batez ere lehen aipatutako faktoreek eraman dute ikus-entzunezko sektorea ziurgabetasun orokorreko garai honetara. Haatik, aurreko ekitaldian Klusterrak sektorea dinamizatzeko martxan jarritako hainbat ekimen sendotu dira, hala nola: EikenBANK talentu ez-profesionalaren bankua, AnimaBasque-Business animazio azoka, Gidoi Faktoria prestakuntza proiektua eta Basque Audiovisual nazioarteko marka.

Nabarmena izan da, halaber, Klusterrak bete duen papera berrikuntzari lotutako banakako eta taldeko proiektuak bultzatzen eta laguntzen. Zehazki, SPRIren 5 Compite programa banatu dira, eta 8 lehiakortasun diagnostiko eman zaizkie ikus-entzunezko sektorearen beste hainbeste enpresari.

Zuzendaritza Batzorde berriak, aurrerantzean eta datozen hiru urteetan, aurreko agintaldian hasitako lanarekin jarraitu beharko du, orduan finkatu baitziren sektorea “Ikus-entzunezko Berrira” eramateko oinarriak. Ekimen hori “Eiken Advance” programaren bidez gauzatzen da, eta programa horrek dagoeneko emaitzak eman ditu bideo jokoen eta “new content”en arloetan.

"Gelditu Parada" saio freskoa eta berritzailea da, eta jendeak autobusean bidaiatzen duenean pentsatzen duena du hizpide. Proiektu honek eskuratu du IV. EikenBANKeko sari nagusia. Epaimahaikideen ustez, Rubén Martínez donostiar gaztearen proiektua originala eta bideragarria da, eta ikus-entzunezko proiektu gisa garatzeko baldintzak betetzen ditu. Hortaz, Rubén Martínezek 2.000 euroko saria jaso du, eta baita Pausoka ekoizpen-etxean trebatzeko beka ere. Gainera, Pausokak berak proiektua ekoitziko du.

Bestalde, bigarren eta hirugarren saria ere eman ditu aurten EikenBANKek. Hain zuzen ere, Aitor Gametxo, María Elorza eta Maddi Castro UPV/EHUko ikasleen “Rituales” proiektuari eman diote bigarren saria, eta David Gamboaren "Euskadi sin asfalto" reality-ari, berriz, hirugarrena. Proiektu bakoitzak 2.000 euroko saria jasoko du. Gainera, aurten estreinakoz eman diren Lan Ekintza Bilbao beketako bat jaso du “Rituales” proiektuak.

“Okupenea" fikziozko sailak eta "Euskarabaneros" proiektuak ere beka bana jaso dute (BBK Gazte Lanbidean beka eta Lan Ekintza beka, hurrenez hurren). Azkenik, "Magia tiro pun!" proiektuaren sortzaileek epaimahaiaren aipamen berezia jaso dute, proiektuaren defentsa onenagatik ("pitching").

Sariak, EiTBko Bilboko egoitzan egin den ekitaldi berezian eman dira ezagutzera. Aizpea Goenaga Etxepare Institutuko zuzendaria eta Juan Mari Gurrutxaga EIKENeko lehendakaria izan dira ekitaldiko buru, eta honako hauek ere bertara bildu dira: Patxi Arratibel EiTBko Estrategia eta Kanpo Harremanetarako zuzendaria, Juan Antonio Arrieta Lan Ekintzako zuzendaria, Arantza Gandariasbeitia BBK Gazte Lanbidean-eko zuzendaria, eta Iñaki Lopez de Agileta Bilboko Udaleko Kultura zuzendaria. Gainera, heziketa zentroetako ordezkari gisa, honako hauek ere bildu dira ekitaldira: Carmelo Garitaonaindia UPV-EHUko Bizkaiko Campuseko errektoreordea, Álvaro de la Rica Deustuko Unibertsitateko Bizkaiko Campuseko Gizarte eta Giza Zientzien Fakultateko dekanordea, Aitor Zuberogoitia Mondragon Unibertsitateko Ikus-entzunezko Komunikazioaren Graduko zuzendaria, eta Iñaki Aizpuru Andoaingo Zine eta Bideo Eskolako zuzendaria.

Prentsa oharra

Mondragon Unibertsitatearen Humanitate eta Hezkuntza Zientzien Fakultateak (HUHEZI) eta Euskadiko Ikus-entzunezkoen Klusterrak (Eiken), berau Euskadiko ikus-entzunezkoen enpresa nagusiek osatua, elkarlanerako hitzarmena sinatu zuten maiatzaren 10ean, Eskoriatzan. Hitzarmenaren arabera, HUHEZIk segituko du EikenBANK proiektua laguntzen. Horrezaz gain, erakunde biek hainbat proiektu egingo dituzte, horietako bat aztertzea zer egoeratan dagoen ikus-entzunezkoen sektorea EAEn.
Mondragon Unibertsitatearen izenean Nekane Arratibelek sinatu zuen, HUHEZIko dekanoa, eta Eiken klusterraren ordez Itziar Menak, Eikeneko zuzendaria. Biek ala biek interes handia erakutsi zuten elkarlana areagotzeko bi erakundeen artean.

Lankidetza-eremuak
Hitzarmenak hiru atal nagusi izango ditu:

1. Elkarlana. Beharrezko neurriak hartzea elkarlana bultzatzeko erakunde biei interesatzen zaizkien proiektuetan.
2. EikenBANK. Lankidetzan jardutea EikenBANK proiektuak arrakasta izan dezan. Horren bidez, clusterrak harremanetan jarriko ditu ikasle gazteak eta ikus-entzunezko sektoreko enpresak, lankidetza horretatik produktu berri lehiakorrak sor daitezen. HUHEZIk bere ikasleak bideratuko ditu proiektura eta bertako babesle eta eragile bihurtuko da.
3. Azterketa bateratua. Erakunde biek ikerketa proiektu bateratua egingo dute aztertzeko 2011n zein den ikus-entzunezko sektorearen egoera EAEn. Unibertsitatearen izenean, Idoia Astigarraga ikertzailea arduratuko da ikerketa dokumentalaz, marko teorikoa prestatzeaz eta sakoneko elkarrizketak egiteaz. Eiken, berriz, arduratuko da ikerketaren alde kuantitatiboaz.
Alde biek jarraipen batzorde bat sortuko dute hitzarmenaren jarraipena egiteko. Hitzarmena, gainera, indarrean egongo da sinatzaileek besterik erabaki arte.

Eikenek Eduki Digitalei buruzko sektorekako lehen txostena abiaraziko du, Mondragon Unibertsitatearen eta Eusko Jaurlaritzaren Kultura Sailaren laguntzaz. Ekimena bideratzeko akordioa hil honen hasieran egin zen, inplikatutako eragile guztiek egiaztatu zutenean orain arte bakarka eginiko lanetik sinergiak lortzeko aukerak zeudela.

Eikenek, S&F aholkularitzak eginiko proposamen teknikoaren aurrerapena aurkeztu zuenak, euskal ikus-entzunezkoen irudi erreala lortzeko helburua du. Hala, enpresek egungo egoerara egokitu, eta etorkizun hurbileko beharrei aurre hartu ahal izango diete. Ekimen honetan proposatutako landa lana ikus-entzunezko sektorea baino harago doa; izan ere, digitalizazioaren eraginpean dauden beste kultur industria batzuetan aplikatzeko aukera ikusten da, hala nola liburuaren industrian.

Bileran, ordezkatutako hiru erakundeek arlo horretan egingo den jardueraren ildo nagusiak aurkeztu zituzten, eta lankidetza gune komun bat dagoela baieztatu zuten. Hortaz, ekainean beste bilera baterako hitzordua jarri zuten, batetik, sektorearen prestakuntza eskaerak eta beharrak jasotzeko, eta, bestetik, Eusko Jaurlaritzak “digitalizatze mapa”-ri buruz egindako azterketaren bilakaera analizatzeko.

Apirilaren hasieran, Bilbon, kulturaren eta industriaren arteko harremanari buruzko lehen jardunaldi espezifikoa egin zen, SPRIk antolatuta, Eusko Jaurlaritzaren Kultura, Berrikuntza, Industria, Merkataritza eta Turismo sailen laguntzaz. Jardunaldi honen bidez berretsi egin zen Eikenen ikuspegi estrategikoa, bi kontzeptuak ikuspegi sektorial batez elkartzeari begira.

Horren harira, Bilboko Eusko Jaurlaritzaren egoitzaren Ekitaldi Aretoan egindako topaketaren helburua izan zen SPRIk garapen ekonomikorako eskainitako aukeren berri ematea, kultur enpresen artean; izan ere, hainbat arrazoi direla-eta, eskaintza horiek ez dira iristen hartzaileak izan daitezkeen horiengan. 
 
Ekitaldian Kultura sailburu Blanca Urgell andreak eta SPRIko zuzendari nagusi Tomás Orbea jaunak parte hartu zuten, eta bi sektoreen arteko loturak erabat garatzearen aldeko interesa agertu zuten biek.

Joan den martxoaren 11n, Eusko Jaurlaritzaren Industria, Berrikuntza, Merkataritza eta Turismo Sailak bultzatutako Kluster Arteko Ekimenaren lehen bilera egin zen, herrialdeko kluster guztiak bilduko dituen organo komun bat eratzeko asmoz. Helburua sektorez gaindiko sare bat sortzea da, enpresen arteko lankidetzaren bidez proiektuak egitea ahalbidetuko duena.

Eraginkortasun arrazoiak direla-eta, lehen bileran Zuzendaritza Batzordea eratzea onartu zen, 6 pertsonek osatutakoa (klusterretako gerenteen artean aukeratutako lau pertsona, aurre-klusterren gerenteetako bat, eta Sailaren Plangintza eta Estrategia Zuzendaritzaren ordezkari bat).

Organismoaren eraketa onartu ondoren, martxan jarriko da Kluster Arteko Ekimena. Egungo klusterren antzera funtzionatuko du, eta bere helburua izango da enpresen arteko lankidetza bultzatzea maila guztietan.

Ezkerraldeko Enpresak Garatzeko Zentroan (CEDEMI), lankidetzako lanaren aldeko Eikenen estrategiaren berri eman zen hil honen hasieran, eta, zehazki, SPRIren Compite programaren bidez lortutako emaitzak aurkeztu ziren. Gaur egun, Eikenek bultzatu eta gidatutako bost proiektuk jaso dute laguntza, programa horren baitan. Gainera, zortzi lehiakortasun diagnostiko egin zaizkie Ikus-entzunezko beste hainbeste mikroenpresari (Eikeneko bazkideak direnak eta ez direnak).

Ekitaldian, aipatutako “compites”-en banatzeaz gainera, parte-hartzaileek enpresen arteko lankidetzaren emaitzak ezagutu ahal izan zituzten. Hain zuzen, Eiken klusterra sortzeko oinarriak eta bere izateko arrazoiak azaldu ziren, eta baita bere erronka ere, sektorea sare trinko eta indartsua bihurtzearen alde.

Bestalde, hilabetearen amaieran, Eikenek parte hartu zuen, halaber, atzerritarrak erakartzeko prozesuei buruzko jardunaldi batean. Nazioarteko izaera garbiko ekitaldi hori SPRIk antolatu zuen, eta Bilboko Guggenheim museoan egin zen. Parte-hartzaileek bertatik bertara ezagutu ahal izan zituzten egungo estrategiak atzerriko inbertsioak erakartzeko, eta baita Euskadin norabide horretan emandako pausoak ere.  

Formatuak eta dokumentalak izan dira Basque Audiovisualek Cannesko MIPTV azokan jarritako erakusmahaiko produktu nagusiak. Azoka hori da, hain zuzen, munduko garrantzitsuenetako bat. Euskal ordezkaritzak erregistratutako kontsulta eta informazio eskaera gehientsuenak genero horiei buruzkoak izan dira, eta joera bat dator azokan oro har sumatu den joera nagusiarekin. Ekimen hori Etxepare Institutuak eta Eikenek bultzatu dute.

Basque Audiovisualen erakusmahaira hurbildu diren pertsonen batez besteko profil profesionalari dagokionean, berriz, aurten ekoizpen eta banaketa etxeetako arduradun goren gehiago izan direla ondorioztatu da. Talde horren interesa, beraz, funtsezkoa da gerora hitzarmenak ekarriko dituzten “kalitatezko kontratuak” lortzeko; batez ere, kontuan izanda sektorean oro har dagoen zalantza giroak eta krisialdi ekonomikoak parte-hartzaileen kopurua murriztea ekarri dutela. 

Basque Audiovisualen babespean Cannesen euren txokoa izan duten euskal enpresak, hain zuzen, hauek izan dira: 3Koma, Bainet, EiTB, Expressive, Mediabask, Moztu Filmak, My Jok, Orio Produkzioak eta Pausoka. Bertan izan dira, halaber, Eriz Zapirain errealizatzailea, Vitoria-Gasteiz Film Officen arduradunak eta Eikeneko zuzendaria, Itziar Mena.

Aurten, Riviera Pabilioian egindako jarduera komertzialaz gainera, MIPTV azokako parte-hartzaileek sektoreko azken joerak hurbiletik ezagutzeko aukera izan dute. Agidanez, euskarri digital berrietara bideratzen ari da sektorea, bizkor-bizkor. Hala, mundu osoan egindako emanaldiek argi eta garbi berresten dute Eiken Advance ekimenaren bitartez Eikenek egindako apustua. Izan ere, badirudi sektorearen etorkizuna "new media content" izeneko kontzeptu bateraturantz bideratzen ari dela.

Prentsa oharra

Eiken eta Barton Filmsek antolatutako Animabasque-Business animazioko nazioarteko IV. azokak 60tik gora profesional eta sektoreko enpresen ordezkari bildu zituen Bilboko Euskalduna Jauregian. Goizeko saioan, tokiko, estatuko eta nazioarteko hainbat enpresak egindako hamar animazio proiektu bertatik bertara ezagutu ahal izan zituzten parte-hartzaileek. Arratsaldean, berriz, enpresek “aurrez aurreko” bilerak egin zituzten, euren arteko merkataritza harremanak bideratzeko asmoz.

Goizeko saioan honako proiektu hauek aurkeztu zituzten: Iceberg (Bainet eta Kukuxumuxu), Kutxu! (Balieri Studio), Capitán Vegeto (Somuga), El Hada Menta (Inercia), The Magic Tower (Master Studio), Smolitoon (Baleuko eta Cartoon4kids), I-land (Wonky eta Scrawl Studios), Climate change (Silversapce), Flying Squirrels (Mago Production), Cuentos desde el horizonte (Osibis) eta Evolución (Bitart).

Gainera, Delirium Studios konpainiak bideo jokoei buruzko saio berezia aurkeztu zuen; izan ere, horixe da animazioaren arloan gehien nabarmentzen den sektorea. Bestalde, "Kreandu" izeneko "crowdfunding" proiektua ere aurkeztu zuten, Balear Uharteetako Ikus-entzunezkoen Klusterraren bermearekin. Azokaren amaieran, "matchmaking"-en aurreikusitako 40tik gora bilera egin zituzten; guztiak ere aldi berean, eta bi orduko iraupenarekin. 

Xabier Txurruka, Sugar Factoryko gure lankidea EIKENen pasa den larunbatean Lekeition hil zen surf egiten zegoela.
 
EIKENetik gure doluminak eta besarkada haundi bat bere senidei eta Sugar Faktoryko eta EUVE-Tecnaliako lagun guztioi.
 
Hileta elizkizunak gaur hilak 4, astelehena, izango dira arratsaldeko 7retan, Durangon, Uribarriko Andra Mari Elizan.

Beti gogoan izango dugu bere poztasuna, gogo bizia eta profesionaltasuna.

Martxoaren 31n, Bilboko Euskalduna Jauregian, Animabasque-Bussines merkatuaren laugarren edizioa egingo da, animazioaren sektoreko enpresen topaketa, Euskal Herriko ekoizpenen eta Estatuko nahiz nazioarteko banatzaile nagusien artean hartu-emanak bultzatzeko. Aurtengo edizioak bideojokoen merkatuari eskainitako saio berezi bat izango du, kontuan izanik azpisektore honek ikus-entzunezkoen industrian duen garrantzi gero eta handiagoa.

Aurreko edizioetan bezala, Animabasque-Business merkatuak bi saio izango ditu. Goiza aurkezpenetarako izango da, eta era guztietako xehetasunak emango dira martxan dauden hainbat proiekturi eta merkatura etorriko diren enpresen azken lanei buruz. Gero, "matchmaking" saioa egingo da; hots, aldez aurretik edo goizeko aurkezpenen ondoren hitzartutako bilkurak eta elkarrizketak, produkturen batean parte hartzeko edo hura erosteko asmoa duten enpresen artean.  

Berrikuntza gisa, saio berezi bat eskainiko zaio bideojokoen sektoreari, Delirium Studios enpresa espezializatuak aurkeztua. Ekimen honen helburua, antolatzaileen hitzetan, merkatu berriak zabaltzea da, etorkizunerako estrategikotzat hartzen den eta gero eta eskaera handiago duen sektore batean.

Era berean, "matchmaking"-a hasi aurretik, Balear Uharteetako Ikus-entzunezkoen Klusterraren aurkezpen berezia egingo da. Kluster honek "Kreandu" izeneko proiektua jarri du martxan, "Crowdfunding" kontzeptuan oinarritua, finantzazio eredu berri bat sortzeko xedearekin, interesatuta dauden pertsona guztiek parte hartzeko aukera izan dezaten, zeregin hori pertsona baten edo entitate baten esku utzi ordez.

EIKENek eta Barton Films etxeak elkarlanean antolatzen duten topaketa Bizkaiko Foru Aldundiko Ekonomi Sustapena Sailaren laguntzari esker egiten da, eta Euskal Herriko animazio industriari bultzada emateko eginkizuna du, atzerriko merkatuetara zabaltzen laguntzeko. Aurreko edizioetan aurkeztu diren proiektu batzuek oihartzun handia izan dute gero atzerrian (Black to the moon, Perez Raton 2, Moonrige 5). Alde horretatik, aipatzekoa da, adibidez, Pedro Rivero bilbotarraren "Birdboy" laburmetraia: iazko edizioan aurkeztu zen eta aurre-hautatua izan da aurtengo Oscar sarietarako.

Prentsa oharra

Egitaraua

Aurten, Basque Audiovisual MIPTV azokan egongo da, berriro ere. Ikus-entzunezko edukien eta eduki digitalen nazioarteko azoka hori Cannesen egiten da, eta munduko garrantzitsuenetakoa da, euskarri guztietarako entretenimendua sortzeko, koproduzitzeko, erosteko, saltzeko, finantzatzeko nahiz banatzeko. Euskal ikus-entzunezkoaren nazioarteko markak bosgarren aldiz parte hartuko du ekitaldi honetan, eta bere standa edukiko du Riviera pabiloian (R31.29 standa).

Basque Audiovisual markarekin honako euskal enpresa hauek joango dira Cannesera: 3Koma, Bainet, EiTB, Expressive, Mediabask, Moztu Filmak, My Jok, Orio Produkzioak eta Pausoka. Horiez gainera, Eriz Zapirain errealizatzailea, Vitoria-Gasteiz Film Office erakundeko arduradunak, Aizpea Goenaga Etxepare Institutuko zuzendaria eta Itziar Mena Eiken klusterreko zuzendaria izango dira bertan. Apirilaren 4tik 7ra egingo den ekitaldi horretan, euskal produktuak munduko banatzaile nagusienei ezagutarazteko aukera izango dute, baita sektoreko azken joerak ezagutzeko aukera ere.

Eikenen eta Etxepare Institutuaren arteko baterako ekimen horren bidez, euskal ikus-entzunezkoaren presentzia bermatuko da, nazioarteko erakustoki nagusian, eta enpresen merkataritza lana sustatuko da. Horren harira, azokan bertan egongo diren enpresez gain, Basque Audiovisualen standak 41 euskal enpresari buruzko informazio zuzena eskainiko du, horretarako egindako nazioarteko katalogoaren bidez. Halaber, informazio hori berriki eraberritu den eta Euskal Ikus-entzunezkoaren sareko katalogo gisa eratu den www.basqueaudiovisual.com helbidean egongo da eskuragarri.

Prentsa oharra

Eikenek komunikazio arloko laguntza eskainiko die bere enpresa bazkideei, doan, EikenPress zerbitzuaren bidez. Eskaintza horrek aukera emango die informazio edukiak lantzeko (prentsa oharrak), eduki horiek zabaltzeko eta hedabideetan izandako oihartzunaren edo eraginaren jarraipena egiteko. Elkarrizketak edo artikuluak kudeatzeko aukera ere izango dute.

Zerbitzua erabili nahi izanez gero, Klusterrari eskaria egin behar diote enpresek aldez aurretik (Zurine: webmaster@eikencluster.com), eta Eikeni aholkularitza ematen dion kanpoko komunikazio agentzia batek gauzatuko du zerbitzua. Enpresa bakoitzaren komunikazio estrategia osatzea da zerbitzu honen helburua, komunikazio ahalegin handiagoa eskatzen duten ezohiko ekimenei begira.

EikenPressen bidez, Klusterrak osatu eta sendotu egingo du bere bazkideei egiten dien balio erantsiko zerbitzuen eskaintza; zerbitzu berriaz gainera, lege aholkularitza (EikenLex) eta zaintza eta lehiakortasunerako aholkularitza (SICC-Eiken) eskaintzen zien orain arte.

SPRIk Compite programako laguntzak esleitu ditu, Klusterreko enpresa bazkide hauek aurkeztutako bost proiekturi, hain zuzen ere: Orio, Canal Bizkaia, Erabi, 3 Koma, Pausoka, Baleuko, Irusoin  eta Mixer. Kasu guztietan, Eikenek proposamenak garatzeko laguntza eman du, aholkularitza estrategikoko zerbitzuaren bidez.

Eiken Advanceri loturiko proiektuetatik Compiterako bi proiektu sortu dira, eta horiez gainera izaera berritzaile eta lehiakorrari esker SPRIren babesa jaso duten ekimenak esparru hauei dagozkie: lankidetzazko edukien ekoizpen eta kudeaketa aurreratua; 3D, estereoskopian; eta denbora errealeko monitorizazioari loturiko sistemak.

"Compite" proiektu horiez gainera, SPRIk Eikenen lanari sostengua emango dio  sektorearentzat oro har adierazgarriak diren beste bi ekimenetan. Alde batetik, mikroeteen lehiakortasun diagnostikoan, eta, bestetik, negozio berrien tipologiak identifikatzeko eta sektoreko datu ekonomiko adierazgarrienak biltzeko ikus-entzunezkoen euskal industriaren ikerketa xehean.

Bestalde, hilaren hasieran argitaratu zuen SPRIk 2011rako deialdia EHAAn. Deialdi horretan parte hartzeko eskabideak aurkezteko epea urriaren 15ean amaituko da (Internetez beste inola ezin egin daiteke eskabidea). EHAAn argitaratutako informazioa honako esteka honen bidez deskarga daiteke:
http://www.euskadi.net/cgi-bin_k54/bopv_20?c&f=20110131&a=201100483

Klusterreko enpresa bazkideek Batzar Orokorra egingo dute ekaineko bigarren hamabostaldian, eta Eikeneko Zuzendaritza Batzordea berritzeko bozketa egingo da batzar horretan. Entitatearen estatutuetan ezarritakoaren arabera, aurten amaituko da gaur egungo Zuzendaritzaren agintaldia eta, ohi den moduan, Batzarrean gauzatuko da berritze prozesua.

Datozen hilabetetan, Klusterrak Zuzendaritza Batzordearen berrikuntzari buruzko informazio gehiago emango du, baita prozesuaren hurrenez hurreneko urratsen berri ere. Era berean, Eikenek bere enpresa bazkideen zerbitzura jardungo du, gai honi buruzko zalantzak argitu eta galderei erantzunez.

Aurreko otsailaren 11n, "Genero berdintasuna eraikitzen" jardunaldia egin zen Bilboko Euskalduna Jauregian. Bizkaiko Foru Aldundiak, Bizkaiko Batzar Nagusiek, Bilboko Udalak eta BBKak antolatutako ekimena izan zen, eta Eikeneko zuzendari Itziar Menak aurkeztu zituen bezperan eraikin berean egindako “world café” ekimeneko lan taldeen ondorioak; lan talde horietan, herritarrek gizon-emakumeen arteko berdintasunari buruz planteatutako kezkak izan zituzten aztergai.

Foro horretan parte hartuz, alderdi ekonomikoari nahiz antolakuntzaren alderdiari begira gizarte garapenaren alde bere gain hartua duen konpromisoan urrats bat aurrera egin du Eikenek. Hain zuzen ere, Klusterreko zuzendaria izan zen lan taldeak dinamizatzen aritu ziren 5 lagunetako bat; eta hainbat entitatetako 41 zuzendarik parte hartu zuten eztabaidetan, besteak beste Karmelo Vivancok (Baleuko).

Herritarrek inkesta anonimoetan eta, beraz, zentsurarik gabe aditzera emandako kezkei buruzko eztabaida egin zuten. Antolatzaileek nabarmendu dutenez, azpimarratzekoa da gizonek gero eta interes handiagoa dutela era honetako ekimenetan parte hatzeko; hain zuzen ere, gizonezkoen iritziak izan dira iritzi guztien %20 baino gehiago.

Informazio gehiago: www.generoberdintasuna.com

Bizkaiko Foru Aldundiak deialdia egin dio Eikeni, sektoreko beste eragile batzuekin batera, Aldundiak ikus-entzunezkoen sektoreari laguntzeko abian jarriko dituen laguntza ildo berriak garatzen parte har dezan. Hain zuzen ere, Aldundiak euskal kultura sustatzeko eta hedatzeko hobekuntzak ezartzearen alde egina duen apustuaren emaitza da ekimen hau, Aldundiko kultura arloko arduradunekin berriki egindako topaketa batean abian jarria.

Aldundiko arduradunek erabateko prestutasuna adierazi zuten sektoreari ematen dioten laguntza areagotzeko, ez soilik kulturaren ikuspegitik, baita ikuspegi ekonomikotik ere. Hala, Berrikuntza eta Ekonomia Sustapeneko ahaldun Iñaki Hidalgorekin bilera bat egitea erabaki zen, sektorearen egoera aztertzeko, estrategiak bateratzeko eta enpresa ikuspegitik sendotze ekimenak abian jartzeko.

Eiken arduratuko da Eusko Jaurlaritzako Industria Sailak Berrikuntza Sailburuordetzaren ekimenez bideo-jokoen sektoreari begira abian jarri nahi dituen laguntza ekintzak dinamizatzeaz eta koordinatzeaz. Sektore arteko bilera batean hartu zen erabaki hori, otsailaren 23an, eta bideo-jokoen arloan Eikenek landutako estrategia sendotzeko aukera emango du; garrantzi handiko ardura izango da, arlo hori baita ikus-entzunezkoen sektorea eraldatzeko negozio-aukera nagusietakoa Kluseterraren iritzian.

Sektore arteko bilera hartan, Eikeneko eta Eusko Jaurlaritzako Berrikuntzako arduradun nagusiez gainera, bideo-jokoen esparruarekin lotura duten beste entitate batzuetako ordezkariek ere parte hartu zuten, hala nola Gaia klusterrekoek eta Digipenekoek; Gamerland eta Euskal Encounter ekitaldi espezializatuen sustatzaileek; jarduera horretan diharduten euskal enpresetako ordezkariek; eta Eusko Jaurlaritzako Kultura Sailekoek.

Eikenek bereziki azpimarratu zuen sektorearen azterketan eta ikerketan Klusterrak dagoeneko egindako lana, Eiken Advance ekimenaren bitartez bideratua eta Eiken Gaming proiektua abian jartzeko bidea eman duena.

Aurreko otsailaren 16an PIAren Donostiako instalazioak inauguratu zituzten. Donostiako Udala izan da proiektuaren aitzindaria, Donostiako Sustapen erakundearen bidez. Poloko eragileen taldeko kidea da Eiken, eta ekimen hau ikus-entzunezkoen euskal industria sendotzeko lagungarria izango den uste osoa du, batez ere, garai zail hauetan. 

PIA bi eraikin berrik osatua da; eraikin horietan hirurogei enpresatik gora bildu nahi dituzte, ikus-entzunezkoak, multimedia materialak eta eduki digitalak lantzen dihardutenak. Abangoardiako espazio berritzailea izan nahi du, ikus-entzunezko enpresei lehiakortasunerako beharrezko baldintzak eskainiko dizkiena.

Ekimen honetarako 23 milioi euroko inbertsioa egin behar izan da, eta Udalak, Industria Ministerioak (Avanza planaren bidez) eta Lurralde Politika eta Administrazio Ministerioak (E planaren bidez) finantzatu dute. PIAk jakinarazi duenez, lokalen %30 dituzte dagoeneko alokatuta, eta beste %50 alokatzeko izapideak egiten ari dira. Urte amaierarako %60 beteta edukiko dute, aurreikuspenen arabera.

Urtarril amaieran, hainbat topaketa egin ziren Ekoeuskadi 2020 / Euskadiko Garapen Iraunkorrerako Estrategia programaren esparruan. Deustuko (Bilbo) Unibertsitateko KRAI Liburutegian egin zen bileran parte hartu zuen Eikenek. Euskal sistema sozioekonomikoari proposamenak egitea zen helburu nagusia, hurrengo hamarkadan ere bere iraunkortasuna bermatze aldera.

Informazio gehiago: www.ecoeuskadi2020.net

Urtarrilaren 27an, Ikus-entzunezkoen Berrikuntza Poloaren Parte-hartze Foroak aldian-aldian egiten dituen bileretako bat egin zuen Donostian. Bertan, Eikenek parte hartu zuen Parte-hartze Foroaren kideetako bat denez. Eguneko gai zerrendan, honako puntu hauek landu zituzten: sartu diren enpresa berriak (Tecnalia), 2010eko jardueren eta 2011ko proiektuen balantzea, ikus-entzunezkoen sektorearen testuinguruari buruzko txostena eta Fernando Labradak emandako hitzaldi labur bat (“Joera berriak: Media hiriak”). Azkenik, parte-hartzaileek ikustaldia egin ahal izan zuten eraikinean barrena.

Informazio gehiago

Eikenek, 2011tik aurrera Etxepare Institutoarekin lankidetzan, ekimen ezberdinak abian jarri ditu nazioarteko merkatuetan euskal ikus-entzunezko sektorearen presentzia sendotzeko. Hain zuzen ere, momentu honetan MIPTVrako egitaraua zehazten ari da. Merkatu hau, Basque Audiovisualeko stand-aren bitartez euskal ikus-entzunezko industria presente egongo den lehenengo azoka izango da.

Aurreko urteetan bezala, Eikenek sektoreko enpresen informazioarekin osatutako produktuen katalogo bat eskeiniko die Basque Audiovisualeko stand-era bertaratzen diren enpresei. Katalogo hau MIPTVra joango diren enpresetaz eta joango ez direnak baina agertu nahi diren enpresetaz osatuta egongo da. 

Basque Audiovisual hiru merkatuetan parte hartuko du: MIPTV (apirilaren 4tik 7ra), Sunny Side oh the Dock (ekainaren 21etik 24ra) eta MIPCOM (urriaren 3tik 6ra).  Eikenekin batera, Eusko Jaurlaritzak Etxepare Institutoaren bitartez parte hartzen du ikus-entzunezko sektorea bultzatzeko. 2011tik aurrera, Etxepare Institutoak Niniak programa bere gain hartzen du.

Informazio gehiago: www.basqueaudiovisual.com  

Eiken buru-belarri dabil 2015eko Zientzia eta Teknologia Planean txertatzeko proposamenak eta ekimenak garatzeko lanean. Eusko Jaurlaritzak gidatutako prozesu honek Sustapen Foroaren esparruan onartutako konpromisoei erantzun nahi die. Foroaren helburua, hain zuzen, euskal eragile ekonomiko nagusiak mugiaraztea da, arlo honetan 2015. urtera arteko “ibilbide orria” sortzeko asmoz.

Abenduaren 10ean, Sustapen Foroaren lehenengo bilera egin zen BECen. Bertan, Eikenek ez ezik, Zientzia, Teknologia eta Berrikuntzaren Euskal Sareko eragile guztiek ere parte hartu zuten. Lan Dokumentu baten bitartez (hemen ikus daiteke), parte-hartzaileek aurretiazko helburu eta estrategiak ezagutu ahal izan zituzten; alegia, Foroko parte-hartzaileek aztertu eta aintzat hartu beharrekoak.

Berandu baino lehen jakinaraziko dira bilera horretan landutako ideiak eta ateratako ondorioak, eta hurrengo pausoak ematen hasi aurretik, parte-hartzaile guztien artean banatuko dira. Era berean, Eusko Jaurlaritzak parte hartzeko kanpoko zenbait kanal ditu aktibo (blogak), zeinahi eragilek ideiak edo iradokizunak eman ditzan. 

Informazio gehiago

Eiken - Euskadiko Ikus-entzunezkoen Klusterra izango da, hain zuzen, Eusko Jaurlaritzaren Industria, Berrikuntza, Merkataritza eta Turismo Sailak 2010-13ko Lehiakortasun Plana bideratzeko eta dinamizatzeko izendatutako eragile aktiboetako bat.

Urtarrilaren 26an euskal kluster nagusien arduradunekin egindako bilera batean, Bernabé Unda sailburuak zalantzazko ekonomia orokorraren testuinguruan euskal industriaren gaitasun berritzailea sustatu eta abangoardia postuan jartzeko helburua duen ekimen berri honen ideia nagusiak aurkeztu zituen.  

Sailburuak berak bileran adierazi zuenaren arabera, sailak klusterrengan du konfiantza, ekimen hau elkarte horietan ordezkatuta dauden herrialdeko sektore estrategikoetara helarazteko. Proiektu hau garatzeko, orotara, 11.000 milioi euro mugituko dira, funts publiko zein pribatuak barne hartuta.

Planaren xedea, hain justu, Euskadi lehiakor eta iraunkorra lortzea da; betiere, iraunkortasuna bere hiru osagaien arabera ulertuta: ekonomikoa, gizartearena eta ingurumenarena. Horretarako, dokumentuak hiru ardatz estrategiko ditu: lehenengoak ekonomia irekia bilatzen du; bigarrena, ekonomia berritzaile, ekintzaile eta teknologiari begira aurreratuaren bila dabil; hirugarrenak, berriz, ekonomia iraunkorra du helburu.

Zehatz-mehatz hemen ikus daiteke Plana.

Informazio gehiago

Eiken - Euskadiko Ikus-entzunezkoen Klusterrak EikenBANK programa jarri du abian aurten ere, laugarren urtez. Programaren helburua, hain zuzen, profesionalak ez direnen talentua lortu eta enpresa mundura hurbiltzea da. Horrenbestez, urtarrilaren 15etik apirilaren 30era bitarte www.eikenbank.com webgunea zabalik egongo da, gazte sortzaileek telebista saioetarako proiektuak eta ideiak bidal ditzaten.

Programaren helburu lehena, hain zuzen, sektoreko enpresen eta gazte sortzaileen arteko elkarreragina sustatzea da; eta xede hori erdiesteko, aurreko urtearekin alderatuta, hainbat berrikuntza dakartza. Batetik, ideia onenak 2.000 euro eta 4.000 euroko balioa duen prestakuntza beka jasoko ditu; hala, ideia horren arduradunak profesionalki garatu ahal izango du bere proiektua laguntzaileak diren ekoizpen etxeetakoren batean.

Bestetik, aurreko edizioetan aurkeztutako proiektuek erakutsitako geroz eta kalitate handiagoa dela tarteko, 2.000 euroko beste bi sari ere emango zaizkie bigarren eta hirugarren tokian geratzen diren proiektuei. EikenBANKek, gainera, estatuko ikus-entzunezkoen azoka garrantzitsu batean aurkeztuko ditu bi proiektu horiek; hartara, litekeena da ekoizpen etxeren baten interesekoa izatea, eta azkenean, profesionalki ekoitzi ahal izatea.

Hiru sari nagusi horiek, ordea, ez dira bakarrak. Gainerako parte hartzaileek programan parte hartzen duten enpresekin zuzeneko “Face to Face” topaketak eduki ahal izango dituzte, eta bide horretatik, gazteen eta enpresen arteko elkarreragina sustatuko da. Ekimen honek arrakasta handia izan du aurreko edizioetan, eta hain justu, sariak banatzen diren egunean bertan egin ohi da (aurreikusita dagoenez, ekainaren lehenengo hamabostaldian izango da aurten).

Parte hartzeko sistema oso erraza da. Ikus-entzunezko proiektu original bat daukan zeinahi gazte sortzailek har dezake parte; betiere, baldin eta ez badabil lanean edo denbora luzean modu profesionalean lankidetzan sektoreko enpresaren batekin, edukien arloan. Web orri batean daude bilduta programaren oinarriak eta prozedura osoa (www.eikenbank.com), eta horren arabera dago egituratuta ekimen guztia.

Eikeneko kidea den Digitalak La Palmara joan da 360ºko kamara hartuta, bertako 20 mendi ibilaldi baino gehiago jasotzeko. Bertoko Ingurugiro Sailak eskatuta, homologatuta dauden ibilbide guztiak grabatu dira sistema honekin, eta GPS datuak ere hartu dira. Helburua da, ibilbidea egiten hasi aurretik, norberak bere etxetik ikus ahal izatea, zeintzuk diren den xehetasun eta zailtasunak.

Guztira, La Palma-ko uhartetar sareko mendi garaietako 23 ibilbide homologatu ikus daitezke eta zehetasun osoz arakatu ordenagailua baten bidez. Proiektu berritzaile honek punta-puntako teknologiadun ikus entzunezko sistema bat erabiltzen du. www.senderospalma.com helbidean bideo esferikoen bitartez aipatutako bideak norabide guztietan ikus daitezke eta bai angelua eta abiadura kontrolatu daitezke.

Cabildo-aren arabera elaborazio "neketsua izan da", batez ere "grabaketa lanak oso neketsuak izan bait dira, datu eta informazio asko barneratzeagaitik". 360ºeko irudiak 'Immersive Media' bideo esferikoaren sistemarekin garatu dituzte Digitalak eta Sigamap-Geosistemas enpresek.

Informazio gehiago

Eikenek —Euskadiko Ikus-entzunezkoen Klusterra— eta Donostiako Sustapena udal-sozietateak elkarrekin antolatu zuten “Bikaintasuna eta Ikus-entzunezkoak” jardunaldia, euskal mikropymeek garatutako proiektu garrantzitsuenetariko batzuk ezagutzera emateko asmoarekin. Ekitaldia Kalitatearen eta Bikaintasunaren Europako XVI. Astearen barruan kokatzen da, eta Cemein egin zen, Donostiako Sustapenaren Enpresa Zentroetariko batean.

Jardunaldian 40 enpresatik gora bildu ziren. Antolakuntzak “jardunbide egokiak” medio bereziki nabarmendutako lau proiektu hautatu zituen, eta jardunbide horiek jardunaldira joandako gainerakoekin partekatu zituzten. Hona hemen hautatutako lau enpresak: Jarkatza Media, Úbiqa, Mediabask eta Overalia.

Jarkatza Mediako kudeatzailea den Juan Carlos Revueltak IP transmisioak kalitatez egiteko enpresak garatutako erremintak aurkeztu zituen. 

Bestalde, José Luis Roncerok, Úbiqako zuzendariak, kolaborazio-produkzioan oinarrituta ikus-entzunezko edukiak sortzeko enpresak egindako lana azaldu zuen.

Mediabask Entertainment enpresak, ikus-entzunezkoen produkzioan eta banaketan aritzen denak, bereziki animazioaren eremuan garatutako lanaren berri eman zuen. 

Azkenik, Overalia web bilatzaileen eta analitikaren marketingean espezializatutako konpainia da. Jardunaldian azaldu zuten moduan, enpresaren helburua da balioa ematea haiek diseinatutako web orrialdeei, eta komunikazioko estrategia orokor batean sartu eta on line bidezko indar guztia ustiatzea.

Eikeneko kidea den Úbiqa-k Anesvad Fundazioaren  'Habla Proiektuan' parte hartu du. Hau, giza komunikazioan ekimen aitzindaria da eta telefono mugikorrarekin grabatzen diren elkarteko bideoen egitean datza. Bideo hauek Fundazioak lan egiten duen pertsona behartsuek grabatzen dituzte eurak izan daitezen hain zuzen ere, beraien bizimodua isladatzen dutenak.

Úbiqatik metodologia ongi dabilela frogatu ahal izan dute eta baitere diseinatutako lankidetza eta partehartze lan prozesua ikus entzunezko edukiak mugikorrekin grabatzeko ondo aprobetxatua izan dela Perú eta Bangladeshen 'Habla proiektuan' parte harte dutenen artean.

Anesvad Fundazioak ekimen hontean orneztatzen du bere kanpaina instituzional berria, zein azaroaren 15ean hasi zen 'Posible dela sinesten dugu ...eta kontatzera goaz' lemapean. Perú eta Bangladesh-en bizi izandako esperientziaren inguruan itzulikatzen da ekimen guztia eta telebista spot bi, sei mikrodokumental, azalpen bideo bat eta 2.0 web ekimen batzuk osotzen dute mugikorren bidez egindako proiektua. 

EikenBANK, profesionalak ez direnen adimen bilketa programa, azaroaren 11 eta 12an Cáceres-en ospatu den RedCave IV. Topaketako proiektuen artean protagonista bihurtu da. Bilera I.go Nazioarteko Ikus-entzunezkoen Gune-aren testuinguruan ospatu da, non Sarearen estatutuen oinarriak ezarri ziren.

EikenBANK Eikeneko arduradunek aurkeztu zuten beste proiektu estrategiko batzuekin batera Gidoi Faktoria, Basque Audiovisual edota Eiken Advance bezalakoak, eta  berariaz azaldua izan zen beste klusterrek erakutsitako jakinminagaitik euren erkidegoetan eredu berdina ezartzeko asmoarekin edo elkar lanean aritzeko. Gaur egun, RedCave Galiziako, Madrileko, Kanariaseko, Valentziako, Andaluziako, Catanluyako eta Extremadurako Klusterrak osatzen dute, Euskadikoaz gain.
 
Cáceres-eko bilera eta gero, RedCavek 4 arlo nagusitan oinarrituko den  Plan Estrategiko bat zehaztu nahi du. Hain zuzen ere: Berrikuntza, Heziketa, Nazioartekotzea eta Harreman Instituzionalak. Horretarako, abian jarriko dira koordinaturik arituko diren lan talde ezberdinak zeintzuk 2011. urtean 3 urteko iraupena izango duen Plan estrategiko bat aurkezteko helburua dute.

Eikeneko kide den Irusoinek eta Moriartik ekoitzitako '80 Egunean' filmea berriki saritua izan da Hanburgon eta Tuteran. Tudelako 'Opera Prima' zinema jaialdian saritu dute, zuzendaritza onenaren aipamenarekin. 

Zehazki, 9.000 euroko ordainsaria duen zuzendaritza onenaren 'Príncipe de Viana' saria eskuratu du lanak. Baitere Eikeneko kidea den Barton Films, pelikula honen banatzailea da. 

Baina Tuterakoa ez da filmak azken egunotan eskuratu duen sari bakarra. Oraintsu, Hanburgo Queer Film Festival jaialdiko 'Globala' publikoaren saria ere eman diote. Baina Nazioarteko mailako arrakasta ez da berria '80 Egunean' pelikulako arduradunentzat. Uztailean Karlovy Vary Txekiako Zinemaldian izan zen lana ikusgai, 'Focus on the World' sailean. Irailean, Donostiako Zinemaldiko Zinemira atalean izan zen '80 Egunean', eta urrian, London Film Festival jaialdian ere hartu zuen parte.

'80 Egunean', zinema aretoetan estreinatu zen maiatzaren 21ean eta Euskadiko Ikus-entzunezkoen Klusterreko kidea den Euskal Telebistaren partaidetza izan du.

Espainiako Kultura Ministerioak atera berri du fábricacultural.com web orria, zeinek kultura arloko ikasle edota profesionalei zuzendutako beka, diru laguntza, enplegu eta sarien berri ematen du. 

Gune honek, albiste eta aukeren informazioa ematez gain, beste zerbitzu batzuk ere eskeintzen ditu. Aholkularitza birtual, pertsonal eta telefonikoa, erabiltzaileen gunea baitere, giza sarea; beka, diru laguntza, eta elkarkidetzaren errekurtsoak dituen 2.000 lagun gorako datu basea, eta aurretiaz dohainik izena eman duten 4.500 erabiltzailek astero hartzen dute buletina.

Kulturaren arloko europar proiektuak garatzen dituen Rubicón Servicios Culturales y Educativos kontsultorak jarri du martxan web orria. 

Informazio gehiago

Azaroan Europar Batasun osoan Kalitatearen Europar Astea ospatzen da urtero, kalitatearen hedapen eta sustapen ekitaldiak batzen dituen topagunea izanik Europa osoan zehar. Zentzu honetan, EUSKALITek, urtero lez, gertaera hau koordinatzen du Euskadin. Aurten, Astearen XVI. edizioa gure erkidegoan azaroaren 8 eta 19 bitartean ospatuko da eta Eiken, Euskadiko Ikus-entzunezkoen Klusterra, ere presente egongo da.

Azaroaren 17an, eta Donostia Sustapenarekin batera, 'Ikus-entzunezkoa eta bikaintasuna: praktika onak sektoreko euskal enpresa txikietan' jardunaldia antolatu du. Ekimen hau, ikus-entzunezko euskal enpresa txikiek izan duten onarpena azalduko duen esperientzia da. Euskal Ikus-entzunezko profesional eta sektore honen inguruan lan egiten dutenei zuzendua dago.

Kalitatearen Europar Asterako aukeratutako goiburua: ‘Kalitatearekin hasi, Berrikuntzarekin jarraitu eta Bikaintasuna lortuko dugu’ da. Eta esperientzia berberak izatea duen garrantzia azpimarratu nahi du eta erakundeetan Bikaintasuna osatzen duten elementuen ezagutzaren, hala nola, gizarte erantzunkizuna, sostengarritasuna eta ezagutza, balioa.

Informazio gehiago

Basque Audiovisual markaren arduradunek MIPCOM 2010 azokan ikusi ahal izan dutenez, negozio estrategia berri guztiak testuinguru digitalean kokatuko dira aurrerantzean, eta funtsezkoa izango da estrategian malgu jokatzea aukera berriak aprobetxatzeko.

Izan ere, MIPCOM azokan aurkeztu diren ikerlanen arabera, aro digital berri honetan, pertsona kontsumitzaileek eredu zehatz batzuei jarraitzen diete eta prest daude ikus-entzunezkoen produktuak ordaintzeko baldin 3 eskakizun betetzen badituzte: kalitatezkoak, egokiak eta aberasgarriak izatea. Alde horretatik, John Smith BBC Worldwide-ko Zuzendari Nagusiak adierazi du bere konpainiak sarrerak bikoiztu dituela merkatu berrietara zabaldu eta baliabide digitaletan esperimentatzeari ekin zionetik.

Alderdi digitalaz gainera, MIPCOM azokak agerian utzi du sare sozialen garrantzi gero eta handiagoa. Azokan aurkeztutako ikerlan baten arabera, AEBetako Interneteko erabiltzaileek denboraren %25 igarotzen dute jada sare sozialetan edo hari lotutako baliabideetan (posta elektronikoa, musika, on-line telefonoa, prentsa digitala).

Joera honen ondorioz, abian da dagoeneko adituen ustez hedabide sozialen iraultza. Horren adibide bat MIPCOM azokan bertan izan dugu: aplikazio berezi bat aurkeztu dute Facebook edo Linkedln erabiltzaileentzat, bideoak elkarrekin ikusteko areto birtualetan, publikoak edo pribatuak. Horregatik da garrantzitsua lankidetza sendotzea eduki kreatiboen egileen eta aplikazio programatzaileen artean.

Basque Audiovisual markaren standa ikus-entzunezkoen munduko azoka garrantzitsuenetako batean, Cannesko MIP azokan hain zuzen, funtsezkoa izan da Pausokaren 'El Impostor' reality-lehiaketaren eskubideak Herbeheretako Talpa Media enpresa liderrari saltzeko. Bi enpresen arteko lehen hartu-emana MIPCOM azokaren azken edizioan izan zen, Basque Audiovisual markaren standean, eta duela egun batzuk itxi da azkenik nazioarteko eskubideen salmenta. 

Eusko Jaurlaritzako Kultura Sailak eta Euskadiko Ikus-entzunezkoen Klusterrak elkarlanean dihardute euskal ikus-entzunezkoak bultzatu, hedatu eta sektoreko atzerriko azoka garrantzitsuenetan ezagutarazten, eta salmenta hau ahalegin horren emaitza dela esan daiteke. Aurten Euskal Herriko zortzi enpresa izan dira MIPCOM azokan, Basque Audiovisual markaren babesean, atzerriko bezeroekin harremanetan jartzeko asmoarekin. Pausokaz gainera, 3Koma, Baleuko, Expressive, Mediabask, Silverspace, Sonora eta Somuga ere izan dira aipatutako markaren standean.

Berrikuntza modura, Basque Audiovisual markaren arduradunek 'matchmaking' bat antolatu zuten urriaren 4tik 8ra egin zen MIPCOM azokan, euskal enpresei beren produktuak ezagutarazten laguntzeko Cannesera hurbildu ziren enpresa eta profesionalen artean. Atzerriko hainbat konpainiatako 20 ordezkarik baino gehiagok hartu zuten parte 'matchmaking' horretan.

'El impostor'
Reality-lehiaketa honetan, pertsona gonbidatu batek asteburu bat igarotzen du familia batean, eta bere eginkizuna da asmatzea nor den familia horretako 'inpostorea'. Azken honek, bere rola prestatzeko (familiako kideren baten ordez aritu ahal izango da edo existitzen ez den rol bat beteko du), egun batzuk igaroko ditu familia horretan, elkar ezagutzeko eta familiaren martxara egokitzeko. Gonbidatuak inpostorea nor den asmatzen badu, saria irabaziko du; bestela, familiaren eta inpostorearen artean banatuko da. Astero familia berri batek, inpostore berri batek eta gonbidatu berri batek parte hartuko dute saioan. 

Prentsa oharra

Basque Audiovisual markaren eginkizun garrantzitsuenetako bat enpresen eta erosle edo laguntzaile potentzialen arteko harremanak bideratzea izango da, urriaren 4tik 8ra Cannesen egingo den MIPCOM azokan. Hori dela-eta, “matchmaking” bat antolatu da urriaren 5erako, asteartea, Basque Audiovisual markaren babesean biltzen diren Euskal Herriko 8 enpresen edukiak ezagutarazteko.

Enpresek beren produktuak eskainiko dituzte ekimen honen bitartez, eta elkarlanerako proposamenak edo negozio ideia berriak jaso ahal izango dituzte aldi berean. Honako hauek izango dira euskal ordezkariak: 3Koma, (‘El Calendario del Año’, ‘El coro de la cárcel’, ‘You are invited’, ‘Till wedding tear us apart’); Baleuko (‘Omega T’, amaitu gabe dagoen animaziozko filma); Expressive (‘Izarren Argia’ eta ‘Flores silvestres’); Mediabask (‘Mystical. Eldyins journey‘ - animaziozko seriea); Pausoka (‘Every Jack has a Jill’ - lehiaketa); Silverspace (‘Hiroku y los defensores de Gaia’, ‘Climate change‘); Somuga (‘The Howoldies’, ‘Gartxot, Itzaltzuko Bardoa’); eta Sonora (‘The Black Ink’). Euskadiko Ikus-entzunezkoen Klusterreko partaide den EiTB Cannesen ere egongo da enpresa horiekin batera.

Aurtengo MIPCOM edizioa urriaren 4tik 8ra egingo da, eta Basque Audiovisual laugarren aldiz jarraian egongo da sektorean garrantzitsuenetakoa den azoka honetan. Produktore, erosle, banatzaile eta finantza agente asko hurbiltzen da bertara, eta negozio aukera handiak ematen ditu horrek.

Prentsa oharra

Informazio gehiago

Euskadiko Ikus-entzunezkoen Klusterra, Eiken, lanean ari da EikenGAMING proiektuan, negozio ildo berriak zabaltzeko hazteko aukera handiak dituen sektore batean. EIKENeko zuzendaria den Itziar Menak Industria Sailaren eta SPRIren babesa duen ekimen honen lerro nagusiak aurkeztu zituen irailaren 16an, Bilbon, "hóPLAY10" Bideojokoen Nazioarteko Jaialdiaren baitan.

"Bideojokoen sektorea apustu estrategiko bat izan daiteke etorkizunean Euskadiko ikus-entzunezkoen sektorean". Horixe da EIKEN-Euskadiko Ikus-entzunezkoen Klusterra lantzen ari den dokumentutik atera daitekeen ondorioa. Irailaren 16an eman zituzten jakitera dokumentu horren ardatz nagusiak, "hóPLAY´10" Bideojokoen Nazioarteko Jaialdian. EIKENeko zuzendari Itziar Menak aurkeztu duen proiektuak EikenGAMING du izena, eta bi xede nagusi dituen Eiken Advance programaren barnean kokatzen da: negozio aukerak bilatzea eta lider izatea “ikus-entzunezko sektore berri” bateranzko transformazioan.

"Gure helburua negozio aukera berriak bilatzea da, berrikuntzarako borondate sendoa duen Euskadiko ikus-entzunezkoen sektorean" adierazi zuen Itziar Menak. Horrela, kontuan harturik orain arte eginiko lana, argi eta garbi ikusten da bideojokoen mundua funtsezkoa izango dela etorkizunean ikus-entzunezkoen sektorean.

Proiektua hasierako fasean badago ere, EIKENek, negozio aukera hau ikusita, bide berria berehala urratzen hasteko erabakia hartu du, eta martxan jarri du EikenGAMING proiektua. Proiektuan EIKEN taldeko enpresa multzo batek parte hartzen du, eta SPRIren eta PwC eta Alium Qualitas aholkularitza enpresen babesa dute horretarako. Hemendik aurrera, Euskadiko enpresak proiektura erakartzea izango dute eginkizun nagusi.

Prentsa oharra

Zerikusia duen informazioa

Eikeneko kidea den Digitalak ekoiztetxeak zuzenean eman du Donostia Oakley Pro Junior, Groseko Zurriola hondartzan ospatu den  surf txapelketa uztailaren 22a eta 24a bitartean. Mundu osotik etorritako 200 bat gazte lehiatu dira, ea nork olatu gainean hobeto dantzatu. 21 urtetik beherako surflarientzat proba garrantzitsua da oso, munduko zirkuituaren zati delako, eta gainera berezia omen da Zurriolako hondartzako txapelketa, aditu askoren ustez, hemengoa baita europako hiri-olaturik hoberena.

Digitalak ekoiztetxeak zuzenean eman du txapelketa streaming bidez eta baitere 360ºko kamararekin ere bertako giroa jaso du. Hainbat eta hainbat izan dira Zurriola hondartzara hurbildu direnak zuzenean ikuskizunaz gozatzera. 

Informazio gehiago

Sukaldaritza aholkuak eta ikasleen bizimodua uztartzen dituen "ErrezEta Ikasiz" telebista ideiaren arduradunek hurrengo 4 hilabeteetan proiektua garatu ahal izateko kontratua sinatu zuten aurreko ostiralean, Baleukok Durangon duen egoitzan. Erika Elizari, Beñat Gereka eta Alaitz Anabitarte dira, hain zuzen, EikenBANK-en III. edizioa irabazi duten UPV/EHUko hiru ikasle gazteak; eta Eduardo Barinaga Baleukoko bazkide zuzendariaren eskutik jaso zuten 4.000 euroko saria. Berandu baino lehen hasiko dira euren ideia garatzen, Eikeneko kidea den Baleuko ekoizpen-etxean egingo dituzten 4 hilabeteko praktika ordainduei esker.

Sinadura hori izan da, beraz, EikenBANK-era aurkeztutako 67 proposamenetan garaile atera den "ErrezEta Ikasiz / EsTuDía, tu receta" proiektua ekoizteko lehenengo pausoa. Proiektuak, Baleukoren laguntzaz gainera, Jarkatza Mediaren babesa ere izango du ekoizpen lanean. Epaimahaiak, bestalde, ideiaren originaltasuna eta ideiak izan dezakeen bideragarritasuna hartu ditu aintzat bere epaia ematean. Orain, berriz, ekoitzi egin beharko dute, gero ETBn eman ahal izateko. 

Lehenengo sari honetaz gainera, EikenBANK-eko epaimahaiak BBK Beka ere eman du aurreneko aldiz: Ibai Gomezek jaso du. Horri esker, EikenBANK-en lankide eta Klusterreko kidea den K2000 ekoizpen-etxean praktikak egiteko aukera izango du Gomezek.

Prentsa oharra

Eiken-Euskadiko Ikus-entzunezkoen Klusterrak ekainaren 25ean, ostirala, aurkeztu zituen, bazkideen Batzar Nagusian, negozio eredu berri batera iristeko sektorearen eraldaketaren lidergoa eskuratzeko eginiko txostenaren emaitzak. Ekimenak, Eiken Advance programaren testuinguruan kokatzen denak, enpresa-jardueraren hainbat arloren garapen aukerak aztertzen ditu. Sektore osoak arlo horietara jo beharko du, egoera egonkorra lortu ahal izateko epe labur eta ertainean.

Juan Mari Gurrutxagak nabarmendu zuenez, gaur egun sektorea; alde batetik, krisiaren eta murrizketen eraginpean dago; eta bestetik, negozio ereduaren aldaketa ekarri duen digitalizazioak ikus-entzunezkoen sektorera ekarritako eraldaketaren eraginpean, horrek ziurgabetasun handia eragin baitu”. Horregatik, hain zuzen, Eiken Advance bezalako ekimenak “funtsezkoak dira lehiakorrak izan gaitezen” ziurtatu zuen.

'Ikus-entzunezkoetarako aukerak' txostena, PwCk egindakoa, Eikeneko Urteko Txostena aurkezteko ekitaldian ezagutarazi zen, eta, bertan egon zen Xabier Sabalza, Eusko Jaurlaritzaren Berrikuntza eta Informazioaren Gizarteko zuzendaria. Sabalzak ziurtatu zuen Eusko Jaurlaritzak Ikus-entzunezko industria bultzatuko duela, beste arlo guztietan bezala, eta "sektore honek ondo antolatuta eta helbide ona hartu duen klusterra duela" aipatu zuen.  Alfonso Cossiok, PwCko zuzendariak - Telekomunikazioak eta Medioak,  "Aukera" Txostenaren ardatz nagusiak aurreratu ditu eta Eiken Advance "merkatu berriak ireki ditzala proiektu -motorea" izan nahi duela adierazi zuen. Cossiok azpimarratu zuen "bideo-kontsumoren patroiak aldatzen ari direla" eta 4 urte barru, "gastu-digitala" %50 igoko dela, batez beste". 

Gaur egungo egoera 
Klusterraren lehendakariak adierazi zuen moduan, proiektu hau martxan jarri da, neurri handi batean, aurreikusitako ziurgabetasun egoeran gaudelako eta “ikus-entzunezko berrirako” aldaketari heldu behar zaiolako. Oro har, krisiaren eraginez % 12 jaitsi da 2009an Eikeneko enpresa bazkideen fakturazioa (fakturazioa 107 milioi eurokoa izan da), eta aurreikuspenaren arabera 2010. urtean beherako joera izango da nagusi. Ostiralean aurkeztutako datuen baitan, enpresa txikiek hobe eutsiko diote egoerari eta langileak mantenduko dituzte; haatik, enpresa handiek, ziur asko, langileen murrizketak egin beharko dituzte.

Prentsa oharra

Gastronomia eta ikasleen bizimodua uztartzen dituen 'ErrezEta ikasiz / EsTuDia, tu receta' saioak irabazi du, hain zuzen, EikenBANKen III. Edizioko lehenengo saria. Erika Elizari, Beñat Gereka eta Alaitz Anabitarte UPV/EHUko ikasle gazteen ideia gailendu da 67 proiektuen artean. Hala, 4.000 euro jaso dituzte eskuan, eta antzeko balioko beka bat, euren ideia Baleuko ekoizpen-etxean lantzeko. 

Hementxe hasiko du, beraz, bere ibilbidea 'ErrezEta ikasiz' saioak. Lehenik eta behin, Baleukok era profesionalean ekoitziko du, eta ondoren, ETBn emango dute. Hori horrela izango dela jakinda, EikenBANKeko epaimahaiak, herrialdeko ekoizpen-etxe nagusietako profesional adituek osatutakoak, ideiaren originaltasuna eta merkatuan izan dezakeen bideragarritasuna hartu ditu aintzat.

Era berean, EikenBANKeko epaimahaiak hiru aipamen berezi egin dizkie beste hainbeste proiekturi: doku-reality onenaren saria Patrick Guisasolari eman dio, 'Bailando con el abismo' ('Amildegiarekin dantzan') lanagatik; 'pitching' onenaren saria Leire Gómez, Arrate Egaña, Oier Martínez eta Santos Ruedari eman die, '15-25' lanagatik; eta telebistako saioetarako gidoirik onenaren saria, berriz, Ibai Gómezi, 'Nor da hemen bahitua?' lanagatik. Ibai Gómezek, halaber, aurten lehenengo aldiz eman duten BBK Beka jaso du.

EiTBk Bilbon duen egoitzan egindako jaialdian ezagutarazi dituzte sariak. Hain zuzen, Eusko Jaurlaritzako Kultura Sustatzeko Zuzendari Mikel Toral eta Eikeneko presidente Juan Mari Gurrutxaga izan dira ekitaldiko buru.

Prentsa oharra

Euskadiko Ikus-entzunezkoen Klusterrak talentu ez-profesionala erakartzeko sortutako EikenBANK ekimenak, Eusko Jaurlaritzaren Kultura Sailak babesten duenak, 2010eko aldiaren irabazlearen izena jakinaraziko du ekainaren 17an, Bilboko EiTBko Multibox aretoan sariak banatzeko egingo den ekitaldian. Irabazleak 4.000 euroko saria jasoko du eta kopuru bereko beka bat, programari elkartutako ekoizpen etxe batean lana egin ahal izateko.

Aldi honetan 94 pertsonak sustatutako 67 proiektu erregistratu dira eta horien artetik 10 igaro dira azken fasera. Ekainaren 3an proiektuak epaimahaiaren aurrean –pitching-  azaltzeko prozesua egin zen, eta proposamenak ebaluatu ondoren, epaia emango du epaimahaiak. Programaren oinarrien arabera, berariaz balioetsiko dira proiektuen originaltasuna eta bideragarritasuna pantailara eramateari dagokionez.

EikenBANK lagundu dute, halaber, BBKren GazteLanbidean Fundazioak eta Bilboko Udalak. Horrez gain, lankidetzan aritu dira UPV/EHUren hezkuntza-zentroak, Arrasateko eta Deustuko unibertsitateak eta ikus-entzunezko ikasketak eskaintzen dituzten eskola guztiak. Proiektuaren helburua da talentu ez-profesionala ezagutzea eta harremanetan jartzea ikus-entzunezko euskal enpresekin. Arian-arian nabarmen areagotu da parte-hartzaileen eta proiektuen kopurua; izan ere, 2008an 27 proiektu aurkeztu ziren eta aurten, berriz, 67. Berrikuntza gisa, aurten 3 aipamen berezi egingo dira.

'Gidoi faktoria / El espacio del guión-ek' Telebistako Gidoien I. Lehiaketaren amaierako ekitaldiaren harira antolatutako Robert McKee-ren mintegiak 200 pertsona baino gehiago bildu zituen, Bilboko EiTBren egoitzaren Multibox aretoan. Parte-hartzaileek telebistaren munduari buruzko 'master class' bat jasotzeko aukera izan zuten, MacKee berak gidoi faktoriarako eskuarki prestatu zuena.

Ekitaldia goizeko 9etan hasi zen, Miguel Angel Idigoras ETBko zuzendariak eta Juan Mari Gurrutxaga Eikeneko lehendakariak eginiko sarrera hitzaldien bidez. Amaiera 19:30ean izan zen, Telebistako Gidoien lehen ikastaro honen ikasleei diplomak banatu ondoren. Felix Linares ere bertan egon zen, ekitaldiaren aurkezle gisa.

Lehen aldi hau amaitzearekin batera, 'Gidoi faktoriaren' arduradunek adierazi zuten bigarren aldian izena emateko epea ekainaren 1ean hasi eta uztailaren 31n amaituko dela. Bigarren ikastaroan 15 ikaslek izango dute parte hartzeko aukera.

Robert McKeek, gidoigintzari buruzko bere lanekin zinema eta telebistaren mundua irauli zuen idazle estatubatuarrak, ikastaro magistral bat eskainiko du maiatzaren 28an Bilbon. Mintegia Gidoi Faktoriaren I. Edizioaren amaieran egingo da, EiTBk eta Euskadiko Ikus-entzunezkoen Klusterrak (EIKEN), Bizkaiko Foru Aldundiaren laguntzarekin antolatu duten ikastaroaren amaierako ekitaldien barnean.

Detroiten jaiotako 69 urteko irakaslea munduko hiri handienetan ibili da zinemako gidoigintzari buruzko bere mintegiarekin, eta 'master class' bat eskainiko du oraingoan lehen aldiz eta era esklusiboan telebistako gidoigintzari buruz. Zehazki, telebistak gaur egun bizi duen 'urrezko aroaren' zioak eta gakoak azalduko ditu.

09:00etan hasi eta 19:00etan amaituko den mintegi berezi honetan hainbat alderdi landuko dira:

-Etorkizuneko joerak telebistako gidoigintzan

-Telebistako gidoigintzaren gaur egungo tresnak

-Berrikuntza eta esperimentazioa gaurko telebistan

-Telebista saioen gaur egungo arrakastaren gakoak

-Sitcom-a, dramak eta serie laburrak.

McKeeren ekitaldiaz gainera, gidoigintzan aritu nahi duten pertsonei zuzendutako Gidoi Faktoriaren II. Edizioaren jarduera programa ezagutzeko aukera izango da. Irakasleen artean, gaur egungo saio arrakastatsuenen arduradunak daude: 'Águila Roja', 'El internado', 'Aida' eta '7 vidas', 'La Señora', 'Amar en tiempos revueltos', 'Gran Hermano', 'Callejeros', 'Vaya Semanita' edo 'El Hormiguero'.

Mintegian parte hartu nahi duten pertsonek maiatzaren 25a baino lehen eman behar dute izena, www.gidoifaktoria.com web orrian, edo 94 656 32 37 / 688 60 50 33 telefonoetara deituz. Prezioa: 200 euro.

Bilbon egin zen Animabasque-Businessen III. edizioak animazioaren sektoreko 80 profesional baino gehiago bildu zituen gaur egungo animazio-proiektu aipagarrienen inguruan. Sortzaileen, produktoreen eta banatzaileen elkargune izateko sortu zen foroak aise bete zituen bere helburuak, eta horren erakusgarri dira hiru ordu baino gehiago luzatu ziren arratsaldeko "aurrez aurreko" bilerak.

Alde horretatik, bilkuran izan zirenen interesa ikusita –besteak beste, Erresuma Batuko Bryantt Whittle eta The Illuminted Film Company enpresak edo Alemaniako Motion Works–, antolatzaileek zabaldu egin behar izan zuten "workshop"-eko elkarrizketen programa, eta harreman horietako askok jarraipena izango dute aurrerantzean.

Goizeko saioan bederatzi proiektu aurkeztu ziren, horietako batzuk garapen-fasean eta beste batzuk produkzioan. Zehazki: Abra Prod, Bitart New Media, bi hauek Eikeneko kideak, Basque Films, Somuga eta Abrakham Studios (Euskadi), Xperimenta Planet (Madril), Lince Studios (Bartzelona), Extra Extremadura (Badajoz) eta Bryant Whittle (Erresuma Batua).

Inaugurazio-ekitaldian izan ziren Inmaculada Freije, Eusko Jaurlaritzako Industria Saileko Plangintza eta Estrategia Zuzendaria, Ibone Bengoetxea, Bilboko Udaleko Kultura eta Hezkuntza Zinegotzia, Maria Fitzpatrick, Bilboko Britainiar Kontsulatuko Merkataritza Agregatu Laguntzailea eta Juan Mari Gurrutxaga, EIKENeko presidentea. Denek nabarmendu zuten era honetako ekitaldien balioa eta agerian utzi zuten animazioak arlo ekonomikoan duen garrantzia.

TF1 frantziar kateak hitzarmen garrantzitsu bat sinatu zuen Eikeneko kidea den 3Koma-rekin (‘Kartzelako abesbatza’, ‘Itzuli …..rekin’), euskal ekoizpen etxe horrek asmatutako ‘Urteko egutegia' lana ekoizteko. Frantziar kateak formatu honen bertsio bat txertatu nahi du, bere Gabonetako programazioaren barneko saio berezi moduan.

Egokitzapen batzuen ondoren, ‘Urteko egutegia’ zuzeneko ikuskizuna izango da. Bertan, 6 taldek euren buruak biluztuz jardungo dute lehian, arrazoi on baten harira.   

Ateratako argazki erakargarriek hainbat adituk osatutako epaimahaia limurtu beharko dute, eta baita ikus-entzuleak eurak ere; izan ere, ikus-entzuleek gustuko taldearen alde bozkatu beharko dute. Talde irabazleak 50.000 euro jasoko ditu, bere aukerako ongintzazko proiektuari emateko.

Coyote galiar ekoizpen etxea arduratzen da nazioarteko saio arrakastatsuak Frantziarako egokitzeaz; besteak beste, ‘Ondasunen erruleta’ edo ‘Infernuko horma’. Oraingoan ere, ekoizpen etxe horixe arduratuko da ‘Urteko egutegia’ saioaren bertsio berria asmatzeaz.  

Laetitia Lamik, Coyote ekoizpen etxeko garapen eta eskuratzeen zuzendaria, oso pozik agertu da proiektuarekin: “Ongintzazko egutegien kontua puri-purian dago Frantzian. Ideiaren berri izan genuenean, berehala ohartu ginen ikuskizun bikaina zela TF1 katerako”. Helburu garbia dute: “Plato erraldoi eta jostalari batean, herrialdea biluztuko dugu”. Bestalde, Ruth Martínezek, 3Komako zuzendari komertzialak, baikortzat jo du formatu honek nazioarteko merkatuan izan duen ibilbidea: “Egutegia inoiz baino biziago dago. TF1 kate garrantzitsuak honen aldeko apustua egin duenez, herrialde askoren interesekoa da orain. Hedapena hasi besterik ez da egin”. 

Saio hau arrakastatsua izan da beste herrialde batzuetan ere; Holandan, Errumanian edo Belgikan, esaterako. Beraz, nazioartean gehien hedatu den espainiar formatuetako bat dela esan genezake.

TF1 frantziar kate publikoak 3Koma-k ekoitzitako "Urteko Egutegia” ("El Calendario del Año") reality-lehiaketa eskuratu du, herrialde horretan eskaintzeko asmoz. Hain zuzen, Cannesko Ikus-entzunezkoen MIPTV Azokan erosi ditu eskubideak. Azoka horixe da munduko garrantzitsuenetako bat, eta Euskal Herriko hamaika enpresa ari dira bertan parte hartzen, Basque Audiovisualen bitartez. Dagoeneko ETBk eskaini duen “Urteko Egutegia” saioa lehiaketa bat da; bertan, hainbat taldek ahalik eta argazki erakargarrienekin egutegi bat osatzeko lehian jarduten dute. 

Saio hau erosi izanak agerian uzten du zer-nolako interesa piztu duen euskal produktuen katalogoak Cannesen dauden enpresa ekoizle eta banatzaileen artean. Beraz, formatuak, Pausokak ekoitzitako “Iruzurtia-El Impostor” esaterako, eta dokumental historikoak izan dira, orain artean, Basque Audiovisualen erakusmahaian izandako mundu osoko profesionalek bereziki bilatu dituzten produktuak. Erakusmahai horretan, bestalde, nabarmentzekoa da Idem-ek aurkeztutako “Rolanden Kanta” (“La Chanson de Roland”) lan historikoa.

Euskal Herriko hamaika enpresak hartu dute parte, hain zuzen, Cannesko Azoka honetan: 3Koma, Baleuko, Canal Euskadi, Expressive Media Projects, Idem 4, JSB Multimedia, Mediabask, Pausoka, Retelsat, Silverspace Animation Studios eta Sonora Estudios-ek. Eiken - Euskadiko Ikus-entzunezkoen Klusterraren ekimenari eta Eusko Jaurlaritzako Kultura Sailari esker, enpresa horiek guztiek aukera izango dute beren produktuak sektoreko eragile nagusiei eskaintzeko; hain justu, apirilaren 16ra arte, egun horretan amaitzen baita Azoka.

"Azoka hau termometro ezin hobea da eduki digital eta ikus-entzunezkoen arloan oraintxe dauden joerak neurtzeko. Oraindik ere sumatzen dira krisialdiaren eraginak; halere, hemen egotea ezinbestekoa da euskal enpresen produktuak aurkeztu ahal izateko", azaldu du Itziar Mena Eikeneko zuzendariak. Dokumental historikoez eta formatuez gainera, Baleukoren “Animatik” lanak ere interes handia piztu du Basque Audiovisualen erakusmahaian. Animazio software bat da, denbora errealean; eta honi esker, pertsonaia birtualak bere solaskidearekin berehalako elkarreraginean jarduteko aukera izango du.

Prentsa oharra

Euskadiko Parke Teknologikoen Sareak parkeetan kokatzen diren enpresetako 19 emakume enpresari eta zuzendari – horien artean Itziar Mena, Eikeneko zuzendaria - aurkeztu ditu 15. helburua, oreka administrazio-kontseiluetan programan parte hartzeko. Berdintasun Ministerioa eta APTEk, Espainiako Zientzia eta Teknologia Parkeen Elkarteak, sustatutako ekimenaren bidez sozietate kotizatuen administrazio-kontseiluetarako sarbidea erraztu nahi zaie emakume-talentuei.

Iragan martxoaren 5ean, Euskadiko Parke Teknologikoen Sareak gosari teknologikoa antolatu zuen programa eta aldez aurretik aukeratutako 19 emakume hautagaien zerrenda aurkezteko. Izan ere, Sarea osatzen duten lau parkeetan kokatzen diren enpresetako 25 emakume enpresarik eta zuzendarik parte hartu zuten topaketa horretan. Martxoaren 22an, Madrilgo Burtsan ekimena ofizialki aurkeztearekin batera —Berdintasunerako Ministroa bertaratu zen—, aipatu emakumeen parte-hartzea formalizatu zen. Guztira, Espainiako Parke Teknologikoek 80tik gora emakume aurkeztu zituzten ekitaldian.

Marian Ibarrondo, Bizkaiko Teknologia Parkeko Berrikuntza zuzendari eta ekimen honetako antolaketa batzordeko kide denak, aurkeztutako hautagai guztien profila azaldu zuen. Besteak beste: enpresan 15 urteko esperientzia eta 5 urtekoa zuzendaritza karguetan, kudeaketan %44, fiskal eta finantzatan %25 eta %20 I+G jardunetan; %66 zuzendariak dira, gehienek esperientzia dute enpresa handi eta ertainetan, bioteknologia, energia berriztagarriak, ingeniaritza bezalako sektoretan; emakume hautagaien %80ak baino gehiagok ingelesa menperatzen dute eta %57ak beste hizkuntza bat gehiago hitz egiten dute.

Enpresen administrazio-kontseiluetan gizonen eta emakumeen arteko oreka xede duten gizonen eta emakumeen arteko benetako berdintasunerako 3/2007 Legearen eta gobernu onerako kode bateratuaren 15. gomendioaren baitan dago 15. helburua ekimena. Horietan adierazten diren desberdintasunak arintzen laguntzean datza: CNMVk emandako datuen arabera, egun emakumeek burtsan kotizatzen duten sozietateen administrazio-kontseiluetako kideen %9,8 ordezkatzen dute soilik. Zentzu horretan, 15. helburuaren xedeetako bat enpresei teknologia parke espainiarretan jarduten diren eta prestakuntza profesional altua duten emakumeen direktorioa eskaintzea da, Espainiako konpainiarik garrantzitsuenen garapen eta berrikuntza proiektuak babesteko bai gaitasunak bai bizigarria eman ditzaketen emakumeak, alegia.

Aurten, Basque Audiovisual MIPTVn egongo da berriro. Cannesen eginiko Ikus-entzunezkoen eta Eduki Digitalen Nazioarteko Azoka hau munduko garrantzitsuenetako bat. “Palais de Festivals” gunearen 14.13 standera hurbiltzen diren bisitariek aurten Euskadin eginiko ekoizpen nagusiak ezagutzeko aukera izango dute.

Cannesera joango den euskal ordezkaritzak Basque Audiovisualen babesa izango du eta hamaika enpresa hauek osatua izango da: 3Koma, Baleuko, Canal Euskadi, Expressive Media Projects, Idem 4, JSB Multimedia, Mediabask, Pausoka, Retelsat, Silverspace Animation Studios eta Sonora Estudios. Beren produktuak munduko banatzaile nagusiei erakutsi ahal izango diete, azokak irauten duten lau egunetan, hau da, apirilaren 12tik 16ra.

Eusko Jaurlaritzaren Kultura Sailaren eta Eikenen ekimen bateratu honek, sektorerako egiten denak, euskal ikus-entzunezkoen presentzia bermatzen du nazioarteko erakusleiho nagusian, eta, aldi berean, konpainien merkataritza lana errazten du. Aurtengo MIPTVen eduki zehatzari dagokionez, euskal enpresek bertatik bertara ezagutu ahal izango dituzte digitalizazioak sektorean, oro har, eragin dituen eraldaketei buruzko analisiak, izan ere, adituek hortaz hitz egingo dute. Hain zuzen ere, ekoizpen digitala izango da aldi honen protagonista nagusietako bat, berezko gunea izango baitu eta baita leku nabarmena ere, programatutako 150 hitzaldietan.

Bestalde, MIPTV baino lehen, MIPdoc (dokumentalei buruz) eta MIPformats egingo dira. Azkenekoan, 3Komaren parte-hartzea aipatu behar dugu, izan ere, bere “The Killer Room” egitasmoa aukeratua izan da “aukeraketa berezia” atalerako, eta estudio handietako banatzaile eta ekoizle talde handi baten aurrean aurkeztuko dute.

Prentsa oharra

EIKEN-Euskadiko Ikus-entzunezkoen Klusterreko Zuzendaritza Batzordeak honako hau adierazi nahi du 2010eko martxoaren 22an, astelehena, Vértice 360º enpresako arduradunekin izandako bileraren ostean:

EIKENek, lehenik eta behin, eskerrak eman nahi ditu Euskadiko Ikus-entzunezkoen Klusterreko kideekin eragiketa baten xehetasunak partekatzeko agertu den jarreragatik, hau da, Euskal Herriko Arrisku Kapitaleko Sozietatearen sarrera aipatu enpresaren akziodunen taldean, horrek ziurgabetasun handia sortu baitu euskal ikus-entzunezkoen arloan.

EIKENek iritziz, mota horretako inbertsio publiko batek errotiko eredu aldaketa dakar euskal ikus-entzunezkoen sektorera. Zentzu horretan, EIKENentzat funtsezkoa da sektorearen dinamizazio aurreikuspenek, aipatu inbertsioaren justifikazio gisa Eusko Jaurlaritzaren Industria Sailak planteatuak, isla eraginkor eta berehalakoa izan dezaten Euskadiko ikus-entzunezkoen kolektiboan.

EIKENek adierazi nahi du, hala ere, orain arte jasotako datuak ez direla nahikoak eragiketa garrantzitsu hau behar bezala aztertu eta modu egokian ebaluatu ahal izateko.

EIKENen iritziz, gainera, aurrekoaren kaltetan izan gabe, Industria Sailak egindako inbertsioak ezin du gertakari isolatu bat izan, hau da, euskal ikus-entzunezko enpresen babeserako estrategia publikoaren lehen urratsa izan behar du.

EIKENek adierazi nahi du erakundeen azterketa zorrotzean oinarritutako inbertsioa izango delakoan dagoela eta herrialdeko enpresak sendotzeko balioko duela; era berean, saihestu egingo dela erabakiak hartzeko prozesua eta jarduera produktiboa Euskal Herriko kanpoko merkatuetara eramatea.

EIKENek, azkenik, enpresa multzoarekiko duen konpromisoa azpimarratu nahi du berriz ere, eta elkarrizketarako duen gaitasuna eta bere eskarmentua eskaintzen du euskal ikus-entzunezkoen sektorea tartean dauden eragile guztiek hitzartutako eredu batean oinarrituz garatu dadin.

Euskal Herriko Arrisku Kapitalaren Kudeaketarako Elkarteak Madrilgo Vértice 360º enpresan 3,5 milioi euro inbertitzeko asmoak zalantzak sortu ditu Euskadiko ikus-entzunezkoen zenbait sektoretan, eta horri dagokionez, EIKEN – Euskadiko Ikus-entzunezkoen Klusterrak honako hau adierazi nahi du:

- EIKENek, 44 euskal enpresek osatutako ikus-entzunezkoen klusterrak, Euskadiko ikus-entzunezkoen sektorean sortutako kezka ulertzen du eta bere egiten du, eta gai horren gaineko ahalik eta informazio zehatzena eskuratzeko lan egiteko konpromisoa hartuko du. EIKENeko Zuzendaritza Batzordeak beharrezko kudeaketa eta bilera guztiak egingo ditu bazkideak eta, oro har, sektorea jakinaren gainean egon daitezen –esaterako, atzo, martxoaren 3a, Industria Saileko arduradunekin bildu zen–.

- EIKENen ustez, Euskadiko ikus-entzunezkoen sektoreak inbertsio publiko handia eta jarraitua behar du, herrialdean aberastasuna eta enplegua sortzen dituen industria estrategikoa baita. Hala bada, ez du uste Vértice 360º enpresan egindako inbertsio publikoa sektore osoarekin zerikusirik ez duen gertaera isolatu bat izan daitekeenik; aitzitik, esku-hartze horrekin batera Euskadiko industriaren aldeko beste neurri instituzional batzuk ere egin behar direla edo egin daitezkeela uste du.  

- EIKENek esku-hartze publiko mota horiek Euskadiko ikus-entzunezkoen sektore osoaren gaitasuna hobetzea eta indartzea nahi du, eta, honako hau eskatzen dio euskal administrazioari: oraingo honetan egin duen bezalaxe, Euskadiko ikus-entzunezkoen enpresetan edo Klusterrean bertan sortutako ekimenak babesten jarrai dezala. 

- EIKEN prest dago Industria Sailarekin edozein eremutan lankidetzan aritzeko, baita sektorearen etorkizun industriala bermatuko duen ikus-entzunezkoen negozio eredu berria ezartzearen alde lan egiteko ere.

- Azkenik, EIKENek euskal administrazioari proposatu nahi dio euskal erakunde publikoek ikus-entzunezkoen sektorearekin duten konpromisoa finkatuko duen epe luzerako estrategia gara dezala, esku-hartze hori abiapuntu hartuta.

Etorkizuneko profesionalen profila ezagutzearren, Eiken – Euskadiko Ikus-entzunezkoen Klusterrak txosten bat egin du, zenbait enpresa bazkideren artean, eta Euskadiko ikus-entzunezkoen sektoreak sormen handiko pertsonak eskatzen dituela izan da ondorio nagusia. Txosten hori martxoaren 2an aurkeztu zuen Klusterreko zuzendari Itziar Menak, Lan Ekintza-Bilbaok antolatutako jardunaldi berezituan. 

"Nuevos perfiles profesionales en nuevos escenarios económicos. Una aproximación a las tendencias del mercado de trabajo" (Profil profesional berriak egoera ekonomiko berrietan. Lan merkatuko joeretara hurbilketa) izenburupean, Lan Ekintza – Bilbaok hainbat sektoretako lan merkatuaren lerro nagusiak ezagutarazi nahi ditu, interesdunek eskura izan ditzaten lana lortzea bermatuko dieten gakoak.

Itziar Menak ikus-entzunezkoen sektorearen egoeraren berri eman zien jardunaldietan izan zirenei, eta ikus-entzunezkoen sektorean lan egin nahi duten pertsonek izan behar dituzten oinarrizko ezaugarriak azaldu zituen. Sormena da enpresek gehien balioesten duten ezaugarria, profil teknikoen eskaintza handiagoa baita. Era berean, gero eta garrantzitsuagoa da hiru hizkuntza jakitea (euskara, gaztelania eta ingelesa).

Eikenekin batera, Osasuneko eta Ingurumeneko ekoizpen sektoreetako arduradunak ere bertan izan ziren. Hala bada, Itziar Menak ez ezik, Mikel Álvarezek, Mondragon Health taldeko zuzendari nagusiak, eta Mónica Mosok, ACLIMA – Euskadiko Ingurumeneko Klusterreko zuzendariak, ere parte hartu zuten hitzaldietan.

Informazio gehiago www.bilbao.net/lanekintza web orrian.

Eiken – Euskadiko Ikus-entzunezkoen Klusterrak SPRIren enpresentzako Laguntza Programen arduradunak bildu zituen martxoaren 1ean Zamudioko Parke Teknologikoan izandako bileran. Topaketa Klusterreko enpresa bazkideentzat bakarrik antolatu zuen, eta Eusko Jaurlaritzako Industria Sailaren laguntza programen berrikuntzei buruzko zuzeneko informazioa –ikus-entzunezkoen sektorearen berariazko informazioa¬¬– jaso ahal izan zuten bertan. 

Berrikuntza Saileko Alberto Méndez jaunak aurkeztu zuen ekitaldia, eta honako hauek parte hartu zuten: Alberto Fenándezek, I+G+B teknologikoaren aldeko programen arduradunak; Javier Mugikak, KZ-Lankidetza programaren arduradunak; Marian Gabilondok, Miramon Enpresa Digitaleko koordinatzaileak; Josu Ocarizek, Enpresen Eraldaketaren aldeko Aldatu programen arduradunak; Imanol Cuétarak, Enpresen Garapenaren aldeko Gauzatu programen arduradunak; eta Aitor Cobanerak, Compite programaren koordinatzaileak.  

Bi ordutik gorako bileran ikus-entzunezkoen negozioaren zenbait berariazko ezaugarri azaldu zituzten, baita eskaera jakin batzuk programa bakoitzera egokitzeko zenbait gako ere. Laguntzarako ekimen bakoitzaren aurkezpen laburra entzun ostean, bildutakoek laguntzak jasotzeko prozedurari buruzko zalantzak argitzeko aukera izan zuten.

SPRI programak
Eikenek bazkideentzako antolatutako jardunaldiak lotura zuzena du SPRIk sustatzen dituen programekin. Horiek eragin zuzena izan dezakete ikus-entzunezkoen alorrean. Hala bada, KZ-Lankidetzak IKTen erabilpena faboratzea du helburu, eta lankidetza proiektuak sustatzen ditu horretarako; Gauzatuk Oinarri Teknologiko edo/eta Berritzaileko ETEen sorrera eta garapena sustatu nahi ditu, eta enplegua sortzeko inbertsioen alde egiten du horretarako. Enpresa Digitalak ere eremu horretan jarduten du, eta enpresen alorreko Informazioaren Gizartearen garapena faboratu nahi du. 

Aldatu programak berrikuntza bikaineko proiektuak gauzatzea sustatzen du, nagusiki, eta horretarako, enpresen lehiakortasuna hobetuko duten ekimen guztiei ematen die diru laguntza. Lehiakortasunaren hobekuntza hori bera da I+G+B teknologikorako laguntza programaren oinarria, eta programaren helburua produktuak eta prozesuak hobetzea edo berriak sortzea da.  

Azkenik, “Compite” planak banakako programak eskaintzen ditu; programa horiek enpresen hazkuntza, nazioartekotzea, sustapen ekonomikoa, berrikuntza eta teknologia izaten dituzte helburu, baita informazioaren teknologia berriak ere. 

Laguntzei buruzko informazio gehiago www.spri.es web orrian.

Aurkezpenak

'Euskaldunen pilota jokoa' laburmetraiak FIAMP 2009 saria irabazi du bere kategorian, Ondareari buruzko Ikus-entzunezkoen Nazioarteko Jaialdian. Dokumentala Bilboko Euskal Museoaren babesean egin da, eta K 2000k, Eikeneko kidea, ekoitzi du, Kepa Junkeraren musikarekin. Lehiaketan mundu osoko kultur erakundeek sortutako lanek parte hartu dute.

Historian, artean eta ikus-entzunezkoen munduan adituak diren profesionalez osatutako epaimahaiak aho batez erabaki du saria euskal dokumentalari ematea, eta otsailaren 14an Torinoko Zinema Museo Nazionalean (Italia) egin den ekitaldi batean eman du horren berri. Honako hauek izan dira haren hitzak: "Spectaculaire, hyperréaliste, convaincant. Dans le respect de son rôle de vidéo informative et pédagogique, il atteint cependant un niveau de qualité esthétique qui en fait un produit à regarder pour le pur plaisir". ("Ikusgarria, hiperrealista, konbentzigarria. Dokumentalak bere informazio eta hezkuntza eginkizuna betetzen du, eta kalitate estetiko handikoa da gainera, plazer hutsez ikusteko moduko ekoizpen bihurtzen duena".)
 
Museoen Nazioarteko Kontseiluak antolatzen duen jaialdi honen helburua ikus-entzunezkoak eta teknologia berriak garatzea da, ondare kultural eta historikoaren esparruan. Lehiaketan mundu osoko lanek parte hartzen dute, eta euskal museo batek babestutako eta Euskal Herrian eginiko lan batek irabazi du lehen aldiz.

'Euskaldunen pilota jokoa' dokumentalak pilota jokoaren bilakaera azaltzen du, XVI. mendetik gaurdaino, garaian garaiko errekreazioen bitartez, eta hainbat ikuspegitatik aztertzen du eraldaketa hori: joko motak, jokatzeko lekuak, erabilitako tresnak eta baita jokoaren beraren izaera ludikoa eta soziala ere.

Laburmetraian pilotari gazteek, promesek eta amateurrek parte hartu dute, eta pilota modalitate ugari irudikatu dituzte: esku huska, trinketea, joko luzea eta errebotea. Grabaketak hainbat lekutan egin dira: Nafarroako Arraiotz herriko belarrezko pilotalekuan, Bidarrain, Baionako San Andres trinketean, Laudioko Urkixoko Markesa pilotalekuan, Azkoitiko Oteiza pilotalekuetan eta Iruñeko Labriten. Dokumentalak pilota jokoaren ikuspegi ugari eskaintzen ditu, jokoaz aparte: partida jokatu aurreko prestaketak, beroketa ariketak eta babesak eskuetan jartzea; pilotak eskuz nola egiten diren, Donibane Lohizuneko Punpa tailerrean; partida bateko giroa, artekariak, apustuak, etab.

Dokumentala ikusgai egon da Bilboko Euskal Museoak joan den ekainean pilotari eskaini zion erakusketan. Irudien kalitateaz eta zehaztasun historikoaz gainera, aipatzekoa da ere 7x2 metroko pantaila batean ikus daitekeela.

Bilboko Euskal Museoak, hiri horretako Unamuno plazan, pilotari iaz eskaini zion erakusketaren lagin txikin bat mantentzen du oraindik, eta saritutako dokumentala ikusteko aukera eskaintzen du, besteak beste.

Eiken – Euskadiko Ikus-entzunezkoen Klusterrak abian jarri du hirugarren urtez jarraian Euskadiko talentu ez-profesionalaren erakusleihorik handiena: EikenBANK. Batez ere, gazte ikasleentzat eginiko ekimen honek harreman zuzena bermatzen du, prestatzen ari den talentuaren eta sektoreko enpresen artean; hartara, bi taldeek jaso ditzakete sorkuntza prozesuaren onurak.

Aurreko bi aldietan egin izan den bezalaxe, EikenBANKeko arduradunek aurkezpenen egitarau zabalarekin hasi dute prestakuntza zentroetan, zinema eskoletan eta unibertsitateetan. Hitzaldi nagusia Eikeneko zuzendari Itziar Menak emango du, ikus-entzunezkoen arloko profesionalen unean uneko lankidetzarekin.

Hitzaldi horien helburua da, programan parte hartzeko hautagai nagusiak diren gazteen artean, mila lagun baino gehiago elkartzea eta beren ideiak www.eikenbank.com web orrian jartzea.
 
EikenBANK programak 4.000 euroko saria aurreikusten du ideia onenarentzat, eta, horrez gainera, herrialdeko ekoizpen etxe nagusietako batean ideia garatzeko, eta, ondoren, emateko aukera eskainiko dio. Era berean, proiektuaz arduratzen den pertsonak prestakuntza beka bat jasoko du, 4 hilabetez lana egiteko ekoizpen etxe horretan. Gainerako finalistek ere "Face to Face" topaketak izango dituzte programan laguntzen duten enpresekin, eta, horrela, gazteen eta enpresen arteko elkarrekintza bermatuko dugu.

Programaren arrakastak aurreko bi aldietan hazten joan den parte-hartzearen bermea du. EikenBANKeko lehen aldian, 2008an, 27 proiektu aurkeztu ziren, eta 2009an, berriz, kopurua 55era iritsi zen. Programaren arduradunek, emaitzak ikusita eta aurkeztutako hainbat proiektu ekoizpenaren arloan islatu direla jakinda, aurten ere parte-hartzaileen kopurua areagotzea espero dute.

Prentsa oharra

Ikus-entzunezko enpresen arteko sinergiak sortzea eta berrikuntzaren alorrean emandako pausoak dira Eikenek-Euskadiko Ikus-entzunezkoen Klusterrak, azpimarratu zituen faktoreetako bi, Ablaren hirugarren edizioa ospatu eta gero. Aurkeztutako proposamenen artean, bertaratutakoek arreta berezia eskaini zieten Digitalak-en –Eikeneko kidearen– 360º-ko kamerari, izan ere, bere teknologia berritzaileari esker, ekitaldiko puntu erakargarrienetakoa bilakatu baita.

Eikenen iritziz, Ficoban burutu zen ekitaldiak agerian utzi zuen ikus-entzunezkoen sektoreko enpresen artean elkarguneak sortzearen eta finkatzearen garrantzia. Horrela, Eikenen stand bera toki aproposa izan zen clusterreko kideen artean ezagupenak eta esperientziak trukatzeko eta, aldi berean, sektorerako garrantzitsuak diren beste talde batzuekin komunikazio bidea irekitzeko, publizitatearen sektorearekin, adibidez.                                           

Eikenen zuzendari den Itziar Menaren hitzetan, “oso garrantzitsua da komunikazioaren alorreko agente guztien arteko sinergiak aprobetxatzea, eta hau bezalako elkarguneak oso kontuan izan beharko dira, ikus-entzunezkoen negozio berriaren beharrei berme osoz aurre egin ahal izateko. Hala ere, beharrezkoa da lanean jarraitzea, ekitaldi hau, gai horrekin erlazionaturiko sektore guztien arteko harremanetarako plataforma eraginkorra izan dadin”.                      

Alderdi hori alde batera utzita, Eikenek Ablan izan zuen presentziaren balantzea positibotzat har daiteke, berrikuntzarekin erlazionaturiko jarduerei dagokienez, batez ere. Alor horretan, protagonista nagusia Digitalak enpresa eta bere 360º-ko kamera izan zen, izan ere, bertaratutako guztien arreta erakartzea lortu baitzuen. “Asteazken arratsaldez grabazioa egin genuen Ficoban bertan, eta ostegunean proiektatu genuen” –esan zigun Digitalek-eko Jasone Sisniegak. “Nabaria zen jendearen interesa eta harridura, batzuei Google "street wiew", baina mugimenduan, gogorarazten zien tresna ikusita”.                              

Oso erakargarriak izan ziren, baita ere, Sugar Factoryren eta Videoplayren proposamenak. Sugar Factoryren kasuan, enpresak, errobotizatutako kamerak erabili behar gabe bereizmen eta anplitude handiko espazio birtuala sortzeko gai zen set birtualaren maketa eraman zuen Eikeneko standera. Hurbildu ziren guztiek tokian bertan ikusi ahal izan zituzten VSN Freemove tresnan oinarritzen den sistema horren abantailak.                                                                                                                                                                                                           

Videoplayri dagokionez, 160 metro koadroko standean jendearentzako irekita zegoen unitate mugikorra instalatu zuen, mota horretako ibilgailuek nola funtzionatzen duten erakusteko. Horrela, Videoplayk zerbitzu integratuen eskaintza hurbildu zien bertaratutako guztiei. Eskaintza horren barruan daude, besteak beste, Broadcast-a, Ikus-entzunezkoak (ekipoen alokairua) eta Multimedia (komunikazioa eta kartelak), eta baita bere Garapen Sailak garatutako azken lanak ere, Telebistako Edukien Kudeaketa edo karbono aztarna murriztera bideratutako ingurumen tresna berritzailea, besteak beste.                                                                                                                                                                                                                                             

Azkenik, Eikeneko kide diren Gizer.net eta Jarkatza enpresek beraien produktuen potentzialtasuna hurbildu zieten ikusleei, internet munduarekin erlazionaturikoak, batez ere. Jarkatza konpainiak satelite bidezko Interneteko konexio-jaurtigailua aurkeztu zuen penintsulako zeinahi puntutatik sartzen uzten duena, telefono azpiegituraren eskuragarritasuna edozein dela ere. Horretarako, Jarkatzak garatu duen sistemak ASTRA eta Hispasat sateliteen sarea erabiltzen du. Gizer.net enpresa, bere aldetik “webrunner 2.0” izeneko produktua aurkeztu zuen bisitarien interesa bereganatuz. “Webrunner 2.0” press clipping digitala  eskaintzen duen tresna da.

Komunikazioaren sektorearen hur-hurreko eraldaketak sortzen dituen aukerak eta arriskuak izango dira aztertuko diren puntu estrategikoetako batzuk Irungo Ficoban, otsailaren 3tik 5era bitartean egingo den Ablaren hirugarren edizioan. Eiken – Euskadiko Ikus-entzunezkoen Klusterra bertan izango da bere standarekin.

Ekimen honen bitartez, Eikenek ezagutza partekatzeaz gainera, bere bazkideen eta euskal ikus-entzunezkoen sektore osoa hurbildu nahi du sortzen ari den komunikazio errealitate berri horretara, oraindik ere zehaztu gabe dagoena. Digitalizazioa, negozio eredu berriak eta kontzentrazio prozesuen inpaktua dira sektorearen hurbileko etorkizuna markatuko duten faktoreak eta Klusterrarentzat, zalantzarik gabe, lankidetzan aurre egin beharreko erronka saihestezinak dira.

Zentzu horretan, Eikenek bertaratuko direnen esku jarriko ditu hainbat ikus-entzunezko baliabide eta material bere standean, baita bilera gune bat ere enpresek beren kudeaketa komertzialak egiteko aukera izan dezaten. Xedea euskal ikus-entzunezkoen sektore osoan ezagutza kudeatzea da, baina, horretaz gainera, enpresei bermatu nahi zaie merkatura sartzeko bidea, baita “ikus-entzunezko berrirantz” doan trantsizioa erraztu ere, betiere, eredu tradizionala arriskuan jarri gabe.

Era berean, Eiken Abla Azokan izango duen presentziaz baliatuko da ikus-entzunezkoen enpresek Publizitate sektorearekin dituzten harremanak indar ditzaten. Testuinguru horretan, Klusterrak, Biltzarrak irauten duen hiru egunean, harreman zuzena bultzatu nahi du bi kolektiboen artean, batetik, egungo erronkak bistaratu daitezen eta bestetik, lankidetza eraginkorrago bat sortzeko oinarriak jar daitezen, ikus-entzunezko komunikazio panorama berriaren barruan.

Klusterreko enpresak
Eikenez gainera, Klusterreko bazkide diren hainbat enpresa Ablan izango dira. Zentzu horretan, Sugar Factoryk Irungo esparrura eramango du set birtualeko maketa bat, VSN Freemove teknologiari esker kalitate handiko emaitzak eskaintzen dituena – zabaltasunik handiena ahalik eta gunerik txikienean -  kostu ekonomiko oso egokian. Sugar Factoryk tresna horren frogapen bat egingo du “Exhibition Corner” izenekoan, otsailaren 3an, 11:30ean.

Bestalde, Digitalak enpresak bere 360º-ko kamerarekin egindako zenbait grabazio proiektatzeko asmoa du. Gainera, azokak irauten duen egunetako batean, Digitalak grabazio bat egingo du “in situ”, ondoren Ablan bertan proiektatzeko. Era berean, Gizer.net konpainiak bere standa izango du Ablan, non bertaratzen direnei haren produktuaren demo bat eskura jarriko zaien.

Azkenik, Jarkatza konpainiak satelite bidezko Interneteko konexio-jaurtigailua aurkezteko du, penintsulako zeinahi puntutatik sartzen uzten duena, telefono azpiegituraren eskuragarritasuna edozein dela ere. Horretarako, Jarkatzak garatu duen sistemak ASTRA eta Hispasat sateliteen sarea erabiltzen du.

Orobat, Ablan aurreikusi diren jardueren artean, horrenbeste espero den Mark Earls marketingeko adituaren esku hartzeaz gainera (HERDmeister gisa ezaguna Interneten eta gizarte sareetan), zenbait hitzaldi emango dira honako gai hauen gainean: ikus-entzunezko panorama, Interneten eragina eta gero eta handiagoa den tresna elkarraregileen erabilera.

Signo Digitalek (Eikenen bazkide) ekoiztutako "Tener el corazón en el lugar equivocado" film labur dokumentala aurrez aukeratu dute Goya sarietan, film labur dokumentala onenaren sailean.

Josu Venerok idatzi eta zuzendu du film laburra eta 52. 000 euroko aurrekontua izan dute 16 min 16 s-ko dokumentala egiteko. José Antonio Sistiagak egin ditu protagonista lanak, eta Wim Mertens belgikar musikagileak jarri dio musika originala.

Laburmetraia hautatua izan zen Bilboko Zine Dokumental eta Film Laburren Nazioarteko Zinemaldiaren, ZINEBIren, 51. edizioan parte hartzeko. Zinemaldia azaroaren 23tik 28ra izan zen Bilbon. Bartzelonako Kultura Garaikidearen Zentroan (CCCB) ere eman dute.

Abenduaren 18an Espainiako Ikus-entzunezkoen Klusterren III. Foroa egin zen Valentzian, eta Juan Mari Gurrutxaga (presidentea) eta Itziar Mena (zuzendaria) bertan izan ziren, Eikenen ordezkari lanetan. Ignasi Guardansek, Kultura Ministerioko Zinematografia eta Ikus-entzunezko Arteen Institutuko (ICAA) zuzendari nagusiak, sektorearen Berrikuntza Plana egiteko eskatu zien klusterrei, eta autonomia erkidegoetako arduradunek Planaren oinarriak ezarri zituzten, eta Espainiako Ikus-entzunezko Klusterren Sarea ofizialki osatu zuten. 

Estatuko sarearen oinarriak ezartzeaz gain, ikus-entzunezkoen arduradun gorenek ikus-entzunezkoen industria sustatzeko erronka berriak proposatu zituzten, eta estatuan nahiz nazioartean ordezkaritza izango duen enpresen mapa osatu zuten. Sektorea berritzea nahiz nazioartera hedatzea, eta profesionalek teknologia berriei buruzko prestakuntza jasotzea izan dira foroan ezarritako helburuak; hiru alderdi horiek estrategikoak dira sektorearen lehiakortasuna hobetzeko, eta Euskadiko Ikus-entzunezkoen Klusterrak lantzen ditu dagoeneko.

ICCAko zuzendari Ignasi Guardansek parte hartu zuen jardunaldian, eta nazioko klusterren sarea sortzeak duen garrantzia nabarmendu zuen. Gainera, “ikus-entzunezkoen sektorea eta industria sektorea ezin bananduzkoak” direla aipatu zuen. Azkenik, gizartea gero eta globalagoa denez eta guztiek “baliabide eta aukera berberak” dituztenez, “sektore dinamikoa eta ausarta” sortzeko eskatu zien enpresariei.

Espainiako Klusterren Sarearen sorrera ez ezik, sektorearen krisiari aurre egiteko irtenbideak ere landu zituzten foroan. Hala bada, Ikus-entzunezkoen Berrikuntzarako Gidaren oinarriak, Nazioartekotze Plana, Prestakuntza Plan berria eta finantziazio publiko nahiz pribatua lortzeko tresnak aurkeztu zituzten.  

Izan ere, ikus-entzunezko edukien egungo ekoizpenari eta ikus-entzunezkoen sektorearen eredu berriei lotutako negozio aukerak finantzatzeko bestelako iturriak lortzeak garrantzi nabarmena du. Hori dela eta, harreman instituzionalak hobetzeko akordioa sinatu nahi izan zen, eta Klusterren Sareak administrazioarekin bitartekari lanak egitea sustatu zen.

Eikenekin batera, foroan izan ziren Valentziako, Galiziako, Madrileko, Extremadurako, Kataluniako, Balearretako nahiz Kanarietako ikus-entzunezkoen klusterrak, eta AEPAA-APRIA erakundeak (Andaluziako klusterra osatzeko bidean sortutakoak).

Espainiako Ikus-Entzunezkoen Klusterren Foroak –foro horretako bazkide da Eiken– stand bateratua ezarri du Eduki Digitalen Nazioarteko Foroan, FICOD 09 foroan. Ekimen hori Madrilgo Juan Carlos I biltzar jauregian egin da, azaroaren 17, 18 eta 19an, eta, bitarte horretan, ehunka profesional nahiz erakunde publiko eta enpresa hurbildu dira standera, hainbat autonomia erkidegotan –Aragoin, eta Gaztela eta Leonen, adibidez– klusterrak eratzeko interesak bultzatuta.

Stand bateratuak autonomia erkidegoetako ikus-entzunezkoen klusterren informazioa zabaldu du; Galiziari, Euskadiri, Extremadurari, Balear Uharteei, Kanariei, Madrili eta Valentziako erkidegoari buruzkoa, hain zuzen. Eta elkarte horien jardueretan eta funtzionamendua interesa zuten ehunka profesionalen eta enpresaren bisita jaso du. “Informaziorako eramandako material guzti-guztia banatu dugu, eta Foroaren kontzeptuak berak interes handia sortu du. Oso balorazio positiboa egin dugu, ikus-entzunezkoen industriaren ordezkari gisa dugun irudia sendotzea lortu dugulakoan gaudelako”, azaldu zuten Galiziako klusterreko kideek, FICODen klusterren ordezkaritzaren ardura izan zutenek.

Standa ezartzeko ekimena klusterren arteko sinergiak bateratzearen, ikus-entzunezko enpresei foro eta merkatuetan nagusitasun handiagoa ematearen eta erkidegoen arteko lankidetza sustatzearen aldeko apustuaren emaitza izan da, eta Espainian ikus-entzunezkoen sektorearen garapenerako estrategia komunak diseinatzeko xedeari ere jarraitzen dio. Ildo horretatik, Foroak beste ekimen bat jarri du abian, berriki: Berrikuntza Plana, hain zuzen ere, abenduan Valentzian egingo den Klusterren III. Foroan aurkeztuko dena.
 
FICODen, eduki digitalen nazioarteko aditu nagusiak eta ikus-entzunezkoen sektoreko puntako enpresak biltzen dituen foroan, Kevin Spacy antzezle eta produktoreak parte hartu du, aurten, besteak beste, The Social Network gizarte sareen fenomenoari buruzko bere proiektu berriaren aurkezpena zela-eta.

'Astea 09'ren barruan, eta Eusko Jaurlaritzako Industria, Berrikuntza, Merkataritza eta Turismo Sailarekin, Euskalitekin (Kalitaterako Euskal Fundazioa), Innobasquekin, SPRIrekin eta EiTBrekin lankidetzan, Eiken Basque Audiovisual-Euskadiko Ikus-entzunezkoan Klusterrak jardunaldi bat antolatu du gaur Zamudioko Teknologia Elkartegian. “Eiken 9000, Kalitate eta Berrikuntza zigilurantz Ikus-entzunezkoen arloan: posible al da?” izenburupean euskal ikus-entzunezkoen sektorera bereziki zuzendutako kalitatezko estandar bat garatzeko beharra aztertu dute. Topaguneak, SPRIren Zuzendari Nagusia buru zuela, erakundeetako eta sektoreko enpresaburuen 60 ordezkari baino gehiago bildu ditu. 

Bosgarren urtez segidan, Eikenek lan jardunaldi hau antolatu du ikus-entzunezko industriako enpresa guztiek bat eginik, txiki nahiz handi, kudeaketa eta berrikuntza praktiketan sektoreak dituen erronkei buruz gogoeta egiteko, eta bestalde, Klusterraren konpromisorik behinena berresteko, Sektorearen sendotzeari eta lehiakortasunaren hobekuntzari begira.

Hiru orduz baino gehiagoz, etorkizuneko zigiluak izan beharko lituzkeen ezaugarriak aztertu dira, digitalizazioa dela-eta etengabe aldatzen eta eraldatzen ari den industria baten lehiakortasun faktore erabakigarri gisa, baita zein diren enpresek, erakundeek eta tartean dauden eragileek jarraitu beharreko estrategia partekatuak ere, adostasunaren bitartez, estandarren egokitzapen bat lortu ahal izateko, enpresa kudeaketaren arloan bereizketa argia ekarriko duena.

Orobat, jardunaldia klusterren behatoki estrategikoen lan parametroen barruan egin da, SICC izeneko ekimena, hain zuzen, “Kluster Inteligentzia Lehiakorreko Sistema”, Eusko Jaurlaritzak enpresen esku jarri duena kluster elkarteen bitartez, Berrikuntza babesteko eta barne eztabaidak dinamizatzeko. 

Prentsa oharra

Eiken – Euskadiko Ikus-entzunezkoen Klusterrak abian jarri du berriki Kluster Inteligentzia Lehiakorreko Sistema (SICC) bat, elkarteko bazkide diren enpresei laguntza estrategikoa eskaintzeko, honako hauek bitartez: estrategia eta merkatu berria, teknologia, indarrean dagoen araudia edo prestakuntzari buruzko informazio eguneratua. Gainera, edozein partikular edo enpresa sar daiteke dohainik gai horiei buruzko lerroburuen alerta sistema batera, Eikenen webgunean harpidetza eginez, besterik gabe.

Sistema hau balio erantsia duen sistema bat da, Ikus-entzunezkoen Sektoreko Klusterrak bere bazkideen esku jartzen duena Eusko Jaurlaritzaren Industria eta Berrikuntza Sailaren bultzada funtsezkoari esker. SICCek EikenLEX (www.eikenLEX.net) atariarekin bat egiten du, web juridiko ireki eta eskuragarria, Ikus-entzunezkoen Sektoreari buruzko informazioa eta aholkularitza juridiko espezializatua eskaintzen duena.

Kluster Inteligentzia Lehiakorreko Sistemaren helburua Ikus-entzunezkoen Sektoreko enpresen beharrak eta kezka estrategikoak detektatzea eta behar duten laguntza eskaintzea da. Horretarako, bi alderdi funtsekotan lan egiten dugu, hau da, zaintza eta dinamizazioa. Zaintza lanak enpresen behar nagusiak detektatzera bideratzen dira eta dinamizazio lanek, berriz, helburutzat dute  lankidetzan jardutea zeinahi proiektutan, sektorearen lehiakortasuna oro har hobetzeko.

Eikenen zuzendaritzan, proiektuak diziplina askotako talde baten laguntza du eta bertan Vicomtech, Robotiker eta Leia teknologia elkartegietako bi dinamizatzailek eta analistek hartzen dute parte. Enpresa guztiekin biltzen ari dira egiazko beharrak eta kezka edo interes handiena sortzen duten gaiak zein diren jakiteko. “Fitxa gisa informazio sorta zabala aurkezten da, agiriak, azterlanak edo txostenak, guztiak ausaz aukeratu ez diren gaiak, baizik eta gure enpresen interesekin guztiz lerrokatuta dauden interesak”, azaldu du Itziar Mena Eikeneko Zuzendariak. 

Sistemak informazioa eskaintzen du hainbat gairi buruz: produktuak eta euskarri berriak, negozio ereduak, teknologiak berriak (ekoizpena, paketatzea, hedapena eta kontsumoa), indarrean dagoen araudia, prestakuntza (masterrak, ikastaroak…), eta gainera, argitalpen katalogo zabala eta Ikus-entzunekoekin zerikusia duten ikastaroak, baita etengabe aldatzen ari diren sektore batean nagusitzen diren joerak ere.

Eikenek SICCen dinamizatze ekitaldi bat egingo du, datorren azaroaren 17an egingo den Kalitate Jardunaldi batean, Zamudioko Teknologia Parkeko Gastatxu Aretoan.

Itziar Menak, Eikeneko zuzendariak eta Madalen Bermeosolok, EiTBko (Eikeneko bazkidea) Prestakuntza arduradunak eta Gidoi Faktoriaren koordinatzaileak,  Zinebiren harira (Zine Dokumental eta Laburmetraien Nazioarteko 51. Zinemaldia) antolatutako jardunaldietako batean parte hartuko dute azaroaren 12an, 2009/2010 ikasturtean hasi berri den prestakuntza programa berritzaile hau aurkezteko. 

Aurten ere, Euskadiko Ikus-entzunezkoen Klusterra Zinebiren aurreko egunetako (azaroaren 23-28) jardueretan egongo da lankide gisa. Oraingoan, bere programarik berritzaileena eta handinahiena  aurkeztuko du, Ikus-entzunezkoaren profesionalen prestakuntzari dagokionez. Hainbat zinema eskoletako ikasleekin egingo den topaketa 12:00etan izango da, El Ensanche Udal Zentroan.

Joan den azaroaren 5ean hasi zen Gidoi Faktoriaren lehen ikasturtea, prestakuntzako ibilbide oso bat, pertsonak gidoigile aditu gisa trebatzeko xedea duena. Ikastaroa egiten dutenek zerbitzuak eskaini ahal izango dituzte ikus-entzunezkoen arloan, gaur egun telebistaren merkatuan dagoen gidoigileen hutsunea betez. 

Gidoi Faktoriarako hautaketa prozesua gainditu duten 20 ikasleek gidoiari buruzko prestakuntza osoa jasoko dute 25 profesional ezagunen bitartez. EiTBren 4. platoan emango den prestakuntza lau modulu independentek osatzen dute; guztira, 300 irakastorduko ibilbidea, gidoigile orok ezagutu beharreko gaitasunak eta trebetasunak erakusteko.

Euskadiko Ikus-entzunezkoen Klusterrak eta EiTBk gaur inauguratu dute ‘Gidoi Faktoria / El Espacio del Guión’ prestakuntza programa; egitasmoaren helburua ikus-entzunezkoen produkzioan lan egiteko aukera izango duten gidoilari adituak prestatzea da, arlo horretan gaur egun telebistaren merkatuan dagoen hutsunea betetzeko.

Uztailean, jardunaldi irekiak egin zituzten EiTBko Multibox aretoan prestakuntza programaren xehetasunen berri emateko. Hautaketa prozesua sektoreko profesional talde batek egin zuen uztailean eta irailean, eta bertan berrogeita hamar bat pertsonek hartu zuten parte.

Prozesu amaieran 18 eta 45 urte bitarteko 20 pertsona hautatu zituzten; gehienak Bizkaikoak dira, baina badira beste bi lurralde historikoetako eta Kantabria nahiz Nafarroako pertsonak ere. Ikasle horiek izango dira prestakuntza berezituko ikastaroa egingo duten lehenak eta hura amaitzean ‘gidoilari adituak’ titulua jasoko dute. Proposamen berritzailea izateaz gain, Gidoi Faktoria gidoia ardatz duen Estatuko lehen prestakuntza programa osoa eta integrala ere bada.

Profesional entzutetsuak
Madalen Bermeosolo, EiTBko Prestakuntzako arduraduna, izango da Gidoi Faktoriako buru eta harekin batera 25 irakaslek lan egingo dute; horiek gidoiaren eremu guztietan izen ona duten eta zinemako, telebista telesailetako, entretenimendu programetako, dokumentaletako, reality programetako eta abarretako dozenaka proiektutan parte hartu duten profesionalak dira.

Gidoi Faktoriako irakasleak izango dira, besteak beste: Michel Gaztambide (Yoyes, La Caja 507...), Txemi Parra (Aguila Roja, 7 vidas, El internado, El comisario…), Asier Aizpuru (Amar en tiempos revueltos), Virginia Yague (La señora), Pedro Fuentes (Goenkale...), Nacho Velilla (Aída, Médico de Familia…), Diego San José (Pagafantas), Roberto Ontiveros (GH) edo Carolina Cubillo (Callejeros) 

Eiken – Ikus-entzunezkoen Sektoreko Klusterreko enpresa hauek lagundu dute Gidoi Faktoria prestakuntza programa diseinatzen: Pausoka, 3 Koma, K 2000, Baleuko, Irusoin eta Orio Produkzioak.

Informazio gehiago: Prentsa oharra
                                Albistea

Basque Audiovisual Europako hainbat azokatan finkatu ondoren, hala nola MIPCOM, MIPTV edo Sunny Side of the Dioc; Eikenek, Ikus-entzunezkoen Sektoreko Klusterrak, nazioarteko hedapena duten estatuko azoken aldeko erronkari ekitea erabaki du. Madrilen Ikus-entzunezkoen Teknologiari buruz egingo den BROADCAST 09 (azaroaren 3tik 9ra) azokan, Eikenek marka berria aurkeztuko du: Basque Audiovisual Services + Tech, oinarri teknologikoko zerbitzuak eskaintzen dituzten Euskal Ikus-entzunezko Sektorearen enpresak bilduko dituena.

Ikus-entzunezkoen kontzeptu tradizionalak pauso bat eman du ikus-entzunezko negozio berri baterantz. Hor nabarmentzen diren enpresak ez dituzte edukiak bakarrik egiten; haatik, edukiei balio erantsia ematen dizkieten aplikazioak eta zerbitzuak eskaintzen dituzte, teknologia berrietan oinarrituta. “Negozio-ildo erabat garrantzitsua eta estrategikoa da sektorea lehiakorrago izan dadin; horregatik, ezinbestekotzat jo dugu enpresa horiekin berariazko lan-taldea finkatzea” esan zuen Itziar Menak, Eiken Ikus-entzunezkoen Klusterraren zuzendariak.

Eikenek 14 enpresa bilduko ditu Basque Audiovisual Services + Tech izenpean eta 64 m2-ko (9F06b) estand-a izango dute Galizia, Valentzia eta Madrilgo Klusterrekin batera, lankidetza horren sinergiari etekina ateratzeko asmoz. Euskal ordezkaritza honako enpresa hauek osatua izango da: BS&T, Gizer.net, Erabi Tecnología Audiovisual, Sugar Factory, EUVE, Jarkatza Media, Megavideo, G93 Telecomunicaciones, Irusoin, Mixer Servicios Audiovisuales, Aginako Bideo Zinema, K 2000, Bitart New Media eta Vilau.

Produktu berriak
BROADCAST 09 azokan egongo diren enpresek eskainitako zerbitzuek Ikus-entzunezkoen eremu oso zabala hartzen dute eta lan garrantzitsua egiten dute I+G+b arloan; hartara, Ikus-entzunezkoen Teknologiaren aretoa baliagarria izango da ikus-entzunezko edukien ekoizpenerako aplikazio aurreratuak eta produktu berriak merkatuan aurkezteko. Horietako batzuk, gainera, mundu mailan ezagutaraziko dira lehenengoz.

BROADCAST 09 azokara enpresa guztiak marka bakarrarekin joateak presentzia handiagoa emango die enpresei eta errazago ikusiko dira, bakarrik joanda baino. Bestalde, Basque Audiovisual marka ezaguna dugu nazioartean eta Euskadin eginiko ikus-entzunezko produktuaren bereizgarria da.

Prentsa oharra

gizer.net enpresak, EIKENeko kidea, Deustuko Teknologia Fundazioaren (DeustoTech) eVIDA ikerkuntza taldearekin elkarlanean, TICAVEI jardunaldiak antolatu ditu ACCEedu teknologian egin dituen aurrerapenak aurkezteko. Teknologia berri honi esker, ikus-entzunezko edukietan oinarritutako hezkuntza jarduerak erabil daitezke e-learning merkatuan, azpititulazioa eta audiodeskribapena bezalako elementuak barne.

Berrikuntza nagusia hauxe da: ikasleak eta irakasleak ikus-entzunezko materialekin lan egin dezakete, testu idatzi batekin egingo luketen moduan, eta horrek aukera handiak ematen ditu aurrez aurreko eta on-line irakaskuntza hobetzeko, IKTen laguntzarekin. Teknologia hau Moodle plataforman integratzeko sortu da, gaur egun gure inguruan nagusi den e-learning plataforman, edota era independentean erabiltzeko.

Urriaren 5etik 8ra, hainbat ikastetxetako 40 irakasle, Bizkaikoak gehien bat, elkarlanean aritu dira jardunaldi hauetan. IKTek irakaskuntzarako dituzten berrikuntza nagusiak aztertzeaz gainera, ACCEedu teknologiaren ahalmena egiaztatu ahal izan dute, eta tresna honetarako hobekuntzak proposatu dituzte beren esperientziatik abiatuta.

TICAVEI jardunaldien lehen fasea joan den irailaren 14an egin zen, hizkuntzen irakaskuntzari buruzko hainbat adituren erakusketa eta lanekin, herritar guztien eskura dauden eduki multimedia eta ikus-entzunezko materialen bitartez. Bilkura horretan, Madril, Bartzelona, Granada, Bilbo, Erresuma Batua eta Greziako unibertsitateetako adituak bildu ziren, baita software arloko eta ikus-entzunezkoen munduko hainbat enpresa ere.

Astelehenean abiatu zen Cannesko 25. MIPCOM azoka; hots, telebistako edukien nazioarteko azoka nagusia. Zalantzarik gabe, krisialdi ekonomikoak bere aztarna utzi du aurtengo azokan, baina ezin ahaztu, era berean, Basque Audiovisual markak biltzen dituen euskal enpresek (3Koma, Bainet Zinema, Baleuko, Expressive, MediaBost, Pausoka, Retelsat, Silverspace, Western Films, Somuga, Audiovisual 21, K 2000, Moztu Filmak eta EiTB) egin duten garrantzizko lana ere; izan ere, produktu berritzaileak eta merkatuak eskatzen duenarekin bat datozenak aurkezten saiatu dira enpresok; formatu lehiakorrak, ekoizpen kostu txikiagoarekin.

Euskal ordezkaritzako produktuen katalogoa animaziozko telesailek, dokumentalek, kanal tematikoek, doku-realityek, entretenimenduko magazineek, gazteentzako telesailek eta abarrek osatzen dute. Hogei bat formatu dira guztira, horietako batzuk arrakastatsuak Euskadin, eta sektoreko eragileen arreta erakarri dute.

Cannesko azoka bihar amaituko da (ostirala, urriaren 9a), eta aurten enpresa gutxiago bertaratu badira ere, Frantziara joan diren euskal enpresek ia ehun bilera egin dituzte egunero, erosle potentzialekin. Gainera, Euskadin egindako ikus-entzunezkoek erakarri dituzten profesionalen joan-etorria etengabekoa izan da Basque Audiovisual markako erakustokian.

Itziar Mena Eiken-Euskadiko Ikus-entzunezkoen Klusterreko zuzendariak adierazi duenez, “gisa honetako azokek telebistako edukien arloko joera berriak eta formatu berriak gertu-gertutik ezagutzeko aukera ematen dute, eta aurten egiaztatu ahal izan dugu Euskadiko enpresek merkatuko eskariarekin guztiz bat datozen produktuak eskaintzen dituztela”. Hain zuzen ere, Eiken eta Eusko Jaurlaritzako Kultura Sailak bultzatu dute euskal enpresek hurrenez hurreneko hirugarren ustez Basque Audiovisual markaren aterkipean Cannesko azokan parte har dezaten. Izan ere, Basque Audiovisual sendotasun handiko marka da, entzute handia du, eta Euskadin egiten diren ikus-entzunezkoak identifikatzen ditu.

Basque Audiovisual markak 40 metro koadroko erakustokia du Palais des Festivals aretoan, Galiziako Ikus-entzunezkoen Klusterrarekin batera, klusterren arteko lankidetzak ematen dituen aukerak aprobetxatzearren. Basque Audiovisual markak ikus-entzunezko teknologia erabili du bere erakustokian, enpresetako produktuak modu egokian aurkezteko. Hain zuzen ere, formatu handiko ukipen pantaila bat dago erakustokian, profesionalek produktu eta formatu guztiei buruzko informazioa eskura izateko.

Basque Audiovisual markak profesionalen topaketa bat egin zuen asteartean (urriaren 6an), eta azoka bukatu bitarte, enpresek formatu batzuk aurkezteko aukera izango dute animazioaren eta telesailen arloko foro espezializatuetan. Gainera, erosle potentzialekin biltzeko aukera ere izango dute. Eikeneko zuzendariak gaineratu duenez, “Ekonomiaren atzeraldia dela-eta, gaur egungo merkatua kontserbadoreagoa da, baina enpresek bezeroak aurkitzeko ahaleginak bikoiztu dituzte eta aurreko urteetan baino enpresa gehiagori ari dira aurkezten beren lana”.

Zinematografia eta Ikus-entzunezko Arteen Institutuko (ICAA) zuzendari nagusi Ingasi Guardansek harrera egin zion irailaren 28an, Ministerioaren egoitzan, ikus-entzunezkoen Klusterren arduradunek osatutako ordezkaritza bati. Beraien aurrean, antolaketa-eredu honek Autonomia Erkidego desberdinetan sektorearen egituratzean egiten duen lan garrantzitsua onartu zuen. ICAAko arduradun nagusiak konpromisoa hartu zuen Klusterrekin, sektorean berrikuntza bultzatzeko.

Ordezkaritza honakoek osatu zuten: Euskal Autonomiak Erkidegoa, Extremadura, Balearrak, Kanariak, Madril, Valentzia, Katalunia eta Galiziak, eta sektorearen etorkizunari dagokionez dituzten kezka nagusiak aurkeztu zizkioten Ingasi Guardansi. ICAAko zuzendariak konpromisoa hartu zuen bisita honetan Klusterrekin abiarazitako solasaldia sendotzeko.

Era berean, ICAAko arduradun nagusiak Kluster sarearen lankidetza eskatu zuen, Zinearen Legean jasotako Ikus-entzunezkoa Berritzeko Plana elkarrekin garatzeko. Halaber, Guardansek gonbit egin zien Klusterrei, ikus-entzunezkoen industriaren gaineko estatistika fidagarriak egiten laguntzeko, betiere, sektoreak berezkoak dituen I+G+b arloko laguntzak behar bezala antolatzeko.

Lankidetza estuko giroan, Institutuko zuzendariak gonbit egin zien Klusterrei, Klusterren arteko esperientzia trukearen eta prestakuntzaren arloan taldeko ekintzak egiteko, eta, era berean, konpromisoa hartu zuen ekintza horietan laguntzeko. Ordezkaritzak gonbit egin zion ICAAko zuzendariari, urte amaieran Valentzian izango den Espainiako Klusterren III. Foroan parte hartzeko.

Euskadiko ikus-entzunezkoen alorreko enpresa nagusiak Canneseko MIPCOM azokan izango dira urriaren 5etik 9ra, hirugarren urtez jarraian, Basque Audiovisual markaren inguruan bilduta.

Euskadiko ikus-entzunezkoen sektoreko enpresak atzerriko merkatu eta azoka ugaritan izan dira azken hamarkadetan. Nolanahi ere, Eiken-Euskadiko Ikus-entzunezkoen Klusterrak eta Eusko Jaurlaritzako Kultura Sailak parte-hartze hori sendotzea erabaki dute, eta ahalik eta enpresa kopuru handiena bildu nahi dute horretarako Basque Audiovisual markaren inguruan. Marka sendo dago gaur egun, eta Euskadin egiten den lana munduan ezagutarazteko balio du.

Eikenen Nazioartekotze Planaren bidez eta Eusko Jaurlaritzako Kultura Sailaren Niniak Programaren baliabideen zati bati esker, ikus-entzunezkoen alorreko berrogeita hamar bat enpresa, ekoizleak eta banatzaileak gehienak, Basque Audiovisual markaren inguruan bildu dira 2009an honako azoka eta ekitaldi hauetan parte hartzeko: MIPTV, MIF, Sunny Side of the Doc eta MIPCOM. Inbertsioa 180.000 eurokoa izan da, gutxi gorabehera. Ez alferrik, Eikenen 2009-2011 Plan Estrategikoaren bigarren erronkan irakur daitekeenez, ezinbestekoa da Euskadiko ikus-entzunezkoen sektoreko produktuak atzerriko merkatuetan ezagutaraztea.

Euskal ordezkaritza

Honako hauek osatuko dute euskal ordezkaritza Canneseko azokan: 3Koma (“El calendario del año” - lehiaketa), Bainet Zinema (“Hogar útil” - kanal tematikoa), Baleuko (“Black to the moon” - animazio seriea), Expressive (“Anima channel” - animazio filma), MediaBost (“Mystical” – luzemetraia), Pausoka (“Zorion Perfektua” - luzemetraia), Retelsat (itsasazpiari buruzko dokumental seriea), Silverspace (“Hiroku y los defensores de Gaia” – animazio filma), Western Films (“Vivo México” - dokumental seriea), Somuga (“The Howoldies” - animazio seriea), Audiovisual 21, K 2000 (“Pásalo” - entretenimendu saioa), Moztu Filmak (“The last passage”) eta EiTB. 

Taldea Vitoria-Gasteiz Film Commission delakoak osatzen du, antolakuntza mota hauei bereziki eskainia dagoen jardunaldian parte hartuko duena.

Prentsa oharra

EIKEN Euskadiko Ikus-entzunezkoen Klusterrak eta EiTBk ‘Gidoi Faktoria / El Espacio del Guión’ izeneko espezializazio-programa jarri dute abian, ikus-entzunezko produkzioan lan egin dezaketen gidoilari adituak trebatzeko asmoz. Modu horretan, bete egingo litzateke telebistaren merkatuan eta aipatutako arloan gaur egun dagoen hutsunea.

Hautaketa prozesua uztailean eta irailean egingo da, eta sektore horretako profesionalek osatutako taldeak aukeratuko ditu hautagaiak. Programan interesatuta daudenek edota informazio gehiago gura dutenek mezu elektroniko bat bidal dezakete hurrengo helbidera: gidoifaktoria@eitb.com. Bestela, 94 656 32 30 telefonora hots egin dezakete, eta 'Gidoi Faktoria / El Espacio del Guión’ programari buruzko informazioa eskatu.

Programa 2009ko azaroan hasiko da ematen EITBk Bilbon duen egoitzan. Programak lau modulu informatibo independente ditu, eta, guztira, 350 eskola-ordu emango dira. Bereziki, gidoilari orok ezagutu beharreko trebakuntzak eta gaitasunak landuko dira. Zentzu horretan, parte-hartzaileek sakon aztertu eta ezagutuko dute telebista, bai eta gidoiaren oinarriak eta tresnak eta fikzioa edo entretenimendua bezalako genero ezberdinetan dituen aplikazioak ere.

Gainera, ikasleek amaierako proiektu bat egin beharko dute, eta praktika-aldi bat egiteko aukera izango dute (gutxi gorabehera, 250 ordu), ‘Gidoi Faktoria / El Espacio del Guión’ ekimenarekin kolaboratzen duen produkzio-enpresaren batean. Era berean, tutore baten aholkularitza jasoko dute uneoro.

Programa osoa amaitzen denean, parte-hartzaileek “Gidoilari aditua” titulua lortuko dute, EIKENek eta EiTBk emanda.

Proiektu berritzaile hau 20 pertsonarentzat izango da, eta ondoko baldintzak bete beharko dituzte: Ikus-entzunezko munduari lotutako unibertsitate ikasleak edo prestakuntza zentroetakoak, sektoreko profesionalak edo erlazionatutako beste sektore batzuetako profesionalak, bai eta gidoigintzaren munduan euren ibilbide profesionala garatzeko interesa duen pertsona oro ere.

Gainera, gura duten profesionalek moduluetako bat egin dezakete modu independentean, aldez aurretik dagokion matrikula-tasa ordaintzen badute.
 
Ikastaro osoko matrikularen kostua 4.800 eurokoa da pertsona bakoitzeko, eta ordainketa zatika egin daiteke. Prezioaren barruan, kontzeptu hauek daude sartuta:
• Prestakuntzako 350 ordu, telebistako gidoilari-profila betetzeko behar diren gaitasun eta trebeziak lortu ahal izateko.
• Prestakuntza-aldian tutoretzapean egindako praktikak.
• Prestakuntza praktikoko 250 ordu sektoreko enpresa batean, tutore batek gidatuta.
• Gidoilari profesional baten laguntza amaierako proiektua egiterakoan.
• Inskripzioa eta matrikulazioa ‘Gidoi Faktoria / El Espacio del Guión’ proiektuaren markoan emango den ikastaro monografiko edo tailerren batean.
• Inskripzioa eta matrikulazioa Urteroko Jardunaldietan.

Gainera, antolakuntzak matrikularen %30era arteko bekak eman diezazkieke zenbait ikasleri, zehaztu beharreko irizpideen arabera.

Ikastaro monografikoak eta Urteko Topaketa

Prestakuntza programa honekin batera, iraupen laburreko (10-15 ordu) beste 5 tailer edo ikastaro monografiko antolatuko dira, eta nahi duten profesional guztiek parte hartu dezakete. Ikastaro hauetan, gehienez, 50 pertsonak hartu dezakete parte, eta horietatik 3 ikastaro osoaren ikasleak izango dira. Ekimen honen testuinguruan, halaber, EIKENek eta EiTBk urtean behin edo birritan hitzaldiak, jardunaldiak eta lansaioak egin nahi dituzte gidoigintzaren munduarekin erlazionatutako gaiei buruz, sektorearen profesional garrantzitsuenen lankidetzarekin.

Txostena

Ikus-entzunezkoen edukiak ekoizten dituzten euskal enpresa nagusietako batzuk Canneseko MIPCOMean izango dira datorren urrian hirugarren urtez, Basque Audiovisual markaren inguruan bilduta. Produktuen katalogoak Euskadin ekoitzi diren formatu berritzaileenak eta arrakastatsuenak biltzen ditu, besteak beste, denbora-pasarako saioak, dokumentariak, eta animazioa.

Nahiz eta nazioarteko merkatu eta azoka nagusietan Ikus-entzunezkoen Sektoreko euskal enpresek etengabe parte hartu azken hamarkadetan, Eiken-Euskadiko Ikus-entzunezkoen Klusterrak, Eusko Jaurlaritzako Kultura sailarekin batera, bere jarduera indartzea erabaki zuen eta horretarako Basque Audiovisual izenpean bildutako Ikus-entzunezkoen enpresen parte-hartze bateratua sustatu zuen. Hainbat nazioarteko hitzordutan izan ondoren, marka sendotu egin da eta aintzatespena lortu du Euskadin egiten den ikus-entzunezko produktuaren ezaugarri gisa. Bestalde, enpresek elkarren artean lankidetzan jarduteko duten gaitasunaren adierazgarri bihurtu da, sektorearen helburu komunak lortu ahal izateko.

Oraingo honetan, euskal ordezkaritza enpresa hauek osatzen dute oraingoz: 3Koma, Baleuko, Expressive, Flying Apple, MediaBost, Pausoka, Retelsat, Western Films, Somuga, Audiovisual 21, K 2000, Moztu Filmak eta Donostia Films. “Krisialdi honetan, gure asmo nagusia, hain zuzen ere, enpresen nazioartekotzea bultzatzea da, ziurgabetasunik eza nagusi den egoera honi aurre egiteko” azaldu zuen Eikeneko Zuzendariak, Itziar Menak.

Basque Audiovisualek 39 metro karratuko stand bat izango du Palais des Festivals delakoan, Galiziako Ikus-entzunezkoen Klusterrarekin batera, klusterren arteko lankidetzatik sortzen diren aukerak aprobetxatze aldera. MIPTVaren aurreko edizioan bezala, Basque Audiovisualen erakusketa-esparrua ikus-entzunezko teknologiaz hornituta egongo da, enpresen produktuen erakusketa egokia egiteko helburuarekin. Ukimen pantaila bat izango du, formatu handikoa, eta haren bitartez, profesionalek eskura izango dute informazio guztia. 

Basque Audiovisual markak, gainera, Internet bidezko on-line katalogo komertzial bat du (www.basqueaudiovisual.com), tresna ezin eraginkorragoa bezero eta lankide potentzialekin aldez aurreko kontaktuak egiteko eta bilerak hitzartzeko, azokak irauten duen bitartean.

Hain zuzen ere, iraila bitartean abian jarriko da sustapen kanpaina bat Internet bitartez. Aurkezpen mailing bat bidaliko zaie mundu osoan ikus-entzunezkoen sektorearekin zuzenean harremana duten milaka kontakturi. Horrela, Basque Audiovisualen on-line katalogorako sarbidea bultzatu nahi da, non enpresa bakoitzaren harremanetarako datuak eta lanen aurkezpenak eskuragarri dauden.

Eiken – Euskadiko Ikus-entzunezkoen Klusterrak bazkideen Batzar Nagusian lehen 2009-2011 Plan Estrategikoa aurkeztu zuen ekainaren 25ean, Euskal Ikus-entzunezkoen Sektorearen garapen lehiakorraren liderra izateko proposamena jasotzen duena. Dokumentuak sektorearen gaitasun lehiakorra zehaztuko dituzten alderdi giltzarriak aurreratzen ditu, Porter diamanteren metodologiaren arabera. Eikenen arabera, lehiakortasunaren osagai giltzarriak honako hauek dira: nazioartekotasuna, talentua, berrikuntza eta aukera berrien bilaketa, Ikus-entzunezkoen munduan ekoizteko, banatzeko eta kontsumitzeko moduan gertatzen ari den iraultzatik abiatuta.

Digitalizazioaren eta teknologia berrien testuinguruan, Eikenek negozio tradizionala lekuz aldatzen ari den “ikus-entzunezko negozio berriaren” sorrera baieztatu du; dena den, lehenengoak fakturazioaren zama nagusia hartuko du oraindik datozen urteetan. “Ikus-entzunezko negozio berri” horren ezaugarriak dira TDTrako edukien ekoizpena, hainbat euskarritarako (telefono mugikorrak, Internet, tokiko TBak) “low cost”-en sorreran eta ekoizpenean espezializatzea, eta zinemako nahiz TBko edukiak gailu mugikorretara egokitzea. Era berean, soluzio interaktiboen bilakaeran bereizten da, e-Admnistrazioko edukiak hornitzen ditu, aisialdia du ardatz nagusi eta lehenesten duen publikoa 45 urtetik beherakoa da. 

Testuinguru berri honetan Klusterrak eginahalak egingo ditu EAEn nagusi diren zerbitzu tradizionaletako ekoizpen etxeek eta enpresek beren negozio nagusia bultzatu dezaten lehiakortasuneko hobekuntzen laguntzaz (prestakuntza, kalitatea, nazioartekotasuna), eta, aldi berean, negozio berrietan sartzeko aukerak bilatu ditzaten. Horren harira, Eikenek enpresen garapena bultzatzea proposatzen du beren lehiakortasuna etengabe sustatuta, berariazko prestakuntzaren, berrikuntzaren eta zerbitzu aurreratuen hornikuntzaren bitartez eta talentuaren aldeko erronkari garrantzia emanez; izan ere, alderdi hori erabakigarria da sektorearen arrakasta lortze aldera.
 
Era berean, Klusterrak enpresa egitura egokitua garatu nahi du, euskal enpresen tamaina txikiak eragozpen garrantzitsua izan ohi baita sektorearen garapenerako. Eikenen lehentasunezko lan ildoen artean dago, halaber, nazioartekotasuna eta kanpoko merkatuetara ateratzea. Horri dagokionez, Basque Audiovisualaren laguntzaz Cannesko azoka nagusietan (MIPTV, MIPCOM eta MIF) gure sektorearen presentzia finkatu da, eta aurrera begira ildo hori landuko da Klusterraren Nazioarteko Planaren bidez.

Bestalde, Eikenek antena hargailu gisa jokatu nahi du abangoardiako jakintza enpresen eskura jartzeko, eta sektoreari aurrera egiten laguntzeko zehaztutako estrategiaren norabidean. Izen ere, negozio berrien garapenak jakintza sortzeko eta partekatzeko ahalegin handia eskatzen du. Klusterrak enpresa eragiketak ere lagunduko ditu (enpresa berrien sorrera, fusioak, Euskaditik kanpoko enpresetan inbertitzea, eta abar), bere bazkideen edo Administrazio publikoaren ekimenez sortzen baldin badira eta haien helburua sektore osoaren garapen lehiakorra garatzea baldin bada.

Izan ere, Eikenek azken hilabeteotan hausnarketa estrategiko sakona egin du eta horri esker Euskal Ikus-entzunezko Sektorearen ahulguneak eta indarguneak diagnostikatu ahal izan ditu, Sektoreko Berrikuntza Agendaren barruan sartuko diren ekintzak mahai gainean jarriz, sektoreko enpresen lehiakortasuna bultzatzeko xedearekin.

Prentsa oharra

“Nekeetan, irria ezpainetan”. Horixe pentsatuko zuen Imanol Ortizek “Artículo 35” telebista-saioa bururatu zitzaionean. Lan bila ari diren pertsonei laguntza ematen dien saioa da, hain zuzen ere. ‘Dokureality’ hori aukeratu dute ikus-entzunezko 55 proiekturen artean (dokumentalak, telesailak...), Ikus-entzunezkoen Sektorearen Klusterrak sustatutako EikenBANK programaren bidez modu profesionalean produzitua izateko.

Sari banaketa ekainaren 9an EiTBren (Eikeneko kidea) Multibox aretoan izan zen. Ekitaldian, besteak beste, Jon Moran, Bizkaiko Foru Aldundiko Berrikuntza Agentziako Zuzendaria; Mikel Toral, Eusko Jaurlaritzako Kultura Sustatzeko Zuzendaria; Carmelo Garitaonandia, UPV/EHUko Bizkaiko Errektoreordea; Iosu Zabala, Mondragon Unibertsitateko Errektorea; Luis Almaraz, BBK Gazte Lanbideko Zuzendaria; Ibone Bengoetxea, Bilboko Udaletxeko Kultura eta Hezkuntza Zuzendaria, eta Alberto Mendez, SPRIko Zuzendari Korporatiboa egon ziren.

Orain, K 2000 produkzio-etxearen eskutik, “Artículo 35” saioa martxan jarriko da ikus-entzunezko produktu gisa, eta, azkenean, ETBk jarriko du ikusgai. Gainera, proiektuaren egileak 4.000 euroko diru-saria du, bai eta diru-kopuru bereko beka bat ere, lau hilabetez enpresarekin batera lan egin dezan, bere ideia garatu ahal izateko. Epaimahaiko kideek proiektu honen originaltasuna eta bideragarritasun komertziala baloratu dute, batez ere.

Oraingoan, gainera, epaimahaiak sari berezia eman dio Ana Hormaetxeren (Getxo) “Protervo” proiektuari. Telefono mugikorretik ikusi ahal izango den fikziozko telesaila da, hain justu. Izan ere, EikenBANKen arduradunek modu positiboan baloratu dute aurreranzko urrats hori, formatu berrietara eta ikus-entzunezko edukiak kontsumitzeko modu berrietara (kasu honetan, telefono mugikor bidezko telebista) egokitzen diren eduki multimedietarako proposamena delako. Proiektu honen kasuan, Irusoin eta Orio Produkzioak enpresak arduratuko dira ideiaren garapen posiblea aztertzeaz.

EikenBANKen arduradunek ahalegin handia egin dute ekimena aurkezteko; izan ere, prestakuntza-zentroetako, zine-eskoletako eta ikus-entzunezkoekin lotutako zenbait titulazio unibertsitariotako ia bostehun ikasleri aurkeztu diete proiektua. Eikenek 2008an martxan jarritako programa berritzaile honen helburu nagusia da profesionala ez den talentu sortzailea aurkitzea eta talentu hori enpresekin harreman zuzenean jartzea, lankidetza horretatik produktu lehiakor berriak sortu daitezen Euskadiko Ikus-entzunezkoen sektorearen barruan.

Hain zuzen ere, enpresen eta talentuen arteko harreman zuzena sustatzeko asmoz, EikenBANKen sari-banaketan –atzo arratsaldean egin zen, EiTBren eraikineko Multibox Aretoan– Face to Face bat antolatu zen (F2F EikenBANK), finalistek aukera izan zezaten produkzio-etxeekin harremanetan jartzeko eta esperientziak trukatzeko.

EikenBANKek Klusterreko bederatzi enpresaren inplikazioa dauka: 3Koma, Baleuko, Canal Bizkaia, EiTB, Irusoin, Jarkatza, K 2000, Orio Produkzioak eta Pausoka dira enpresa horiek. Gainera, babes instituzional handia dauka; hain zuzen ere, Eusko Jaurlaritzako Industria eta Kultura sailek, Bizkaiko eta Gipuzkoako Foru Aldundietako Berrikuntza sailek, SPRIk, Bilboko Udalak eta BBKren Gazte Lanbidean Fundazioak babesten dute ekimena.

Instituzioek modu positiboan baloratu dute elkarren lehian aritzen diren enpresak –Euskadiko Ikus-entzunezkoen Sektoreko garrantzitsuenak– proiektu batean elkartu izana, profesionala ez den talentuaren aldeko proiektu bat bultzatzeko. Aurreko edizioan bezala, ekimenak EHU/UPVren, Mondragon Unibertsitatearen, Deustuko Unibertsitatearen eta EAEko Ikus-entzunezko Ikasketa Zentro eta Zine-eskola guztien babesa dauka.

Prentsa oharra

Sari horren bitartez, Bizkaiko Foru Aldundiaren Berrikuntza eta Ekonomi Sustapen Sailak Klusterrari aitortu egiten dio kudeaketaren, berrikuntzaren eta pertsonen arloan eginiko apustua.

Maiatzaren 20an, EiTBren (Eikeneko kide) Multibox Aretoan, Bizkaiko Foru Aldundiko Berrikuntza eta Ekonomi Sustapeneko foru diputatu Izaskun Artetxe izan zen buru Premie programan. Elkartze ekitaldi horretan, oroigarri plaka bana eman zitzaien kudeatze-sistema berritzaileen Premie diploma oraintsu eskuratu duten 80 erakundeei, bai eta eskuratu zutenetik hona hiru urte igaro ondoren berritu duten beste 50 erakunde baino gehiagori.

Berrikuntza eta Ekonomi Sustapen Sailaren programa horrek helburu nagusi bat du: ekarpena egitea, Bizkaiko enpresek kudeaketa sistemen gaineko gogoeta egin eta euren premien arabera hobetu ditzaten. Premie programak berme sendoa du: urte askotako ibilbidea egin du honezkero, eta erakunde askok ezarri dute. Izan ere, 15 urteko tartean, Bizkaian 1.000 erakundek baino gehiagok ezarri dute, eta euren kudeaketa sistemak hobetzen lagundu die.

Premie, Enpresen Berrikuntzarako Plan Integral berrira gehituko da. Plan hori laster abiaraziko dute, eta programa berean biltzen ditu sail horrek Bizkaiko enpresa txiki eta ertainen eskura jartzen dituen diru-laguntza eta laguntza guztiak, Bizkaiko enpresa-ehun osoaren barruan berrikuntza sustatzeko ematen dituenak.

Enpresen berrikuntzarako plan integral berriak kontuan hartuko ditu Premie programa berrikusten parte hartu dutenek aurkeztu dituzten 222 hobekuntza ideiak. Izan ere, berrikuste hori egun bizi dugun egoerara egokitzeko egin dute, 1.000 programatik gora ezartzen jasotako eskarmentua baliatzeko.

Donostiako Teknologi Elkartegian eta Zuatzu Parkean ikus-entzunezko profesionalentzako hizkuntzari eta bikoizketari buruzko lehen ikastaroa hasiko da, datorren ostiralean (maiatzaren 15a). Zikloa Eikenek, Euskadiko Ikus-entzunezkoen Klusterrak, bultzatu du Sektoreko profesionalen Prestakuntza Hobetzeko Plan Integralaren testuinguruan, eta Eusko Jaurlaritzaren Hezkuntza Sailak, Hobetuz-ek, Enpresa Digitalak eta Ibermaticak lagundu dute. 

Guztira 18 pertsonak parte hartuko dute 50 orduko iraupena izango duen ikastaroan. Bost modulutan banatuko da: itzulpen-egokitzea, hizkuntza-prosodiaren kontrola, ahotsa, praktikak gaztelaniaz eta praktikak euskaraz. Zikloak hamabi eguneko iraupena izango du eta ekainaren 20an amaituko da. Matrikulazio eskaera asko jaso direnez, irailean beste bat egingo da Bilbon.

Ikastaroaren helburu nagusia bikoizketaren kalitatea hobetzea izan arren, garrantzia emango zaie, halaber, alderdi soziolinguistikoei, bikoizketa hizketa zuzenaren probalekutzat hartuta. Horrez gain, bikoizketan euskalkien erabilera bultzatzeko moduak eta bikoizketari egokitutako konponbideak bilatuko dira, ikasleek ikasi eta bereganatu ditzaten.

Hizkuntza ereduen erabileraz gainera, ikastaroaren eduki nagusien artean bestelako alderdiak landuko dira, esate baterako, fonetika (bokalismoa, ahoskera, erdarakadak..), prosodia (azentua, erritmoa, intonazioa,…) eta ahotsa (kalitateak, jarrera, ezaugarriak, pertsonaiak sortzea,…). Ikastaroa sektorean ezagunak diren adituek emango dute, hala nola Lluis Comesek, Asier Larrinagak, Bettina Aragonek eta Gonzalo Abrilek.

EikenBANK programaren sustatzailea den Eikenek, Euskadiko Ikus-entzunezkoen Klusterrak,  proiektuak aurkezteko emandako epea joan den apirilaren 30ean amaitu zen. Epe horretan ikus-entzunezkoen arloan lana egiten ez duten gazte sortzaileek dokumentalak, lehiaketak, filmak, telesailak eta abar egiteko proiektuak aurkezteko aukera izan zuten. Ekimena kudeatzeko erabilitako web orriak 55 idei original jaso ditu, hau da, EikenBANKen lehen aldian aurkeztutakoak bi halako baino gehiago, iaz 27 proiektu aurkeztu baitziren.
 
Eikenek garatutako ekimen berritzaileenetakoa da EikenBANK. Bere helburu nagusia da profesionalak ez diren gazte sortzaileak Euskal Ikus-entzunezkoen Sektoreko enpresekin harremanetan jartzea, lankidetza horrek produktu berriak eta lehiakorrak eman ditzan.

Urtarrilean martxan jarritako bigarren edizio honek lehenengoaren egitura bera dauka, nahiz eta berrikuntza batzuk egin diren. Proiektua ekoizteaz eta 4.000 euroko saria jasotzeaz gainera, irabazleak beka bat jasoko du zenbateko berarekin, lau hilabetez ekoizpen etxe batean lana egiteko bere ideia garatzen. Hain zuzen, maiatzaren 2an ETB-2k “Pintxos” izeneko saioa estreinatu zuen. 3Koma enpresak ekoitzitako gastronomia saio hori Alazne Paramoren, 2008ko lehiaketaren irabazlearen, ideian oinarritzen da.

Eikenek, Euskadiko Ikus-entzunezkoen Klusterrak, positibotzat jo du bigarren aldi honetan programan izandako parte-hartze handia. “Kontua ez da ideia bat aurkeztea, seriotasunez garatutako proiektu bat baizik; 55 baino gehiago jaso ditugu eta horrek poz handia ematen digu” adierazi zuen Eikeneko zuzendari Itziar Menak. Horren harira, gogoratu zuen programa sektorea dinamizatzeko eta gazte sortzaileak eta enpresak harremanetan jartzeko helburua betetzen ari dela. “Iazko irabazlea ez ezik, finalera iritsi beste ziren biak ere lanean daude gure enpresetan” nabarmendu zuen Klusterraren arduradun nagusiak.

Urteko lehen hiruhilekoan EikenBANKeko arduradunek ia bostehun ikasleren aurrean aurkeztu zuten ekimena prestakuntza zentroetan, zinema eskoletan eta ikus-entzunezkoari lotutako unibertsitate tituluetan. Guztira 55 proiektu aurkeztu dira. Parte-hartzaile gehienak Gipuzkoako eta Bizkaiko gazteak dira, eta, besteak beste, lehiaketak, telebista saioak, film laburrak eta luzeak eta telesailak egiteko ideiak aurkeztu dituzte. Orain 3Koma, Baleuko, Canal Bizkaia, EiTB, Irusoin, Jarkatza, K 2000, Orio Produkzioak eta Pausokako kideek osatutako epaimahaiaren txanda da. Hilabete inguruan proiektu irabazlea jakinaraziko dute.

EikenBANK zenbakitan
EikenBANKeko bigarren aldi honetan 70 pertsonek sinatutako 55 lan jaso dira, eta 2008an 34 proiektu aurkeztu ziren. Parte-hartzaileen %44 bizkaitarrak dira, %36 gipuzkoarrak, %7 arabarrak eta %13 beste jatorri batekoak. Aurkeztutako 55 proiektuen artetik, gehienek, %25ek, dokumentalak egiteko ideiak proposatzen dituzte. Ondoren, proiektuen %16 film laburrak eta telebista saioak egiteko proposamenak dira, eta, azkenean, telesailak egiteko ideiek %15 hartzen dute. Realityak, magazineak eta film luzeak egiteko proiektu gutxiago aurkeztu dira.   

Datorren larunbatean, maiatzaren 2an, (Eikenen bazkide) "Pintxos" saioa estreinatuko du ETBk bigarren katean. 3 Koma etxeak (Eikenen bazkide) ekoitzi du gastronomiari buruzko saio hau, EikenBANKen lehenengo emanaldiko irabazle Alazne Páramoren proiektua oinarri hartuta.

Euskal Telebistak dena prest du 3Komaren (“El coro de la cárcel, “El calendario del año”…) saio berria, “Pintxos” saioa, estreinatzeko. Hala, larunbatero, pintxo jana egitera gonbidatuko gaituzte, beren taberna kutunak erakutsiko dizkiguten euskaldun ospetsuen laguntzaz. Ideia Alazne Páramo bilbotarrarena da; hain zuzen ere, telebista lehiaketa baterako proiektua (“¡Qué tendrá el pintxo!”) aurkeztu zuen berak EikenBANKen lehenengo emanaldian, eta hautatu egin zuten.

EikenBANK ekimena Klusterreko enpresek bideratzen dute, honako xede nagusi honekin: profesional gisa ari ez diren gazte sortzaileen talentua eta ikus-entzunezkoen sektoreko enpresak uztartzea, lankidetza horren bidez euskal ikus-entzunezkoen arloan proiektu lehiakorrak sortzeari begira. Ildo horretatik, lehenengo irabazleak aukera izan du 3Koman jarduteko eta bere ideiaren egokitzapenean parte hartzeko; izan ere, jatorrizko ideia lehiaketa baterako zen, eta behin betiko formatua gastronomia saioen esparruko denbora-pasarako formatu gisa plazaratuko dute.

Astero-astero, “Pintxos” saioa kalera aterako da, Euskadiko herri eta hirietako pintxorik bikainenen bila, betiere tradizioa eta berrikuntza uztartuta. Miniaturazko gure sukaldaritzaren sekretu ezkutuak erakutsiko dizkigute, eta aukera izango dugu ahamen bakarrean goza daitezkeen errezeta bikainak ezagutzeko. Hala, saioz saio, Euskadiko pintxorik onenen berri jaso eta, amaierarako, pintxo ibilbide “zaporetsuenen” mapa osatuta izango dugu.

Honako hauek dira lehenengo lau saioetako gonbidatuak: Peio Ruiz Cabestany txirrindularia (Donostiako Alde Zaharreko pintxoak); Toti Martinez de Lezea idazlea (Gasteizko Alde Zaharreko pintxoak); Barricada taldeko gitarrista Alfredo Piedrafita eta haren semea, Iker Piedrafita, Dikers taldeko abeslaria (Iruñeko pintxoak); eta Ion Fiz diseinatzailea (Bilboko Indautxu inguruko pintxoak).

EikenBANK 2009
Hain zuzen ere, apirilaren 30ean amaitu zen EikenBANK programaren bigarren emanaldirako proiektuak aurkezteko epea. Aurten, 50 proiektu aurkeztu dituzte; 2008an, aldiz, 27 izan ziren. Parte-hartzaile gehienak Bizkaiko eta Gipuzkoako gazteak dira, eta orotariko ideiak aurkeztu dituzte: lehiaketak, telebista saioak, film laburrak nahiz luzeak nahiz telesailak. Orain, epaimahaiari dagokio proiekturik onena aukeratu eta ekainean bere erabakiaren berri iragartzea; epaimahaia proiektuaren partaide diren enpresetako kideek osatuko dute (3Koma, Baleuko, Canal Bizkaia, EiTB, Irusoin, Jarkatza, K2000, Orio Produkzioak eta Pausoka).

Eiken-Euskadiko Ikus-entzunezkoen Klusterreko kideek apirilaren 29ean bilera izan zuten, Bilboko Merkataritza Ganbarako arduradun gorenekin eta -Washingtongo (AEB) Seattle hiriko DIGIPEN Institute of Technology ospetsuaren sortzaile eta lehendakariarekin-, Claude Comair libanoar enpresaburuarekin, Bilbon bideo jokoen diseinuan eta sorreran espezializatutako formazio zentro bat zabaltzeko asmoa dutenek. Eta, Eikenen aburuz proiektu hori sektoreari begira estrategikoa denez, bi erakundeen arteko lankidetza zehazteko egin zuten bilera, non Juan Luis Laskurain, Ganbarako Zuzendari Orokorra, eta Natxo Otalora, Ikasketa eta Planifikazio Zuzendaria parte hartu zuten, hazkunde nabarmena duen ikus-entzunezkoen arlo horretan profesional kualifikatuak edukitzeko aukera emango baitu proiektu horrek.

Bideo jokoen azpisektorea etengabe handitzen ari den negozio bat da, eta garapenerako ahalmen handia du, “ikus-entzunezkoen negozio berria” deritzonaren barruan; gaur egun, ordea, euskal ikus-entzunezkoen industriaren baitan ez du halako indarrik. Erresuma Batua, Alemania eta Frantzia dira arlo honetako europar ekoizle nagusiak, eta Espainia, berriz, bideo jokoen banaketan aritzen da, batik bat, nahiz eta denbora-pasarako aukera hauxe den jendartean eskari handienetakoa duena.  

                                 
 
Eikenek ikus-entzunezkoen arloko profesionalen formazio beharrei buruzko diagnostikoa egin zuen, orain dela ia bi urte. Azterketa haren helburua zen gaur egungo formazio sistemaren gabeziei antzematea, eta, aldi berean, merkatuak ezartzen dituen premia eta eskari berrien arabera profesionalek zer gaitasun landu beharko lituzketen zehaztea. Bideo jokoen diseinua eta sorrera, hain zuzen ere, formazio espezializaturik gabeko arloa da, hazkunde nabaria duen arren.

Hori dela-eta, Klusterrak eta, zehatzago, Enpresa Kudeaketaren eta Talentuaren Batzorde Estrategikoa osatzen duten enpresek interes handia izan dute, hasiera-hasieratik, DIGIPENen sortzailea buru duen proiektu honekiko. “Lehenik eta behin, adierazi zigun bideo jokoen azpisektorea garatu gabe zegoen toki bat nahi zutela, eta horixe da gure egoera, jarduera honetan ari diren enpresa gutxi baitaude hemen. Aldiz, ikus-entzunezkoen euskal sektorea oso ezaguna da, animazio lanengatik. Hala, bi ezaugarri horiek aldeko izan ditugu, eta itxaropen handia dugu ekimen honetan, lehiakortasunari begira onura ekarriko baitie gure enpresei”, azaldu du Itziar Mena Eiken-Euskadiko Ikus-entzunezkoen Klusterreko zuzendariak.

DIGIPENen historia
Denbora-pasen industriako lider handienen lankidetzarekin –Nintendo eta Microsoften lankidetzarekin, besteak beste– sortu zuen Claude Comairrek DIGIPEN, 1988an, Vancouberren (Kanada). Jatorrian, simulazio eta animazio enpresa bat zen, baina, sortu eta handik bi urtera, langile kualifikatuen premia zegoela ohartuta, 3Dko animazioko formazioa lantzen hasi zen. 1994an, bide jokoen diseinu, programazio eta garapenerako homologatutako munduko lehenengo eskola sortu zuen, eta, aurrerago, Industria Informatiko Interaktiboko lehenengo lizentzia. Handik gutxira, DIGIPEN Institute of Technology zentroa ireki zuten, Seattlen: eskola horrek 900 ikasletik gora ditu, eta, han eskaintzen den formazio espezializatuaren bidez, denbora-pasa interaktibo digitalen azpisektoreko enpresek eskatzen dituzten goren mailako estandarrak betetzeko ezagutzak eta trebetasunak eskuratzen dituzte ikasleek. DIGIPENek beste egoitza bat du Singapurren, eta Bilbon jarriko du Europako egoitza bakarra.

Bilboko Merkataritza Ganbararen prentsa oharra

Eiken-Euskadiko Ikus-entzunezkoen Klusterrak sustatu du ekintza komertzial hau, Eusko Jaurlaritzaren Kultura Sailarekin batera, zinema ekoizpenean jarduten duten enpresei laguntzeko asmoz.

Fikziozko ekoizpenean eta banaketan jarduten duten zortzi euskal enpresa nagusiek lehen aldiz parte hartuko dute, Basque Audiovisual izenarekin eta bere standarekin, Zinemaldiaren merkatu paraleloan, hau da, Marche du Film de Cannes delakoan, maiatzaren 13tik 22ra bitartean. Merkatuan izango diren enpresak hauek dira: Alokatu, Baleuko, Barton Films, Pausoka, Irusoin, Mixer, MediaBost eta Western Films.

2007ko urrian Ikus-entzunezko Sektoreko euskal enpresa nagusiek Canneseko MIPCOMen parte hartu zutenean –edukien mundu mailako merkaturik handiena–, elkar hartuta lehenengoz Basque Audiovisual marka pean, urrats handia eman zuten sektorearen nazioartekotzeari begira. Izan ere, negozio topagune horretan parte hartzea zen enpresek zuten eskari nagusietako bat merkatu berrietarako sarbidea errazteko.

Ondoren, Basque Audiovisualek bere presentzia sendotu du kanpoko merkatuetan MIPTV (Cannes) eta Sunny Side of the Doc (La Rochelle) merkatuetan izan baita, telebistan eta multimediako edukietan, eta dokumentaletan espezializatutako topaguneak. Datorren maiatzean urrats bat gehiago emango du Basque Audiovisualek, lehenengoz, Canneseko Zinemaldi ospetsuko Marché Du Film delakoan hartuko baitu parte.

Eiken–Euskadiko Ikus-entzunezkoen Klusterra izango da ekimen horretan aitzindaria Eusko Jaurlaritzaren Kultura Sailarekin batera. “Ekimen honen bitartez Eikenen Nazioartekotze Planeko helburu nagusiak betetzen ditugu, batetik, euskal Ikus-entzunezko azpisektoreei laguntza eskaintzea Basque Audiovisual markak izan duen arrakastaren ondoren eta bestetik, enpresen nazioartekotzea bultzatzea MIPCOM, MIPTV eta Sunny Side of the Doc merkatuetan”, azaldu du Eikeneko Zuzendari Itziar Menak.

Euskal ekoizpen etxeek Galiziako Ikus-entzunezkoen Klusterrarekin partekatuko dute erakusketa gunea, hain zuzen ere MIPTVren azken edizioan abian jarri zen lankidetza. Aurreko aldietan bezala, enpresek beren espazioa izango dute kontaktuak egiteko, baita ingelesez egongo den on-line katalogo bat ere (www.basqueaudiovisual.com) beren zeregin komertziala errazteko.

Eikenek sustatutako Animabasque-Businnes II. Animazioko Azokan parte hartu zuten enpresek oso balorazio ona eman diote foroari (7,5 puntu 10etik), batez ere, bezero potentzialekin harreman zuzen eta interesgarriak izateko aukera eskaintzen dielako.

Bilboko Euskalduna Jauregian egin zuten AnimabasqueBusiness bigarren azoka, martxoaren 26an. Azoka hori animazio edukiei buruzko nazioarteko foroa da, eta haren helburu nagusia da Euskadin sortutako animazio produktuei, nagusiki zinemari eta telesailei, merkatu berrietan sartzen laguntzea.

Animazio edukiak lantzen dituzten Dibulitoon, Xperimienta+Kaia, Baleuko eta Silverspace euskal enpresek aurkeztu zituzten beren proiektuak –garapen edo produkzio fasean–. Nazioko eta nazioarteko 50 bat profesional eta enpresa ere izan ziren bertan, besteak beste, Forma Animada, Deboura Deseños, Castelao Productions eta TVE enpresa nazionalak, eta Art Mell (Frantzia) eta Little Dragon eta Wonky Films (Britainia Handia) nazioarteko enpresak.

Eikenek jasotako datuen arabera, enpresek 10etik 7 puntu eman dizkiote beren itxaropenen betetze mailari, eta 8 puntu, foroaren beraren antolakuntzari. Gainera, aurkezpen eta bilera saioek iraupen egokia dutela uste dute. 

Era berean, inkestari erantzun diotenen %100ek parte hartuko lukete berriz ere azokan. Positibotzat jotzen dute atzerriko enpresak gonbidatzea, baita bakarkako aurkezpenak egiteko aukera izatea ere, eta harreman interesgarriak egiteko leku aproposa dela uste dute. “Silverspace enpresak akordioa egin du Kubako enpresa batekin eta, hain zuzen ere, azoka lehen aldiz egin zenean jarri zen harremanetan enpresa harekin”, azaldu du Itziar Mena Eikeneko zuzendariak.

Hala ere, foroko parte-hartzaileen ustez, bada zer hobetu, hainbat eremutan; esaterako, telebista eta broadcaster gehiago gonbidatzea garrantzitsua dela nabarmendu dute. 
 
AnimabasqueBusiness alderantzizko xede komertzialaren formatuan aurkeztu da; bertan, nazioarteko ekoizlekide eta bezero potentzialek enpresek hitzarmenak lortzearren aurkeztu dituzten eta produkzio fasean edo banatzeko dauden proiektuak ezagutzeko aukera izan dute. Beraz, azokak harreman zuzenerako espazioa jarri du enpresen eskura, eta profesionalek, ekoizleek eta banatzaileek agenda zehaztua izan dute, lanerako bost mahaien bidez, elkarrizketak eta topaketak egiteko.

Canneseko Palais des Festivals delakoaren pabiloi nagusian kokatutako Basque Audiovisualen standa jendez bete zen astelehenean, MIPTVren lehenengo egunean. Basque Audiovisualen erakusketa-espazioa bisitatu zuten profesionalen interes nagusia 3D teknologiadun pantaila ukigarri handia izan zen, zeinen bitartez aukera baitago standetik bertatik ibilbide birtuala egiteko eta Ikus-entzunezko Sektoreko euskal enpresak egunotan aurkezten ari diren ikus-entzunezko produktuak ezagutzeko (dokumentalak, animazioa, telebistako lehiaketak, multimedia...). 

Lehen aldiz, Basque Audiovisual markapean bildutako euskal enpresak 20 metro koadroko stand propioarekin ari dira parte hartzen azoka honetan. Standean, gainera, euren proiektuak erakusteko zenbait euskarri daude. “Enpresek bileretarako espazioak dituzte, bai eta pantailak ere, euren produktuak etengabe proiektatu daitezen. Pantaila ukigarria oso amu garrantzitsua da, inork ez daukalako antzeko ezer, eta benetan punta-puntako tresna ari delako izaten enpresen lana erakusteko”, adierazi zuen Eiken-Euskadiko Ikus-entzunezkoen Klusterraren zuzendari Itziar Menak.

Eikenen datuen arabera, lehenengo bi egunetan, publikoaren presentzia eta profesionalek gure enpresen edukiengatiko agertutako interesa konstante mantendu dira, baina, aurreko edizioekin konparatuta, jende-kopurua apur bat jaitsi dela sumatu da, ziurrenik gaur egungo egoera ekonomikoa dela eta. “Merkatua beste urte batzuetan baino ahulago egon arren, gure apustua irmoa da; izan ere, oraingo egoera ekonomikoan, estrategikotzat hartzen diren ekintzetan aritzen diren enpresak babestea ezinbestekoa da. Stand ona dugu, eta gure produktuen kalitateari esker, Euskadiko Ikus-entzunezkoa irudi ona ari da lortzen. Horrek lagundu egingo die enpresei, ziur”, esan zuen Itziar Menak.

Euskadiko ordezkaritza zenbait produktu aurkezten dituzten 12 enpresaz dago osatuta. Honako hauek, hain zuzen ere: 3Koma (“El calendario del año” lehiaketa), Audiovisual 21, Baleuko (“Black to the moon” animaziozko seriea), EiTB, Expressive, Jarkatza Media (“Elio Berhanyer, 50 years of fashion” dokumentala), K 2000 (“Pásalo” magazinea), Mediabost (“Mystical” abenturetako film luzea), Pausoka (“Goazen!” film musikala), Retelsat (itsaspeko dokumentalen serie bat aurkezten du), Somuga (“Around the world for free” animaziozko film luzea) eta Western Films (“Vivo México” naturari buruzko dokumentala).

Prentsa oharra

AnimabasqueBusiness azokaren bigarren edizioa martxoaren 26an egingo da, Bilboko Euskalduna Jauregian. Azoka hori animazio-edukiei buruzko nazioarteko foroa da, eta bere asmoa Euskadiko enpresek garatzen dituzten animaziozko produktuei babesa ematea da, merkatu berrietara heldu daitezen.

Hitzordu honetan Estatuko eta Estatutik kanpoko profesionalek eta enpresek hartuko dute parte. Hori horrela, antolakuntza harremanetan jarri da nazioartean izen handia duten sektoreko berrogeita hamar bat konpainiarekin, eta, dagoeneko, enpresa batzuek bertan egongo direla adierazi dute: besteak beste, Art Mell (Frantzia), Castelao Productions (Espainia) eta Little Dragon eta Wonky Films enpresa britainiarrek (azken horrek BBCrako eta Channel 4rako animazio-proiektu ugaritan hartu du parte). Gainera, TVE kateko haur sailen arduradunak ere jardunaldian egongo dira.  

Eikenek eta Barton Filmsek sustatutako ekimen hau Euskadiko Ikus-entzunezkoaren Klusterraren estrategiaren barruan dago; estrategia horrek ekintza integratuak gauzatzeko xedea dauka, merkatu berrietara jotzeko eta euskal enpresak nazioartera zabaldu ahal izateko. Gainera, “AnimaBasque-Business” ekimenak babes instituzional handia dauka. Besteak beste, Eusko Jaurlaritzaren eta Bizkaiko Foru Aldundiaren babesa du. Edizio honetan, gainera, Ikus-entzunezkoaren Klusterra eta UKTI, Britainia Handiak Bilbon duen Kontsulatuaren sail Komertziala modu berezian aritu izan dira lankidetzan, Euskadiko eta Britainia Handiko enpresen arteko lankidetza ahalbidetzeko asmoz.

Animaziozko edukiak lantzen dituzten Euskadiko enpresen artean, aurten, Dibulitoon, Xperimienta+Kaia, Somuga, Baleuko eta Silverspace enpresek euren proiektuak aurkeztuko dituzte –garapen edo produkzio fasean–. Denek ere ibilbide luzea egin dute animazioaren munduan, eta sari eta izendapen ugari jaso dituzte, ospe handiko ekitaldietan; esate baterako, Goya Sarietan. Era berean, Silverspace enpresa arabarraren “Perpetuum mobile” film laburra aurtengo Oscarretarako aurreaukeratu zuten, animaziozko film laburrik onenaren kategorian.

Informazio gehiago: Prentsa oharra
                               Aurkeztuko diren proiektuen zerrenda
                               Proiektuen inskripzio orria

Ia 20 metro koadroko standa instalatuko da Palais des Festivals delakoaren pabiloi nagusian, eta, Basque Audiovisual markapean, bertan bilduko dira Ikus-entzunezko Edukien eta Eduki Digitalen Nazioarteko Azokan (MIPTV) egongo diren hamabi euskal enpresak. Azoka hau munduko garrantzitsuenetakoa da arlo honetan, eta martxoaren 30etik apirilaren 3ra bitartean egingo da Frantziako Cannes hirian.

Euskadiko ordezkaritza honakoek osatuko dute: 3Koma, Audiovisual 21, Baleuko, EiTB, Expressive, Jarkatza Media, K2000, Mediabost, Pausoka, Retelsat, Somuga eta Western Films etxeek.

Eiken - Euskadiko Ikus-entzunezkoen Klusterraren eta Eusko Jaurlaritzako Kultura Sailaren (azken horrek sustatzen du ekimen hau) apustua enpresen lan komertziala erraztea zen, egoera hobean egin zezaten lan. Aldi berean, Euskadiko Ikus-entzunezkoa eta bertatik sortutako produktuak hobeto erakutsi nahi ziren, Basque Audiovisual markaren espazio bereizia erabiliz.

Gainera, oraingoan, Euskadi eta Galiziako ikus-entzunezkoen klusterren arteko akordioari esker, erkidego bi horietako enpresek elkartu egin dituzte euren espazioak, eta, ondorioz, sinergia komertzialak eta erakargarritasun-sinergiak sortu dira.

Prentsa oharra

V. Nazioarteko Animazio zinemaldia Animabasauri5-Animabasque dela eta, eta bigarren urtez, zinemaldi bera ordezkatuko duen kartela aukeratzeko II. Kartel lehiaketa antolatu da. Deialdian hamaika lehiakide parte hartu dute, eta aurtengo honetan Ivan Oneka getxotarraren kartela izan dugu irabazle.

Irabazleak 600 euroko saria jaso du, Basauriko Udalak emandakoa. Horrez gain animazio10 luzemetrai, eta 10 sarrera zinemara joateko, Barton Filmsen eskutik.

EIKENek lankidetza-akordioa izenpetu du gaur Zamudion Innobasque-Berrikuntzaren Euskal Agentziarekin; berrikuntza bultzatzea eta Euskadiko ekonomia eta gizartearen bigarren eraldaketa handiaren alde elkarlanean aritzea da helburua.

Hitzarmena Innobasqueko zuzendari nagusiak ─José María Villatek─ eta Eiken-eko zuzendariak ─Itziar Menak─ izenpetu dute; Euskal Ikus-entzunezkoen arloaren eraldaketa sustatzeko da, enpresa-lankidetzan oinarrituriko ekintza estrategikoen bidez, eta Berrikuntza da horien guztien zeharkako ardatza.

Gaur izenpeturiko akordioaren bidez, bai Eiken-ek eta bai Innobasquek buru-belarri lan egiteko konpromisoa hartu dute, euskal ekonomiaren eta gizartearen bigarren eraldaketa handi hau bultzatu eta garatzeko: Innobasquek, Euskadin Berrikuntza koordinatu eta bultzatzeko tresna delako; eta Eiken-ek, Euskal Ikus-entzunezkoen arloa sendotzeko eta bere enpresen lehiakortasunaren sustapenerako motor gisa.

Mezuak, estrategiak eta programak koordinatu eta bat etorrarazteko espiritu honekin, bi Aldeek koordinazioa bilatuko dute jarduera-esparru honetan gaitasuna eta erantzukizuna duten beste eragile batzuekin; berrikuntzaren sustapena ere bilatuko dute, indarrak batu eta erronka hau lortzera bideratutako ekintzak maximizatzeko: “Europan erreferente izatea berrikuntzaren arloan”.

Eiken-en eta Innobasqueren arteko hitzarmenean, sustapen- eta komunikazio-jardueretan elkarrekin parte hartzea sartzen da, baita beste edozein jarduera-ildotan ere berrikuntza, berrikuntzaren kultura eta ekintzailetza zabaltzeko, bai enpresen artean eta bai gizartean oro har.

Innobasque elkarte pribatua da, irabazi asmorik gabea, Euskadin eremu guztietan berrikuntza koordinatu eta bultzatzeko sortua, baita ekintzailetza-espiritua eta sormena sustatzeko ere. Agentziaren helburua Euskadiko ekonomian eta gizartean bigarren eraldaketa handia gidatzea da, eta gure Herria Europan erreferente bihurtzea berrikuntza-gaietan. Gaur egun Innobasquek 1.005 erakunde ditu, 1.010 lider ─enpresa, erakunde eta gizarte arloetakoak─ bere gobernu-organoen martxan inplikatuak. Halaber, Berrikuntzaren aldeko Euskal Itunak 101 erakunde ditu dagoeneko, palanka honen bidez beren helburuak bat etorrarazten dituztelarik berrikuntzari dagokionean.

Eikenek gazte sortzaileei zuzenduta dagoen EikenBANKen bigarren edizioa jarri du martxan.

Eiken – Euskadiko Ikus-entzunezkoen Klusterrak EikenBANKen bigarren edizioa jarri du martxan. Eikenen proiekturik berritzaileenetako bat da, eta sortzaile gazteen talentu ez-profesionala Euskadiko Ikus-entzunezkoen Sektorearen enpresekin harreman zuzenean jartzea da bere helburu nagusia, lankidetza horretatik proiektu lehiakor berriak sor daitezen. Era berean, EikenBANKen helburua sorkuntzarako talentua aurkitzea da, eta talentu hori Euskadin gera dadin lortzea.

Bigarren edizio honek lehenengoaren eskemari jarraitzen dio oinarrian, baina baditu nobedade batzuk ere. Proiektu irabazlea produzitzeko konpromisoaz eta 4.000 euroko diru-sariaz gain, proiektuaren titularrak zenbateko bereko beka bat jasoko du, lau hilabetez bere ideia garatuko duen produkzio-etxearekin batera lan egiteko. Gainera, aurten, EikenBANKek Euskadiko produkzio-etxeetako erreferentziako programetako gidoilarien lankidetza izango du; izan ere, prestakuntza-zentroei, zine-eskolei eta unibertsitateei egin beharreko informazio-aurkezpenetan hartuko dute parte.

EikenBanken arduradunek urteko lehenengo hiruhilekoan aurkeztuko dute ekimena, prestakuntza-zentroetako, zine-eskoletako eta ikus-entzunezkoekin lotutako zenbait titulazio unibertsitariotako ia bostehun ikasleren aurrean.

Aurreko edizioan bezala, programa honetan ikus-entzunezko proiektu originalen bat duten gazte sortzaileek har dezakete parte, baldin eta ez badaude edukien esparruko sektoreko enpresekin lanean edo lankidetzan, modu profesional eta jarraituan. Programaren oinarriak eta prozedura osoa webgune batean dago jasota, zeinen bitartez ekimen osoa artikulatuko baita (www.eikenbank.com).

Prentsa oharra

Aste honetan Eusko Ikaskuntzak argitaratutako “Euskonews” aldizkariaren 469. alean, Eiken-Euskadiko Ikus-entzunezkoen Klusterraren Zuzendaria Itziar Menari eginiko elkarrizketa luzea ageri da. Sektorearen gaur egungo egoera aztertzen du, besteak beste, enpresetako erronkak eta aukerak zehaztuz eta krisiaren ondorioz sortutako mehatxuak aipatuz.

“Eikeneko abiapuntua Ikus-entzunezko Sektoreari buruzko Liburu Zuria izan zen (…) Helburua zen ekonomia sektore indartsu gisa agertzea”, horrela hasten da elkarrizketa. Bertan, Eikeneko arduradun nagusiak Klusterrak lau urtean Euskal ikus-entzunezkoen sektore lehiakorra sendotzeko eginiko lana aletzen digu. 

Hasierako zalantzak eta “lehiakideen” artean lankidetzan aritzeko enpresen beldurrak gaindituta, Klusterra konfiantzako foroa da gaur-gaurkoan. “Lehiakideen arteko lankidetza hau elkarrekiko harremanari esker egin ahal izan da. 2004. urteko helburu nagusia elkarri ezagutzea izan zen. Jakina, enpresek elkarren berri zuten baina ez zituzten lankidetza aukerak ezagutzen. Ez zegoen foro bat guztion onerako ekarpenak egingo zituena” adierazi du Menak.

Horrez gain, enpresek elkarteari emandako konfiantzari esker, Eiken sektorearen solaskide bihurtu da erakundeen aurrean. Gaur egun, ikus-entzunezkoen sektoreak Eikenen bidez zabaltzen ditu ekonomia sektore gisa dituen mezuak. “Lehen ez zegoen horrelakorik, denboran honetan ordea, solaskidetzaren bidez, sektoretik urrun zeuden askotariko eragileen arteko hitzarmenak egin ditugu” argitu du.

Era berean, Eikeneko zuzendariak enpresen gidaritzaz arduratzen diren pertsonek izandako aldaketak aipatu zituen; izan ere, gaur egun, enpresako ikuspegitik, denontzako nagusi diren ekonomia ildoekiko konpromisoa hartu dute, norberaren interesak alde batera utzirik.

Itziar Menak baloratu egiten ditu iraultza digitalaren eta euskarri zein plataforma berrien bidez sortutako negozio aukerak eta berrikuntza testuinguruan lana egitearen garrantzia, enpresa trinkoak eta lehiakorrak lortzeari begira. Era berean, ekonomia krisiak enpresetan izango duen eragina arintzeko Klusterrek duten eginkizuna aipatzen du. “Krisiak gogor astindu du Espainia, eta hemen, EAEn, orain hasi da nabaritzen. Sektorera zertxobait geroago iritsiko da (…) Dena den, egoeraren irakurketa baikorragoa egin daiteke (…) ETB eta ekoizleen elkarteen arteko lankidetza akordio bat dago, Kultura Sailaren dekretu baten babespean. Dekretu horrek europar zinemari laguntzeko zuzentaraua betearazi nahi du. Horren arabera, telebista guztiek Europako obrak lagundu behar dituzte % 5aren bidez. Horrek jarduerari eta enpleguari eusten lagunduko du” adierazi du.

Elkarrizketa osoa: http://www.euskonews.com/0469zbk/elkar_eu.html

EikenBANK proiektuaren bigarren deialdia martxan dago. Urtarrilaren 15etik apirilak 30 bitartean, zure proiektua aurkeztu dezakezu EikenBANKeko web orrialdearen bitartez.

Aztertutako datuen arabera, aurreko urtean arrakasta handia izan zuen ekimenak. Orduko finalista asko eta asko eikenBANKen bazkide diren hainbat ekoizpen etxerekin lankidetzan ari dira gaur egun, eta aurreko urteko irabazle Alazne Páramok, 3Komarekin batera, dagoeneko  finkatua dauka ¡Qué tendrá el pintxo! saioaren egitura. EikenBANKen bigarren lehiaketa iazkoa baino are arrakastatsua izango den itxaropena dugu; beraz, iaz gogoz gelditu bazinen, ez ibili zalantzan eta has zaitez hurrengo deialdirako proiektua prestatzen!!

                                      www.eikenbank.com

Eikenek EiTBren kontrako atentatua salatu du eta adierazpen-askatasuna defendatzeko deia egin du.

Eiken, Euskadiko Ikus-entzunezkoen Klusterraren Zuzendaritza Batzarrak kidea den EiTBren kontrako atentatua publikoki gaitzetsi nahi du eta, aldi berean, bere elkartasun osoa adierazi nahi die pasa den abenduaren 31n Bilbon izandako erasoan kaltetuak izan diren gainontzeko komunikabideei (DEIA, Antena 3, Onda Cero, El Mundo, Marca eta Expansión), enpresei, erakundei, familiei eta gainontzeko hiritarrei.

Elkartasuna kaltetuentzat eta erabateko salaketa atentatu honen egileen kontra, eraso salagarri honekin edozein gizarte demokratikoan oinarri den adierazpen-askatusun printzipioa murriztea eta beldurtzea nahi izan dutelako. Komunikazioaren eta Informazioaren mundutik gertu dauden Eikenen batzarkideak diren enpresak bat datoz erosotuak izan diren enpresek esandakoarekin, hau da, tinko segituko dugula lanean giza eskubidea eta bizitza eskubidea bultzatuko dituen informazio librea eta egiazalea mehatxuek inondik inora muga ez dezaten. Izan ere, gizarte honen gehiengoak, behin eta berriro, eta, era guztietara, ETAri esan dio gure bizitzetatik desager dadila behingoz.

Azken asteotan enpresako zenbait forotan parte-hartzea eskatu zaio Eikeni, tradizionaltzat jotzen ez den ekonomia sektore batean “arrakastako kluster gisa” izandako esperientziaren berri emateko. Itziar Menak Lehiakortasunaren Institutuak antolatutako Microeconomics of Competitiveness ikastaroaren amaieran eta Euskadiko Biozientzien eta Nekazaritza eta Janarien industrien gaineko bi topaketatan parte hartu du.

Lau urteko jardueran eginiko lanari, jasotako esperientziari eta lortutako emaitza onei esker Eiken Klusterrak hiru foroetan parte hartzeko aukera izan du, bere arrakastaren berri emateko. Aintzat hartu behar dugu, gainera, ikus-entzunezkoen sektoreak ez duela zerikusirik ohiko ekonomia sektoreekin.

Eikeneko zuzendariak Euskal Nekazaritza eta Janariaren industrien eta biozientzien sektorearen topaketetan parte hartu zuen, arlo horietan ere kluster gisa eratzeko aukerak aztertzen ari direlako. Horrez gain, joan den abenduaren 18an Lehiakortasunaren Institutuak Mena gonbidatu zuen, Michael Porterren diseinuan oinarritutako Microeconomics of Competitiveness ikastaroaren amaierako ekitaldian parte hartzera.

Ekitaldi guztietan, Itziar Menak Klusterraren hasiera deskribatu zuen, “bidea irekitzeagatik” aurkitutako oztopoak azalduz. Aurkezpenaren zati handi batean, bost batzorde estrategikoen bidez enpresek eginiko lan trinkoari buruz hitz egin zuen, horri esker martxan jarri baitziren Sektorerako giltzarriak diren proiektuak (EikenBANK, EikenLEX, Basque Audiovisual, etb..).

Izan ere, denbora laburrean, Eiken sektorearen solaskide bihurtu da eta konfiantza giroa sortu du enpresen artean. Hain zuzen ere, lankidetza testuinguru horren laguntzaz lortu da Sektorerako Lehen Plan Estrategikoa egitea.

Estatuko eta nazioarteko erakundeen aurrean ordezkaritza izango duen elkarlanerako esparrua eta lan iraunkorreko sarea ezartzea erabaki zuten.

Eikenek – Euskadiko Ikus-entzunezko Klusterrak, Estatuko ikus-entzunezko Kluster guztiak bildu zituen (abenduaren 11n) Bilboko Euskalduna Jauregian, Sektorean berrikuntzaren bultzatzaile nagusi gisa betetzen duten lanaren inguruan jarduteko eta elkarlanerako puntuak identifikatzeko, horrela, Ikus-entzunezko Klusterren Sarea eratzeko. Izan ere, ekonomiak une honetan bizi duen atzerapen egoeran, Ikus-entzunezko enpresek bat datoz esaterakoan elkarlana “ezinbestekoa” dela, eta Klusterrak “gure enpresek behar duten bultzadaren abiapuntu izango diren oinarrizko tresna direla” azpimarratu zuen Juan Mari Gurrutxagak, Eikeneko – Euskadiko Ikus-entzunezko Klusterreko presidenteak.

“Ikus-entzunezko Klusterrak: berrikuntzarako eta lehiakortasunerako tresna” izenburupean, foroan hartu zuten parte, beste batzuen artean, Antón Reixak, Galiziako Ikus-entzunezko Klusterreko presidenteak; José Francisco Martínezek, Valentziako Ikus-entzunezko Klusterreko presidenteak eta Fernando de Garcillánek, Madrilgo Ikus-entzunezko Klusterreko presidenteak.

Parte hartu zuten Autonomia Erkidegoetako –EAE, Galizia, Katalunia (i2cat Fundazioa), Valentziako Erkidegoa, Madril, Extremadura, Andaluzia eta Balear Uharteak– arduradunek, Ikus-entzunezkoen Sektoreak bere aurrean dituen zailtasunei eta erronkei buruz aritzeko aukera izan zuten, eta beraien esperientziak trukatu zituzten, akordiorako gune zehatzak eta denen interesak identifikatzeko, horrela elkarlanerako nazio mailako sarea martxan jarri ahal izateko. Sare hori, ziurrenez, interneteko plataforma batean oinarrituko litzateke, baina, horrez gain, elkarlanean aurrera egiteko beharrezkoak diren ekimen berritzaileak, proiektuak eta programa zehatzak ere izango lituzke.

Ondorioak
Ikus-entzunezko Klusterren II. Foro honetatik klusterren arteko elkarlanerako esparrua finkatzeko konpromisoa sortu zen, alde batetik, estatu eta nazioarte mailako erakundeekin elkarrizketa sortzeko eta, beste alde batetik, lanerako sare iraunkorra martxan jartzeko. Horretarako, Bilbon bildu ziren arduradunek, erakunde-agenda koordinatuko duen eta eratuko duen eta informazioa, ezagutza eta berrikuntzarako agenda estrategikoak konpartitzeko sarearen garapena bultzatuko duen idazkaritza teknikoa eratzea planteatu zuten.

Halaber, bertaratutakoek konpromisoa hartu zuten elkarlanerako proiektu zehatzen garapena aztertzeko, gaur egun indarrean dauden finantzaketa lineez baliatuz (Avanza programa, Interreg…). Zehatzago esanez, Ikus-entzunezko Industriaren balio katea guztia bilduko duen eta elkarlanean oinarrituriko Ikus-entzunezko Sarearen garapena barruan hartuko duen normalkuntzarako batzorde teknikoa sortzeko aukera aztertuko da.

Klusterren arteko Foroa, iraupenerako duen asmoa dela eta, Valentzian bilduko da datorren urtean.

Prentsa Oharra

TB MUGIKORTASUNEAN FOROAREN HITZALDIAK HEMEN IKUSI DITZAZKEZU.

Hitzaldiak (orriaren bukaeran)

Abenduaren 2an, asteartean, Donostiako Miramon Parke Teknologikoan itzalaldi analogikotik eratorritako proiektu nagusietako baten inguruko eztabaida-jardunaldia egin zuten: telebista mugikortasunean.

Jardunaldia Gipuzkoako Aldundiaren Berrikuntzarako eta Jakintzaren Gizarterako Departamentuak antolatu zuen EIKEN Euskadiko Ikus-entzunezkoen Klusterrarekin, Vicomtechekin, Euskaltelekin, EiTBrekin eta Enpresa Digitalarekin elkarlanean. Jardunaldiei esker, ikus-entzunezkoen industriako eta komunikazioko teknologietan adituak direnek sektore berri horrek aurrean dituen etorkizuneko erronken inguruko eztabaida egin ahal izan zuten, telebista mugikortasunean, hain zuzen ere.
Zehazki, eta jardunaldi osoan eskainitako hitzaldien bidez, hara gerturatu zen jendeak sektorearen egungo egoera zein den ezagutu ahal izan zuen; horrez gain, ordea, euskarri mugigarrietan telebistaren etorkizunak biltzen dituen inkognita nagusiak ere ezagutu zituzten.  Hauek dira jardunaldian landu zituzten zenbait gai: araudi mailako erregulazioa, hartzeko gailu berriak, sareko operadoreen eta telebista-kateen posizioa, negozio-eredu posibleak eta edukien ezaugarriak teknologia digital berri horren aurrean berriz planteatzeko beharra, besteak beste.

Jardunaldi horietan telekomunikazioen eta edukiak sortzeaz arduratzen direnen sektoreko profesionalek, erakundeek eta enpresek hartu zuten parte eta horien artean hauek aipatu behar dira: Vodafone, Ericsson, Mediapro, Telefónica, Sogecable, Vicomtech, Eitb, Euskaltel eta Sofres, besteak beste.

Eusko Jaurlaritzako Industria, Merkataritza eta Turismo Sailak Euskadi+Innova ekimenaren bidez diseinatu dituen berrikuntza sustapenerako programetan, 6.500 enpresa baino gehiagok hartu dute parte.Horien artean Eiken- Euskadiko Ikus entzunezko klusterraren 10 enpresa  inguru aurkitzen dira (3Koma, Pausoka, Irusoin, Jarkatza, Mixer, Virtualware, Andonaingo Zine eta Bideo Eskola, G93, Gizer eta Erabi) eta erakundearteko ekimenen laguntza izan dute beren lehiakortasuna hobetu eta bultzatzeko eta lau enpresek jadanik Berrikutnza Agenda dute.

Era berean, Ikus-entzunezko Klusterrak bere lehenengo Sektoreko Berrikuntza Agenda da,  enpresa lankidetzaren bitartez epe ertainean aurrera eramango dituen proiektuak dituelarik.

 SPRIk "Berrikuntza Agendak" programan parte hartu duten enpresen 1.346 eskaera tramitatu ditu jada (abenduaren amaierarako 1.400 eskaerara iristea espero da). Horietatik %36,5 Gipuzkoako ETEak dira, %44 Bizkaikoak eta %19 baino zerbait gehiago Arabakoak.

Sektoreka ikusiz gero, %47 inguru industria eta fabrikazio sektorekoak dira, %7 baino zertxobait gehiago eraikuntza sektorekoak, eta gainerako %45,25a zerbitzuen sektorekoak. "Berrikuntza Agendak" programan izena eman duten enpresetan 43.000 langile inguru daude.

Programa desberdinetatik jasotako datuen arabera, ikus daiteke 2007ko iraileko aurreikuspenak gainditu egin direla. 2007an jarri zen abian, hain zuzen ere, Euskadi+Innova proiektua, hots, Administrazio, Aldundi eta Garapen Agentzien artean laguntza eta lankidetzaren alde egin den apustu handinahitsua.

Gainera, Bizkaia, Araba eta Gipuzkoako eskualdeetan 112 berrikuntza foro egin dira, non enpresetako 1.365 zuzendaritza-karguk eta erdi mailako arduradunek hartu duten parte. Foro horietan informazioa eman zaie ETEei erakundeek beren eskura jarri dituzten laguntzei buruz, berrikuntza proiektuekin has daitezen beren enpresetan.

Foro horiek antolatu dituen Innovanet Sarea eskualde eta udalerri txikietako enpresei aurkeztu zaie eta 1.200 zuzendaritza-karguk parte hartu dute bertan. Eusko Jaurlaritzak eta SPRIk 2007an jarri zuten abian sarea, Araba, Bizkaia eta Gipuzkoako Foru Aldundien, Confebasken, Eusko Ganberen, Tokiko Garapen Agentzien Elkartearen eta Garapenen laguntzarekin. Gaur egun 68 tokiko agente ditu, enpresako berrikuntza lagundu eta sustatzen dutenak.

Telebista Digital Berriaren barruan, Gipuzkoako Foru Aldundiko Berrikuntza eta Ezagutzaren Gizarte Departamentuak, Eiken-Euskadiko Ikus-entzunezkoen Klusterra, Vicomtech, Euskaltel, EiTB eta  Enpresa Digitalarekin batera, Donostiako Parke Teknologikoan foro bat egin zen, sektoreko profesional, enpresa eta erakundeei zuzenduta, itzalaldi analogikoaren ondoriozko proiektu handietako baten erronka berriak ezagutu eta horiei buruz hitz egiteko: telebista mugigarria.

Foroa 9.00etan zabaldu zen eta José Ramón Guridik eman zion hasiera, Berrikuntza eta Ezagutzaren Gizarteko Diputatuak. Gainera, Elena Gutiérrez, Berrikuntza eta Informazioaren Gizarteko Zuzendaria eta Juan Mari Gurrutxaga, Eiken – Euskadiko Ikus-entzunezkoen klusterreko Presidentea izan ziren.

Foroaren helburua egungo egoeraren hausnarketa eta analisia egitea zen. Horrela, bertaratu ziren enpresa eta profesionalek etorkizuneko lehenengo inkognitei buruz eztabaidatu zuten. Kasu askotan, puntu hauek definitzeke zeuden: Estandarren borroka, multiplex deritzanen erregulazio eta kudeaketa, sareko operadoreen posizioa eta TB kateak:Lehiakideak?, Merkaturatu diren azken terminalen papera edo teknologia digital berri horren aurreko edukien sortzaileen posizioa.  

Gainera, agendan, TB mugigarrirako negozio ereduak agertzen dira, baita erabiltzailearen onarpenerako beste aspektu garrantzitsu batzuk ere; hala nola, hartzailearen pantailaren tamaina, bateriak, estaldura edo publizitatea, guztiak oso garrantzitsuak poltsikoko telebistarako.

Informazio gehiago

Kalitatearen XIV. Aste Europarraren barruan, eta Euskalitekin lankidetzan, Eiken-Euskadiko Ikus-entzunezkoen Klusterrak “Euskadiko Ikus-entzunezkoa sendotzea. Konpromisoa kalitatearekin eta berrikuntzarekin” jardunaldia egin zuen azaroaren 20an Vitoria-Gasteizen, eta, bertan, instituzioetako arduradunak eta Euskadiko Ikus-entzunezko Sektoreko enpresaburuak bildu ziren. Foroaren buru Arabako Foru Aldundiko Berrikuntza eta Ekonomi Sustapeneko foru diputatu Arantza Zenarruzabeitia andrea izan zen.
 
Laugarren urtez jarraian, Eikenek helburu zehatz batekin antolatu zuen lan-jardunaldi hau; hain zuzen ere, ikus-entzunezkoen industriako enpresa guztiekin (handi zein txiki) batera gogoeta egitea, sektoreak kudeaketa eta berrikuntza jardunbideetan dituen erronkei buruz eta Klusterrak sektorearen lehiakortasuna hobetzeko eta sendotzeko daukan konpromisoari buruz.

Berrikuntza eta Ekonomi Sustapeneko arduradun nagusiak eskaera egin zien Ikus-entzunezkoen Sektoreko enpresei, kalitatean eta berrikuntzan oinarrituta egin dezaten lan, “Euskadin behar dugun bikaintasuna lortzeko”. Zentzu horretan, foru Institutizoak hartutako konpromisoa berretsi zuen, proiektu berritzaileen bitartez bikaintasuna lortzea helburu duten Sektoreko ekimenei laguntzeko. “Arabako Aldunditik, kalitatea gaindituta, bikaintasuna lortzeko egiten dugu lan; izan ere, gaur egun hori da gure erronka handia, eta, beraz, hor egongo gara, Euskadiko industriarentzat hain garrantzitsua den sektore bati, hau da, Ikus-entzunezkoaren sektoreari, lagunduz”, amaitu zuen.

Foroa Eikeneko presidente Juan Mari Gurrutxagak ireki zuen, eta une oro Ikus-entzunezko Sektore “berria” izan zuen hizpide. Bere hitzetan, sektore berri hori industriako beste edozein sektoreren parametroek arautzen dute, eta “kalitatea eta berrikuntza hartu ditu oinarrizko tresna gisa, gero eta globalizatuago dagoen merkatuan lehiakortasuna irabazteko”. Eikeneko presidenteak jakinarazi zuen Klusterreko enpresak beren lehenengo Berrikuntza Agenda ari direla prestatzen, eta, horren haritik, dagoeneko badaudela zenbait ekintza abian. “Mahai gainean zenbait proiektu ireki eta berritzaile ditugu. Proiektuok lankidetzan garatuko ditugu, hori baita gure lanaren oinarri nagusia”.

Oraingo honetan, Eikenek Klusterreko zenbait euskal enpresaren partaidetza lortu zuen. Horrela, bada, Araban kokatuta dagoen EUVE zentro teknologikoko zuzendari nagusi Pedro Hernández ez ezik, honakoak ere izan ziren jardunaldian: Mikel Aginako, Aginako Bideo Zinemako zuzendaria; David Mejuto, Localia Euskadiko zuzendari nagusia; eta Juan Carlos San Román, G93-ko zuzendaria.

Ostegunean Gasteizko Goiuri jauregian “Euskadiko Ikus-entzunezkoa sendotzea: konpromisoa kalitatearekin eta berrikuntzarekin” lelopean Eiken - Euskadiko Ikus-entzunezkoen Klusterrak urtero antolatzen duen kalitate jardunaldia ospatuko da. Ekitaldia  Arabako Foru Aldundiko Berrikuntza eta Ekonomi Sustapeneko diputatu Arantza Zenarruzabeitia andreak irekiko du.

Ekitaldian Eikeneko presidente Juan Mari Gurrutxaga jauna eta Vitoria-Gasteizko Udaleko Hezkuntza, Kultura eta Kiroletako zinegotzi Maite Berrocal andrea ere bertan izango dira. Jardunaldian, Eikeneko kide diren Pedro Hernandez, EUVEko Zuzendari Orokorra, Juan Carlos San Roman, G93-ko Zuzendaria, Mikel Aginako, Aginako Bideo-Zinemako Zuzendaria eta David Mejuto, Localia Euskadi-ko Zuzendari Orokorra, parte hartuko dute. 

Jardunaldia Eikenek antolatu du, Eusko Jaurlaritzako Industria, Merkataritza eta Turismo Sailaren, Arabako Foru Aldundiko Berrikuntza eta Ekonomi Sustapen Sailaren eta Vitoria-Gasteizko Udalaren lankidetzarekin. Irekia eta doanekoa izango da, eta Euskadiko Ikus-entzunezkoen Sektoreko ehun profesional inguru bilduko ditu.

Juan Mari Gurrutxaga EIKENeko presidenteak eta Jorge Arévalo irakasle eta Lanbide Heziketako sailburuorde ohiak ikerketa lan honen ondorioak aurkeztuko dituzte ostiral honetan (urriaren 31). Jorge Arévalok, hain zuzen, ikus-entzunezkoen sektorean dauden prestakuntza premiei buruzko azterlana egin du, Klusterrarekin lankidetzan.

Urriaren 31tik azaroaren 10era bitarte, Bizkaiko zinema eskolak ZINEBI GUNEAn bilduko dira, Euskadiko ikus-entzunezkoen sektoreko prestakuntzaren egoera aztertzeko, eta bertako ikasleen ekoizpen lan onenak aurkezteko.

Juan Mari Gurrutxaga EIKENeko presidenteak inaugurazio ekitaldian parte hartuko du, Jorge Arévalo irakasle eta ikerlan zein prestakuntza planetan adituarekin batera. Biek ere “Euskadiko Ikus-entzunezkoen Sektoreko gaitasun eta prestakuntza premiei buruzko azterlanaren” edukiak eta ondorio nagusiak aurkeztuko dituzte. 2007. urtean EIKENen ekimenez egindako azterlana da, hain justu. Enpresek zuzenean hartu dute parte azterlanean, eta Hobetuzek, Langileen Prestakuntzarako Euskal Fundazioak, bere onarpena eman dio.

EIKENek sustatuko azterlanak Sektoreari buruzko diagnostikoa ematen du, eta horretan diharduten profesionalek izan beharreko gaitasunak eta ezagutzak zehazten ditu. Baina horretaz gainera, profil profesional horiek lortzeko beharrezkoa den prestakuntzaren berri ematen du, zehatz-mehatz; eta horixe da azterlanak dakarren berrikuntza. Horretarako, Lanbide Heziketa Arautua aipatzen du batik bat, eta baita Etengabeko Prestakuntza eta Lanerako Prestakuntza ere (Enplegurako Prestakuntza).

Bilboko zinema eskolek (KINEMA, IMVAL, CLARO DE LUNA eta ARTEBI), Erandio-Tartangako GLHIk eta EHUko Arte Ederren eta Gizarte eta Komunikazio Zientzien fakultateek hartuko dute parte topaketa hauetan. Mahai inguru baten ondoren, ikasleek egindako film labur batzuk eskainiko dituzte.

Inaugurazio ekitaldian, halaber, Ibone Bengoetxea Bilboko Udaleko Kultura eta Hezkuntzako Zinegotzi Ordezkariak eta Luis Eguiraun ZINEBIko koordinatzaileak ere parte hartuko dute. Ekitaldi horixe izango da goizez egingo den bakarra; gainerako jardunaldietako emanaldi eta topaketa guztiak, aldiz, arratsaldez izango dira: 20:00etatik aurrera, ZINEBI GUNEAn.

Egunero zazpi eskola edo fakultateetako bat arduratuko da bere film laburrak eskaintzeaz. (Ostiralean, urriak 31: EHUko Gizarte eta Komunikazio Zientzien Fakultatea; astelehenean, azaroak 3: EHUko Arte Ederren Fakultatea; asteartean, azaroak 4: Erandio-Tartangako GLHI; asteazkenean, azaroak 5: ARTEBI; ostegunean, azaroak 6: CLARO DE LUNA; ostiralean, azaroak 7: IMVAL; eta astelehenean, azaroak 10: KINEMA). Emanaldi hauek guztiak doakoak izango dira.

EIKEN – Euskadiko Ikus-entzunezkoen Klusterrak, Euskal Herriko gainerako Klusterrekin elkarlanean, hitzarmena sinatu du SPRIrekin, ekimen berritzaileen bitartez enpresen lehiakortasuna sustatzeko aukera emango duten arloak definitzeko eta egitasmoak lantzeko. Hain zuzen ere, EIKENek hilabeteak daramatza Sektore Berrikuntzarako Agendan lanean.

Euskal Herriko Kluster guztiak buru-belarri ari dira lanean, nork bere sektoreko arlo estrategikoak ezagutzeko. Horrenbestez, aintzat hartu behar dituzte aurre egin beharreko erronkak, etorkizuneko joera teknologikoak eta erronka aurrera eramateko gaitasun eta ahalmenak.

Berrikuntza izango da, hain zuzen, egitasmo horien guztien ardatz nagusia; egitekoa, berriz, sektore bakoitzeko lehiakortasunerako banakako hobekuntza zein dagokion klusterraren hobekuntza kolektiboa sustatzea.

EIKENez gainera, honako hauek ere parte hartu dute egitasmo honetan: Hegan (aeronautika), Euskal Herriko Itsas Foroa, Uniport, Acicae (automobilgintza), AFM (makina-erreminta), Paperaren Klusterra, Acede (etxetresna elektronikoak) eta Gaia (informatika eta telekomunikazioak).

Kultura Sailburuak aurkeztuta, Miren Azkarate, Gobernu Batzordeak euskal ikus-entzunezkoen kanpo zabalpena zuzendutako EIKEN, Euskadiko Ikus-entzunezko Klusterrarekin elkarlana bideratzeko ohiz kanpoko laguntza onartu zuen asteartean (urriak 14).

Kultura sailak 60.000 euro luzatuko dizkio Klusterrari ikus-entzunezkoen kanpo zabalpena xede duten egitasmoak bideratu ditzan. Onartutako ohiz kanpoko laguntza Jaurlaritzaren Niniak egitasmoan elkartzen da ikus-entzunezko enpresen presentzia alorreko nazioarte mailako azoka eta ferietan bideratze aldera.

Kulturaren Euskal Planaren lan ildoen ondorioz, Kultura sailak ikus-entzunezko alorra garatzeko egitasmoak abian jarri ditu, horien artean alorren garapena eta euskal ekoizleen kanpo zabalpena bideratzea xede duten egitasmoak.

Ohiz kanpoko laguntza “Animabasque Business”, animazioko ekoizleen kanpo zabalpenera zuzendutako egitasmoari, “EikenBANK” gazteen egitasmoak eragitea xede duen egitasmoari eta MIPTV eta MIPCOM 2008 azoketan Basque Audiovisual markarekin pate hartzeari zuzenduko da. Hain zuzen egun hauetan hasi berria da Cannes-en MIPCOM azoka, mundu mailan ikus entzunezko alorreko merkatu nagusia.

EIKEN Klusterrari zuzendutako laguntza zuzen hau Jaurlaritzaren Niniak egitasmoari gehitzen zaio. Niniak egitasmoaren bitartez, Euskadin ekoiztutako ikus-entzunezko ekoizpena munduko merkatuetan presentzia eragitea du helburu, alegia, nazioarteko ikus-entzunezkoen merkatuan Euskadiko ekoizle eta enpresa banatzaile independenteen presentzia babesteko helburua du egitasmoak.

Eiken-Euskadiko Ikus-entzunezkoen Klusterreko presidente Juan Mari Gurrutxagak, Euskadiko 3Koma eta Orio Produkzioak (Eikeneko kideak) produkzio-etxeetako ordezkariekin batera, Gipuzkoako Ganberak sustatutako Faro Internacional 2008 topaketan hartuko du parte urriaren 15ean, Ikus-entzunezkoen Sektoreko enpresen nazioartekotzea ahalbidetzeko asmoarekin Klusterrak dituen ekintza-ildoak azaltzeko.

Zehatzago esanda, Eikeneko presidenteak Basque Audiovisual marka sortu zenetik Klusterrak izandako esperientziaren berri eman du; izan ere, hori da euskal ikus-entzunezkoaren marka atzerriko merkatuetan. Nazioarteko orientazioa duen foro honekin batera, aste honetan, Euskadiko 16 enpresak, Basque Audiovisual legez elkartuta, Cannesko (Frantzia) MIPCOM/08 azokan parte hartuko dute. Horren haritik, esan beharra dago MIPCOM ikus-entzunezkoen edukien munduko merkaturik handienetakoa dela.

Topaketan maila handiko hizlariak izango dira, eta zenbait mahai sektorial ere egingo dira. Ikus-entzunezkoen mahaian, 3 Komako produktore exekutibo Itxaso Atutxak eta Orio Produkzioak enpresako zuzendari nagusi Unai Ibarbiak hartuko dute parte. Mahaiaren helburua da Gipuzkoako enpresen eta sektoreko beste eragile batzuen topagunea izatea, betiere, formatuen sorrerari eta horiek atzerriko merkatuetan merkaturatzeari, enpresen arteko lankidetzari eta proiektu eragile berriei buruz eztabaidatzeko, besteak beste.

Eusko Jaurlaritzak eta Bilboko eta Donostiako udalek Ikus-entzunezkoaren nazioartekotzea babesten dute, SPRIren, Kultura Sailaren eta Film Commission direlakoen bitartez MIPCOMen izango duten presentziarekin.

Cannesko MIPCOMek, edukien merkaturik garrantzitsuenetakoak, ehunka enpresa bilduko ditu urriaren 13tik 17ra arte. Izan ere, enpresa horiek beren proiekturik berrienak aurkeztuko dizkiete mundu guztiko produkzio-etxe eta telebistei. Oraingo honetan, Espainia da herrialde gonbidatua, eta, “Focus on Spain” delakoan izango diren konpainien artean, Euskadiko 16 enpresa biltzen dituen Basque Audiovisual ere izango da.

Oraingo honetan, Eusko Jaurlaritzak eta Bilboko eta Donostiako udalek Euskadiko Ikus-entzunezkoaren nazioartekotzea babestuko dute, SPRI eta bi hirietan lan egiten duten Film Commission direlakoen bitartez MIPCOM 08 azokan izango duten presentziarekin. Basque Audiovisualek erabilera esklusiborako eremu bat dauka Riviera Hallen, bere produktuak ezagutarazteko erakusketa-gune batekin, bai eta merkataritza-akordioak sorraraz ditzaketen bilerak egiteko eremu bat ere. MIPCOM 08 azokan parte hartzen duten enpresak hauek dira: 3Koma, Baleuko, Canal Euskadi, Expressive, Flying Apple, Irusoin, Jarkatza, K2000, MediaBost, Pausoka, Mixer, Signo Digital, Somuga, Tentazioa, Western eta EiTB. 

MIPCOMen aurreko edizioan 105 herrialdetako 4.585 enpresak hartu zuten parte, eta, guztira, 5.000 milioi euroko transakzio komertzialak egin ziren. Duela hamarkada batzuetatik hona Ikus-entzunezkoen Sektoreko Euskadiko enpresak nazioarteko merkatu eta azoka nagusietan etengabe egon diren arren, Eiken-Euskadiko Ikus-entzunezkoen Klusterrak bere gain hartu zuen bere egitekoa indartzeko asmoa, Ikus-entzunezkoen sektoreko enpresen partaidetza bateratua ahalbidetuz, Basque Audiovisual izenarekin. Dagoeneko nazioarteko zenbait ekitalditan egon ondoren, marka hau finkatu egin da eta onarpen zabala dauka Euskadin egiten den ikus-entzunezkoen produktuaren nortasun-ikur gisa; era berean, sektorerako helburu komunak lortzeko bidean, enpresen lankidetza-gaitasunaren erakusgarri ere bada.

2007an Estatu espainoleko 245 enpresak hartu zuten parte Cannesko MIPCOM azokan. Horietatik, Basque Audiovisualek %7 osatu zuen, hau da, enpresa kopurua aintzat hartuta, hirugarrena izan zen, Madril eta Bartzelonaren atzetik. Bilbao eta Donostiako Film Comission direlakoez gain, 16 enpresa daude inplikatuta proiektuan; hori horrela, Basque Audiovisualek sendotu egin du sektoreko azokarik garrantzitsuenetakoan daukan presentzia.

Basque Audiovisual markak, gainera, on line merkataritza-katalogoa dauka Internet bidez (www.basqueaudiovisual.com); izan ere, joan zen urtean ikusi ahal izan zen tresna eraginkorra zela, batetik, aurretiazko kontaktuak ezartzeko, eta, bestetik, azokan lan-topaketak zehazteko balizko bezero eta kolaboratzaileekin.

Bizkaiko Teknologia Parkeko 45 enpresa eta erakundeetako ordezkariek atzo, irailaren 30ean, sinatu zuten Iraunkortasunaren aldeko konpromisoa. Horien artean, Eiken zegoen, Euskadiko Ikus-entzunezkoen Klusterra. Ekitaldia Zamudioko Parkean egin zen.

Dokumentua irakurri eta Bizkaiko Teknologia Parkearen gidaritzapean duela urte eta erdi sortutako Foroa aurkeztu ondoren, enpresa eta erakunde guztiei animatu zitzaien ekimenean parte hartzera.

Hasieran, Parkeko erakunde kudeatzaileak eta 13 enpresak eta erakundek osatu zuten Foroa. Atzo beste 31 elkartu ziren. 2007. urtean sortutako foroak funtsezko bi helburu bete nahi zituen; batetik, "Teknologia Parkearen garapen iraunkorra bultzatzea eta lortzea, denon parte-hartzearen bidez eta denon hobe beharrez"; eta bestetik, "zerbitzuak hobetzea eta zabaltzea enpresen, erabiltzaileen edo langileen beharrak aintzat hartuz".

Enpresa sinatzaileek, besteak beste, honako konpromiso hauek hartzen dituzte: "hobekuntza ekimenak bilatzea, garraioa, energia edo ingurumen arloan parkearen eta bere enpresen garapen iraunkorra sustatzeko; Bizkaiko Parkearen iraunkortasun egoeraren azterketa eta diagnosia egitea; iraunkortasunari dagokionez beste teknologia parke eta erakunde batzuekin lankidetza positiboa bultzatzea eta Foroak egiten dituen bileretan parte hartzea, jarduera arduratsuen gaineko esperientziak partekatzeko eta ingurumenaren kalitatea bultzatzeko".

Hasieran, Parkearekin batera, Bizkaiko Parkearen Iraunkortasuneko Foroa honako enpresa hauek osatua egon zen: Dinam, Euskaltel, Gamesa, Gaiker IK-4, Industria de Turbo Propulsores (ITP), Ingeteam, Itsasmendikoi, Labein, LKS Ingeniería eta Ondoan. Hasieratik egon ziren, halaber, Derioko eta Zamudioko udalak eta Txorierriko Behargintza. Atzo beste hogeita hamar bat enpresa sartu ziren. Eikenekin batera, SPRI, Biobasque edo Azti-Tecnalia bezalako enpresen atxikimendua nabarmendu daiteke.

Euskal ikus-entzunezkoak sendotu egin du bere presentzia Cannesko MIPCOMen, izan ere, 16 enpresa izango dira bertan, Basque Audiovisual-en elkartuta.

Guztira, Euskadiko Ikus-entzunezkoen Sektoreko 16 enpresak hartuko dute parte, berrogeita hamar profesional inguruk ordezkatuta, urriaren 13tik 17ra bitartean Cannesen (Frantzia) izango den MIPCOM azokan –edukien munduko merkaturik handiena-, berriro ere Basque Audiovisual marka bateratuarekin.  Produktuen katalogoaren barruan, Euskadin produzitutako formatu berri eta arrakastatsuenetako batzuk daude, bai entretenimenduko programei dagokienez, zein dokumentalei, animazioko programei, etab.

Duela hamarkada batzuetatik hona Ikus-entzunezkoen Sektoreko Euskadiko enpresak nazioarteko merkatu eta azoka nagusietan etengabe egon diren arren, Eiken-Euskadiko Ikus-entzunezkoen Klusterrak bere egitekoa indartzeko asmoa bere gain hartu zuen, Ikus-entzunezkoen sektoreko enpresen partaidetza bateratua ahalbidetuz, Basque Audiovisual izenarekin. Dagoeneko nazioarteko zenbait ekitalditan egon ondoren, marka hau finkatu egin da eta onarpen zabala dauka Euskadin egiten den ikus-entzunezkoen produktuaren nortasun-ikur gisa; era berean, sektorerako helburu komunak lortzeko bidean, enpresen lankidetza-gaitasunaren erakusgarri ere bada.

2007ko edizioan Estatu espainoleko 245 enpresak hartu zuten parte Cannesko MIPCOM azokan. Horietatik, Basque Audiovisualek %7 osatu zuen, hau da, enpresa kopurua aintzat hartuta, hirugarrena izan zen, Madril eta Bartzelonaren atzetik. Bilbao eta Donostiako Film Commission-ez gain, 16 enpresa daude inplikatuta proiektuan; hori horrela, Basque Audiovisual-ek sendotu egin du sektoreko azokarik garrantzitsuenetakoan daukan presentzia. Hona hemen Cannesera joango diren enpresak: 3Koma, Baleuko, Canal Euskadi, Digitalak, Expressive, Flying Apple, Irusoin, Jarkatza, K2000, MediaBost, Pausoka, Mixer, Signo Digital, Somuga, Western eta EiTB.

Hain zuzen ere, MIPCOM 08 ikus-entzunezkoen industria estatalaren berrikuntzan eta modernotasunean zentratuko da aurten, “Focus on Spain” delakoaren bitartez. Horren haritik, Estatuan egiten den produktuari buruzko ekitaldiak eta hitzaldiak antolatuko dira.

Basque Audiovisual markak, gainera, on line merkataritza-katalogoa dauka Internet bidez (www.basqueaudiovisual.com); izan ere, joan zen urtean ikusi ahal izan zen tresna eraginkorra zela, batetik, aurretiazko kontaktuak ezartzeko, eta, bestetik, azokan lan-topaketak zehazteko balizko bezero eta kolaboratzaileekin.

Hain zuzen ere, hil honetan promozio-kanpaina bat jarri da abian Internet bidez; izan ere, aurkezpen-mailing bat egingo zaie mundu guztian ikus-entzunezkoen sektorearekin zuzenean erlazionatuta dauden kontaktuei. Hori horrela, Basque Audiovisualen on line katalogorako sarbidea erraztu nahi da, bertan baitaude enpresa guztiak eta beraien lanen kontakturako datuak eta aurkezpenak. 

PROIEKTUA

Basque Audiovisual proiektuaren jatorria 2006an dago. Urte horretan, Eusko Jaurlaritzako Kultura Sailarekin lankidetzan, Eiken harremanetan jarri zen ICEXekin, Euskadiko Ikus-entzunezkoen Sektoreak azokan izango duen partaidetza pertsonalizatuko eredua definitzeko. Klusterraren helburua zen ikus-entzunezkoen sektorearekin erlazionatutako enpresa, erakunde eta organizazio ugariren presentzia ahalbidetzea MIPCOM azokan. Horrela, euren produktuak erakutsi eta kontaktu interesgarriak egin ahal izango zituzten, eta, era berean, Euskadiko Ikus-entzunezkoen Sektorearen irudia sendotu egingo zen, Cannesen marka eta espazio propio eta bereizia izanda.

Basque Audiovisualen aurkezpena, Euskadiko ikus-entzunezkoen industriak nazioartean izango duen marka legez, Cannesen izandako aurreko MIPCOM azokan egin zen. Enpresek balantze positiboa egin zuten; izan ere, merkataritza-akordioak itxi zituzten eta balio handiko kontaktuak egin zituzten beraien produktuak sustatzeko eta nazioartean zabaltzeko. Hortik aurrera, Basque Audiovisualek MIPTV 08 azokan parte hartu du, eta, joan den ekainean, genero dokumentalari buruzko nazioarteko azokarik handienetakoa den Sunny side of the Doc delakoan parte hartu zuen. 
 

ZENBAKITAN

MIPCOMen aurreko edizioan 105 herrialdetako 4.585 enpresak hartu zuten parte, eta, guztira, 5.000 milioi euroko transakzio komertzialak egin ziren. Aurtengo edizioan, Espainia da ohorezko herrialdea, eta, horri esker, enpresa eta eduki estatalak protagonista izango dituzten ekitaldiak eta hitzaldiak egin ahal izango dira.

Alazne Páramok sari nagusia irabazi zuen, pintxoen euskal ohituran oinarritutako lehiaketarekin. Sari banaketaren ekitaldia EiTBren egoitzan (Eikeneko kidea) ospatu zen uztailaren 1ean proiektua babestu duten erakunde publiko eta enpresen parte hartzearekin.

9 dokumental, 5 telesaio, 2 lehiaketa, reality 1, 2 magazin eta 8 film laburrerako aurkeztutako 27 ideia horietatik, pintxoen tradizioari buruzko taldekako lehiaketa bat izango da telebistako pantailetara helduko dena, Eikenen bazkide diren 3Koma produkzio-etxearen, Canal Bizkaiaren eta EiTBren eskutik. Alazne Páramo gazte bilbotarraren “¡Qué tendrá el pintxo!” saioak lortu du puntuaziorik altuena, ideiaren originaltasunagatik. Baina, batez ere, epaimahaikideek formatuaren bideragarritasun komertziala hartu dute kontuan. Gainera, irabazleak 4.000 euroko diru-saria eskuratuko du.

Azken botazioan, proiektu irabazleak beste sei finalistei hartu zion aurrea. Sei horietatik, lau dokumentalak ziren (“Bilbao Rock city”, “Insomnia”, “Udaberri galdua” eta “Cruce de caminos”), bat magazina (“Mendi bira”) eta beste bat film laburra (“Cintruénigo”).

Martxoaren hasieran, Euskadiko Ikus-entzunezkoen Klusterrak bere proiekturik berritzaileenaren lehenengo edizioa jarri zuen martxan: EikenBANK Klusterreko enpresetatik diseinatutako ekintza da, zeinen helburu nagusia baita talentu ez-profesionala Ikus-entzunezkoen Sektoreko enpresekin harreman zuzenean jartzea, lankidetza horri esker produktu lehiakor berriak sor daitezen Euskadiko ikus-entzunezkoen esparrutik. Honakoak dira ekintza honetan inplikatutako enpresak: 3Koma, Baleuko, Canal Bizkaia, EiTB, Irusoin, Jarkatza, K2000, Orio Produkzioak eta Pausoka.

EikenBANKen dinamika www.eikenbank.com webgunearen bitartez artikulatu da oso-osorik. Dinamika horren arabera, eman beharreko azken urratsa proiekturik onena aukeratzea zen, proiektu hori gero ikusleengana heltzeko EiTBren eskutik. Kasu honetan, “El Coro de la cárcel” edo “El calendario del año” saio arrakastatsuak sortu dituen 3Koma euskal enpresak produzituko du. Produkzio lanetan Canal Bizkaia ere arituko da lankidetzan.

Babes instituzionala
Eiken – Euskadiko Ikus-entzunezkoen Klusterrak sustatutako proiektuak babes instituzional handia dauka. Izan ere, Industria, Merkataritza eta Turismo Sailaren eta Kultura Sailaren bitartez, Eusko Jaurlaritzaren babesa lortu du, bai eta SPRIren, Bizkaiko eta Gipuzkoako Foru Aldundietako Berrikuntza Sailen eta Bilboko Udalaren babesa ere. Instituzioek modu positiboan baloratu dute elkarren lehian aritzen diren enpresak –Euskadiko Ikus-entzunezkoen Sektoreko garrantzitsuenak– proiektu batean elkartu izana, gazteak eta enpresak harremanetan jartzeko eta profesionala ez den talentuaren aldeko proiektu bat bultzatzeko.

Juan Mari Gurrutxagak, Mixer enpresako gerenteak, Ricardo González ordezkatu du Euskadiko Ikus-entzunezkoen Klusterraren presidentzian.

Eiken-Euskadiko Ikus-entzunezkoen Klusterrak 2007ko Jarduerei buruzko Urteko Txostena aurkeztu zuen atzo, bazkideen Batzar Nagusian; horrekin batera, bere Zuzendaritza Batzordea berriztatu zuen, lau urteko jardunaren ostean. Hala, Juan Mari Gurrutxagak, Mixer enpresako Zuzendari Gerenteak, elkartearen presidentzia hartu du Ricardo Gonzálezen ordez. Azken hori, K2000 ekoizpen-etxearen Gerentea, elkartearen presidentea izan da eratuz zenez geroztik, hots, 2004az geroztik.

Lehenengo eta bigarren presidenteordeak, berriz, Iñaki Eizmendi –Pausokako Zuzendaria- eta Karmelo Vivanco –Baleukoko Zuzendaria- izango dira, hurrenez hurren. Nobedade nagusia da 3Koma ekoizpen-etxea Zuzendaritza Batzordean sartu dela, Mixer enpresarekin batera.

Bazkideen Batzarrean aho batez onartu dira 2007ko kontuak eta aurtengo ekitaldirako aurkeztutako Jarduera Plana. Gainera, Eikenen zuzendari Itziar Menak kudeaketa txostenaren berri eman du eta 2007ko Urteko Txostena aurkeztu du.

Klusterrak ikus-entzunezkoen ekoizpenean diharduten 42 euskal enpresa nagusiak biltzen ditu, eta 2007an hogeita hamar ekintza estrategiko gauzatu zituen enpresen lehiakortasuna bultzatzeko eta merkatu berrietara iristeko aukerak errazteko. Lau urteko lan trinkoaren ostean, Eikenek bere sortzetiko helburu bat erdietsi du, alegia, konfiantza sortzea Euskal Ikus-entzunezkoen Sektorearen barnean eta hortik kanpo. Zuzendaritza Batzorde berriaren aukeraketarekin abiatu den ziklo berri honek indartu egin nahi du enpresen lehiakortasunaren aldeko bultzada, lankidetzaz baliatuz, berrikuntza etorkizuneko ekintza guztien zeharkako ardatza izanik.

INNOVA Lankidetza ekimenaren baitan –Zientzia eta Teknologiaren Planean sartuta (ZTP 2010)-, Eikenek Plan Estrategiko bat izateko beharrezkoak diren lanak egiteari ekin dio; horren bidez, sektorearen joerak eta erronkak definituko dira, eta baita enpresen behar konkretuak ere, bakoitzaren tipologiaren arabera; horrez gain, Sektorea Berriztatzeko Agenda egingo da, lankidetzaren alorrean abiatu behar diren berrikuntza proiektuak zehazteko.
 
 
  
 

Sortzaile gazteen ikus-entzunezko 27 proiektuk aukera izango dute modu profesionalean produzituak izateko, Eikenen programa berritzaile baten bitartez.

EikenBANK programa martxoan jarri zuen abian Euskadiko Ikus-entzunezkoen Klusterrak, Bizkaiko Foru Aldundiaren Berrikuntza Sailaren bultzada garrantzitsuarekin. Programaren helburu nagusia talentu sortzailea antzeman eta bertan mantentzea da.
Euskal Herrian dagoen mendi tradizioa, pintxoetarako zaletasuna, izu psikologikoa edo unibertsitateko bizitza dira aurkeztutako 27 proiektuotako gaietako batzuk. Egileak gazteak dira –gehienak, Ikus-entzunezkoen adarretakoren bateko ikasleak–, eta aukera dute modu profesionalean produzituak izateko, Eiken – Euskadiko Ikus-entzunezkoen Klusterrak sustatutako EikenBANK programaren barruan. Guztira 9 dokumental, 5 telesail, 2 lehiaketa, reality 1, 2 magazine eta 8 film labur daude, pantailan gauzatuak izan daitezen hautagai gisa. Erabakiaren berri ekainean emango da.
Martxoaren hasieran, Eiken – Euskadiko Ikus-entzunezkoen Klusterrak bere proiekturik berritzaileena jarri zuen martxan: EikenBANK bazkidetutako enpresetatik diseinatutako ekintza da, zeinen helburu nagusia baita talentu ez-profesionala Euskadiko Ikus-entzunezkoen Sektoreko enpresekin harreman zuzenean jartzea, lankidetza horri esker produktu lehiakor berriak sor daitezen Euskadiko ikus-entzunezkoen esparrutik. Era berean, EikenBANKen helburua da sorkuntzarako talentua bertan gera dadin lortzea.
EikenBANKek proiektu bat hautatu eta sarituko du, aurkeztu diren 27 lanetatik. Proiektu hori programan parte hartzen duten ekoizpen-etxeetakoren batek edo batzuek garatuko dute profesionalki. Azken urrats gisa, proiektua EiTBn emitituko da. Era berean, programa honetatik beste lankidetza osagarri batzuk sortu ahal izango dira sorkuntzarako talentuaren eta Euskadiko ekoizpen-etxeen artean. Honakoak dira ekintza honetan inplikatutako enpresak: 3Koma, Baleuko, Canal Bizkaia, EiTB, Irusoin, Jarkatza, K2000, Orio Produkzioak eta Pausoka.
Jatorrizko 25 proiektuen egileak 34 gazte dira; %65 Bizkaikoak dira, %21 Gipuzkoakoak eta %15 Arabakoak. Aurkeztu direnen %75 ikasleak dira; horietatik, %65 unibertsitateko ikasketak egiten ari da, eta gainontzeko %35a Lanbide Heziketan dago. Formatuei dagokienez, lanik gehienak, %45, publiko guztiei daude zuzenduta; %37 gazteei daude zuzenduta, eta 5 proiektu baino ez dira helduentzat.
Programa hau www.eikenbank.com webgunearen bitartez artikulatzen da, eta lehenengo deialdi hau ikus-entzunezko produktuetarako proiektu, gidoi, maketa edo pilotuetara dago zuzenduta (telebistako saioak; esate baterako, telesailak, lehiaketak, magazinak edo realityak, animazioko produktuak, dokumentalak, multimedia edukiak…), baldin eta EikenBANK programaren barruan egituratutako formularioaren arabera aurkezten badira. Hori horrela, programaren arduradunek proiektuen originaltasuna eta bideragarritasun komertziala baloratuko dute, batez ere.
“Guretzat, ideiaz betetako gazte pilo hau mugiarazi izana eta 27 proiektu aurkeztea lortu izana sekulako arrakasta da, izan ere, gainera, proiektu horiek ondo planteatuta eta egituratuta daude”, esan zuen Eikenen zuzendari Itziar Menak.
Programan parte hartzen duen ekoizpen-etxeren batek edo gehiagok modu profesionalean garatuko du proiektu irabazlea, eta, gainera, 4.000 euroko saria izango du. Gainera, EikenBANKek ateak zabalik uzten ditu, aurkeztutako beste proiektu batzuek ere aukera izan dezaten modu profesionalean garatuak izateko, EikenBANK babesten duten produkzio-etxeek hala erabakitzen badute. Izan ere, proiektua bera baino gehiago, Programaren asmoa da proiektuen atzean dagoen talentu sortzailea antzematea.
Eiken – Euskadiko Ikus-entzunezkoen Klusterrak sustatutako proiektuak babes instituzional handia dauka. Izan ere, Industria, Merkataritza eta Turismo Sailaren eta Kultura Sailaren bitartez, Eusko Jaurlaritzaren babesa lortu du, bai eta Bizkaiko eta Gipuzkoako Foru Aldundietako Berrikuntza Sailen, SPRIren eta Bilboko Udalaren babesa ere. Izan ere, instituzioek modu positiboan baloratu dute elkarren lehian aritzen diren enpresak –Euskadiko Ikus-entzunezkoen Sektoreko garrantzitsuenak– proiektu batean elkartu izana, profesionala ez den talentuaren aldeko proiektu bat bultzatzeko.
EikenBANKek beste zenbait babes ere baditu: BBK (Gazte Lanbidean Fundazioaren bitartez), UPV/EHU, Mondragón Unibertsitatea eta Andoaingo Zinema eta Bideo Eskolarena (Escivi). Hain zuzen ere, parte-hartzaile gehienak zentro horietatik datoz.

Eikenek britaniar legebiltzarkideen bisita jaso du; “sormen industriaren” ekarpen kulturala eta ekonomikoa ezagutzera etorri dira.

Eiken – Euskadiko Ikus-entzunezkoen Klusterrak britaniar legebiltzarkideen bisita jaso zuen, apirilaren 23an. Ordezkaritza ikertzen ari da globalizazioak Galesen, eta zehazkiago, Goi-Mailako Hezkuntzan duen eragina. Horretarako, ikus-entzunezko industriaren eta komunikabideen ekarpen ekonomikoa eta kulturala aztertu nahi dute, Euskadin eta Herrialde Katalanetan. Emaitzak Galeseko egoerarekin alderatuko dituzte.
Goizean, Ordezkaritzak bilerak egin zituen SPRI, Innobasque eta beste erakunde batzuekin. Ondoren, EiTBren Bilboko egoitzara joan ziren eta bertan Klusterrari eta batzordeetako jarduera nagusiei buruzko aurkezpena egin zitzaien. Aurkezpenean kide batzuek beren esperientziaren berri eman zuten, horien artean, Pausoka, 3koma, Expressive, Digitalak eta EiTB bera zeuden.
Ordezkaritzak interes handia erakutsi zuen sormen industriarekiko. Era berean,  Eikenek sorreratik martxan jarri dituen jarduerak eta proiektuak ezagutzeko jakinmina adierazi zuten legebiltzarkideek.

Eikenek Innobasqueren Sustapen eta Komunikazio lehen kontseiluan parte hartu zuen

Joan den apirilaren 16an, Innobasqueren Sustapen eta Komunikazio Kontseiluak lehen bilera egin zuen. Itziar Mena, Eiken – Euskadiko Ikus-entzunezkoen Klusterreko Zuzendaria, kontseiluko idazkaria da.
Topaketa egin da Berrikuntzaren Euskal Agentziaren Zuzendaritza Batzordeak lehenengo bilera egin eta hilbatera. Horregatik, hain zuzen ere, Kontseiluari Batzordean aztertutako gai nagusien berri eman zitzaion. Sustapen eta Komunikazio Kontseiluaren lehenengo bilera horretan, sei i-Taldeak martxan jartzeko plana zehaztu zen. Horren harira, Eikeneko zuzendariak Gizartean Hedatzeko eta Mobilizatzeko arloan parte hartuko du.
Besteak beste, ekimenak sustatzeko eta proposatutako programak eta proiektuak ongi bideratzeko helburuak finkatu dira. Halaber, komunikazio eta sustapen arloetan estrategiak bateratu nahi dira, gizartean eragin handia izateko eta Eraldaketa proiektuaren aldeko mobilizazio orokorra lortzeko .
Kontseiluaren hurrengo bilera ekainaren 19an egingo da; bertan, i-Taldeei buruzko aurre txostena eta Sustapen eta Komunikazio arloko Innosbasqueren 5 urtetarako plana aurkeztuko dira.

Euskadiko animazioaren industriak mundu osoko profesionalen aurrean aurkeztu ziturn bere proiektuak, Animabasque-Business Nazioarteko I. Azokan.

Eiken – Euskadiko Ikus-entzunezkoen Klusterrak, Barton Filmsekin (Eikenen bazkidea) batera, Ikus-entzunezkoen Sektorearen barruan erreferentzia nazionala izatera heldu nahi duen Merkatua sustatu du.
Apirilaren 24an, Bilboko Euskalduna Jauregian, Animazioari buruzko Nazioarteko Lehenengo Azoka egin zen. Bertan, zinemaren edota marrazki bizidunen produkzioan ari diren Estatuko enpresa nagusiak egon ziren erakusketari gisa; horietatik hiru Euskadikoak izan ziren. Gainera, nazioartean ospe handia duten produkzio-etxe eta banaketa-enpresetako hainbat adituk eta profesionalek hartu zuten parte foroan; besteak beste, BBC-Children etxeko Chris Rosek edo Magma World irlandarreko Moe Honanek.

“AnimaBasque-Business” izenburupean, Eiken – Euskadiko Ikus-entzunezkoen Klusterrak eta Barton Filmsek sustatutako nazioarteko azokak Eusko Jaurlaritzaren eta Bizkaiko Foru Aldundiaren babesa izan du. Azken horren kasuan, babesa Berrikuntza eta Ekonomi Sustapen Sailak kudeatzen duen Bultzatu Programaren bitartez heldu da, eta beraren titular Izaskun Artetxe diputatuak aurkeztu zuen foroa, Eusko Jaurlaritzako Industria Saileko Plangintza eta Estrategia zuzendaria den Borja Belandiarekin eta EIKENeko presidente eta K2000ko zuzendaria den Ricardo Gonzálezekin batera.

Azokaren helburu nagusia profesional, produktore eta banatzaileen arteko kontaktu zuzena ahalbidetuko duen espazio bat sortzea da, proiekzio-saioen eta lan-mahaien bitartez koprodukzio edo banaketarako akordioak lortu ahal izateko. Modu horretan, goiz osoan zehar, Estatu osoko hamar bat enpresak beraien animazio-proiektuak –garapen fase desberdinetan daude– aurkeztu zizkieten nazioarteko animazioaren arloan punta-puntakoak diren konpainietako arduradunei: Futurikon (Frantzia), Maur Film (Txekiar Errepublika), Magma World (Irlanda) edo BBC (Erresuma Batua) izan ziren konpainia horietako batzuk.

Animazioko edukiak lantzen dituzten Euskadiko enpresen artean, honakoek aurkeztu zituzten proiektuak: Karbo Vantas Entertainment (Eikenen bazkidea), “Ivan de Aldenuri, el bosque de los thaurroks” lanarekin; Baleuko (Eikenen bazkidea), “Black to the moon” filmarekin; eta Silverspace, “Perpetuum Mobile” obrarekin. Baleukok eta Silverspacek izendapenak jaso zituzten Goya Sarien azken edizioko animazio arloko zenbait kategoriatan, eta, gainera, sari ugari lortu dituzte aurreko edizioetan. Izan ere, Euskadiko animazioak aintzatespen garrantzitsuak lortu ditu Espainiako eta nazioarteko lehiaketetan; besteak beste, Cartoon Forumen.

Hain zuzen ere, animazio arloko AnimaBasauri IV-Animabasque nazioarteko jaialdiarekin bat etorriz (egunotan ari zen egiten Basaurin), topaketa komertzial hau antolatu zen. Antolatzaileek espero dute bertan akordio, koprodukzio eta atzerriko banaketarako hitzarmenak sinatu ahal izango direla, modu horretan euren lanei irteera emateko.

Eikenek eta Barton Filmsek sustatutako ekimen hau Klusterraren estrategiaren barruan dago; estrategia horrek ekintza integratuak gauzatzeko xedea dauka, merkatu berrietara jotzeko eta euskal enpresak nazioartera zabaldu ahal izateko. Eikeneko arduradunek konfiantza daukate AnimaBasque-Businnes Estatuko animazioaren merkatu nagusi legez finkatuko dela eta urteroko hitzordua bihurtuko dela, ezagutza, teknologia eta lan-metodologiak trukatzeko, Euskadiko animazioaren ikus-entzunezkoen industriarentzat.
2006an, animazioa Euskadiko ikus-entzunezkoen negozioaren %3,9 izan zen, ohiko zinemaren %32,9ren aurrean. Hala ere, haziz doan industria da, eta Euskadiko Ikus-entzunezkoen Klusterra osatzen duten enpresen artean, horietako %13ren jarduera nagusia da.

“El Calendario del año” bezalako formatuek edo “Black to the moon” animazioko film luzeak lortutako arrakasta komertzialak Euskadiko enpresek garatutako edukien kalitatea egiaztatzen dute

Cannesen telebistari buruzko munduko merkaturik handiena (MIPTV 08) ixtear dagoela, Eiken- Euskadiko Ikus-entzunezkoen Klusterrak, zeinak sektoreko enpresen partaidetza bateratua bultzatu duen Basque Audiovisual markapean, balantze positiboa egin du Euskadiko ikus-entzunezkoek nazioartean egin duten agerraldi berri honi buruz, izan ere, Basque Audiovisual marka atzerriko merkatuetan sendotu ahal izatea ahalbidetu du.

3 Koma produkzio-etxearen “El Calendario del año” bezalako formatuek edo Baleukoren “Black to the moon” animazioko proiektuak lortutako arrakastak enpresek garatutako edukien kalitatea egiaztatzen dute. Bestetik, enpresak beraiek dira nazioarteko merkatuetako interes-gune nagusiak, hedapen baliabide eta kanalak asko ugaltzen ari diren une honetan. Baliabide eta kanal horiek, izan ere, ideia originalak eta eduki interesgarri eta kalitatekoek eskatzen dituzte batez ere.

“El calendario del año” ETB 2 katean ikusi ahal izan zen, eta 3 Koma produkzio-etxearen formatu originala da. Produkzio-etxe horrek beste formatu arrakastatsu batzuk ere sortu zituen, hala nola, “El coro de la cárcel”. Azken lan hori Italia eta Norvegian ari da ekoizten, eta, MIPTV azokaren edizio honetan, Hego Afrikari ere saldu zaio.

“El calendario del año” lanarekin, produkzio-etxeak Cannesko nazioarteko azokaren aukera aprobetxatu zuen, esklusibotasun akordioak ixteko Norvegia, Italia, Finlandia, Danimarka, Grezia, Suedia eta Australiarako. Era berean, Baleukok hainbat kontaktu egin ditu “Black to the moon” izeneko animazioko film luzearen banaketan aurrera egiteko, izan ere, dagoeneko bermatuta dauka produkzioa. “Euskadiko animazioa arrakasta handiak ari da lortzen nazioartean; ez dugu ahaztu behar hizkuntza unibertsala dela, eta, beraz, sektorea nazioartean hedatzen lagundu dezakeela”, adierazi zuen Eiken- Euskadiko Ikus-entzunezkoen Klusterreko zuzendari Itziar Menak.

Sektoreko enpresa nagusietako hamar joan ziren Frantziara, MIPTV 2008 azokan parte hartzeko. Azoka astelehenean hasi zen eta gaur itxiko ditu ateak, datorren urtera arte. Ordezkaritza honakoek osatu zuten: 3Koma, Baleuko, EiTB, Expressive, Flying Apple, Jarkatza, K2000, Mediabost, Pausoka eta Vilaumediak. Enpresek informazio-gune propioa eta, erakusketari moduan, babes instituzionala izan dute Basque Audiovisualen bitartez; horrenbestez, kontaktu profesional interesgarriak egiteko aukera izan dute.


“Cannesen munduko alde guztietako 4.000 erosle inguru biltzen dira urtero, baina batez ere europarrak nabarmentzen dira (%68); ondoren, asiarrak eta iparramerikarrak datoz, %13rekin eta %12rekin, hurrenez hurren. Merkatu erraldoia da, zentzu horretan. Telebista arloko eskaria formatuetara eta animaziora bideratuta dago hein handi batean, eta, horretan, gure enpresek beren lekua aurkitu dute, izan ere, egiaztatu denez, eskaintzen dituzten produktuak eskari horretara egokitzen dira”, adierazi zuen Itziar Menak.

Eikenen helburua ikus-entzunezkoen sektorearekin erlazionatutako enpresa, erakunde eta organizazio ugariren presentzia ahalbidetzea zen. Horrela, euren produktuak erakutsi eta kontaktu interesgarriak egin ahal izango zituzten, eta, era berean, Euskadiko Ikus-entzunezkoen Sektorearen irudia sendotu egingo zen, Cannesen espazio propio eta bereizia izanda. Zeregin horretan, Eikenek eta Basque Audiovisualeko enpresek Kultura Ministerioaren, Eusko Jaurlaritzako Kultura Sailaren, Bilboko Kultura Sailaren eta Donostia Film Comissionen laguntza izan dute; hori horrela, sektorearekiko sinergia garrantzitsuak sortu ahal izan dira.

Cannesera joan diren enpresek hitzaldi eta lan-topaketetan hartu dute parte beste herrialde batzuetako produkzio-etxe eta banaketa-enpresekin, hala nola, Frantzia, Erresuma Batua, Alemania eta Austriakoekin, eta horiek guztiak Euskadin egindako edukiez interesatu dira batez ere. “Zalantzarik gabe, azoka mota honetan egiten diren kontaktuak maila handikoak izaten dira gehienetan. Egon beharreko azoka da”, adierazi zuen Eikeneko zuzendariak.

Azokari esker, Euskadiko Ikus-entzunezkoen sektorea Sektorearen errealitatearekin jarri da harremanetan, eta, batez ere, heltzeko dagoenarekin. Merkatu honetan, formatuek, plataforma anitzeko edukiek eta telebista kontsumoaren erabilera berriek (TVIP, mugikorrak, etab.) bereganatzen dute interesa.

Azokan, 13.000 profesional baino gehiago, 4.000 erakusketari baino gehiago eta beste horrenbeste erosle biltzen da. Hori horrela, MIPTV munduko nahitaezko azoketako bat da, eta, beraz, Euskadiko enpresen nazioartekotzea bertara bideratu behar da, Ikus-entzunezkoen arloko edukiei, fikzioari, animazioari eta digitalizazioarekin zein teknologia berriekin zerikusia duten euskarri berriei dagokienez.

Bilboko Euskalduna Jauregian, animazioari buruzko nazioarteko foroa izango da apirilaren 24an. Animazioko edukiak lantzen dituzten euskal enpresen artean, beraien sorkuntza-lanak aurkeztuko dituzte Irusoinek, KV Entertainment konpainiak (Eikeneko kideak) “Ivan de Aldenuri, el bosque de los thaurroks” proiektuarekin, edo Baleukok (Eikeneko kidea), “Black to the moon” izenekoarekin.
www.animabasauri.com

Animazioari buruzko nazioarteko foroa Euskadin egindako animazioak merkatu berrietara jotzeko aukera zabaltzeko asmoz egiten da. Hitzordu honetan Estatuko eta Estatutik kanpoko profesionalek eta enpresek hartuko dute parte. Hori horrela, antolakuntza 70 konpainia baino gehiagorekin jarri da harremanetan, eta, besteak beste, bertan egongo direla adierazi dute Futurikon eta Planet Nemo (Frantzia) enpresek, Cineanimadores txiletarrak edo Txekiar Errepublikako Maur Film konpainiak.

“AnimaBasque-Business” izenarekin, nazioarteko merkatu honek, besteak beste, Eusko Jaurlaritzaren (Lehendakaritzaren bitartez) eta Bizkaiko Foru Aldundiaren (foru erakundeko Berrikuntza eta Ekonomi Sustapen Sailak kudeatutako Bultzatu programaren barruan) laguntza dauka.

Basauriko animazio jaialdiarekin bat eginez, eta Korea izanik herrialde gonbidatua, foro formatu gisa aurkeztutako animazioaren azoka hau antolatu da. Bertan, nazioarteko produkzio-etxeek eta banatzaileek hartuko dute parte, eta produkzioan dituzten edo banatzeko zain dauden proiektuak erakutsiko dituzte. Modu horretan, akordioak, koprodukzioak eta atzerrirako banaketak lor daitezke, lan horiei irtenbidea eman ahal izateko.

Azokak harreman zuzenerako espazio bat ahalbidetuko du, profesional, ekoizle eta banatzaileen arteko elkarrizketa eta topaketekin, lan-mahaien bitartez. Nazioarteko animazioan sona handia duten pertsonak ere egongo dira hitzordu honetan; besteak beste, Philipp Le Clerc zuzendari frantziarra.

Eikenek eta Barton Filmsek sustatutako ekimen hau Klusterraren estrategiaren barruan dago; estrategia horrek ekintza integratuak gauzatzeko xedea dauka, merkatu berrietara jotzeko eta euskal enpresak nazioartera zabaldu ahal izateko.

Eikeneko arduradunek konfiantza daukate AnimaBasque-Businnes Estatuko animazioaren merkatu nagusi legez finkatuko dela eta urteroko hitzordua bihurtuko dela, ezagutza, teknologia eta lan-metodologiak trukatzeko, Euskadiko animazioaren ikus-entzunezkoen industriarentzat.

Euskadiko Ikus-entzunezkoen Klusterrak 2007. urtearen erdialdera jarri zuen abian EikenLEX ataria (www.eikenlex.net). Web gune juridiko irekia eta kontsultatzeko erraza da, eta Ikus-entzunezkoen Sektoreari buruzko informazioa nahiz aholkularitza juridiko espezializatua eskaintzen ditu. Denbora horretan ehunka pertsonak jo dute web gunearen edukietara.

EikenLEX atariaren bitartez, edonork kontsulta ditzake indarreko araudiaren gaineko laburpen zehatza, Ikus-entzunezkoari eragiten dioten legegintzako nobedade berri eta interesgarrienak eta etengabeko bilakaera prozesuan dagoen sektore berri honi buruzko bestelako informazio interesgarriak.

Gainera, EikenLEXek eremu mugatu bat ere badauka, Klusterreko bazkideentzat bakarrik; bertan, bazkideek aholkularitza tekniko-juridiko arin eta berehalakoa jaso dezakete, ohiko jardunean aurkitzen dituzten arazoak konpontzeko. Klusterreko enpresei eskainitako zerbitzu hau doanekoa da kontsulta errazetarako, eta elkartearen hastapenetik planteatutako ekimen bat zen.

Klusterreko kideei balio erantsia daukan zerbitzua eskaintzeko helburuarekin sortutako zerbitzuak, gainera, prestakuntza espezializatua eskaintzen du, sektorearekin zerikusia duten lege-alderdien ikerketaren barruko proiektu eta jardueren garapenean lankidetza eskaintzen du, eta gai zehatzei buruzko aholkularitza juridikoa ematen du.

Berrikuntzaren Euskal Agentziaren Zuzendaritza-Batzordea lehen aldiz elkartu zen joan den martxoaren 13an. 454 euskal liderrek osatzen dituzte Innobasque-ren Aginte-Organoak. Itziar Mena, Eikeneko zuzendaria – Euskadiko Ikus-entzunezkoen Klusterra- Promozio eta Komunikazio Kontseiluaren idazkaritzan dago.

Innobasque-ren Zuzendaritza-Batzorde berria lehen aldiz martxoaren 13an elkartu zen, urtarrilaren 31an Aginte-Organoen hautaketa burutu eta gero. Pedro Luis Uriarte Innobasque-ko Presidenteak zuzenduta.
Zuzendaritza-Batzordean EAE-ko gizarte, enpresa, zientzia, teknologia eta erakunde esparruetako 40 pertsonalitatek parte hartzen dute. Aipatutako hauez gain, Batzordearen bileran parte hartu dute halaber, batetik Innobasque-ren Batzorde Eragiletako goi-karguek; Gizarte-Berrikuntza; Berrikuntza Teknologikoa; Enpresa-Eraldaketa; Berrikuntzaren Euskal Sistemaren Nazioartetzea; Ekintzailetza; Sustapen eta Komunikazioa; Gipuzkoa Berritzen eta Euskalit-eko arduradunek eta bestetik, Batzorde hauetako kide nabarmen diren beste batzuek.

Zuzendaritza Batzordearen lehenengo batzar honekin Berrikuntzaren Euskal Agentziaren Gobernu organoen lana hasten da. Hurrengo asteetan zehar sei Batzordeak bilduko dira, beraien funtzioak eta proposamenak Batzordean akordatu zirelarik. Batzorde bakoitzak “i-Talde” deituriko lantaldeak osatuko dituzte. Hauetan sei Batzordeak integratzen dituzten buruzagiak egongo dira. “i-Talde”ak dagokion jarduera eremuetan dagoen aktibitatea monitorizatzeko arduradunak izango dira.

100 programa baino gehiago

Bizkaiko Teknologia Elkartegiko Auditorioan egin zen bilera eta bertan, Pedro Luis Uriartek eta Zuzendari Nagusia Jose Maria Villatek “2008-2008 berrikuntza-ildoak” izenburuko agiria aurkeztu zieten Batzordeko kideei; bertan jasotzen dira epe honetan Innobasque-k bultzatu eta garatuko dituen jarduera-ardatzak eta proiektuak, 100dik gora programatan gauzatuko direnak.

Horrez gain, Innobasque Proiektuaren gaur egungo egoera ere zehatz-mehatz aztertu zuten; une honetan 459 erakunde bazkide ditu Innobasque-k, urtarrilaren 31tik hona 54 elkartu direlarik. Abenduaren 31an 1.000 bazkidetik gora izateko helburua ezarri da. Ezarritako helburuak lehen urte honetan bete eta gero, Innobasque-k 7,5 milioi euroko aurrekontua izango du.

Bileran, bestalde, Zuzendaritza-Batzordeak arloetako Batzordetan sartuko diren 35 eskaera berri onetsi zituen, guztiak ere perfil eta maila gorienekoak, eta horrenbestez, urtarrilaren 31an aurkeztutako egitura sendotu eta indartu egin da. Horiekin, bada, 454 euskal liderrek osatzen dute Innobasque-ren Aginte-Organoen ehundura.

Bestetik, Batzordearen esku jarri zen ere “Berrikuntzaren Euskal Agentzia Birtualaren” proiektuan egin diren aurrerapausoen berri. Hain zuzen ere, Innobasque-ren lana aurrera eramateko erabiliko diren sei eraldaketa-palanketako bat da aipatu egitura hau, bertako eragile berritzaileak elkarlanean jarduteko sarea baita. Gaur egunera bitarte, 6 erakundek onartu dute beren helburuak Innobasque-renekin lerratzea Agentzia Birtualaren bidez. Horretarako burutu dira ondokoak: 3 integrazio-hitzarmen (Saretek, Ezagutzaren Klusterra eta Eurobulegoa), Federazio-akordio bat (Euskalit, Batzordearen bileran parte hartu duena) eta bi Aliantza Estrategiko (Ikerbasque eta Eusko Ikaskuntza). Datozen asteotan era desberdineko beste 20 hitzarmen gauzatuko dira, une honetan negoziazio-fasean daudenak. Proiektu honen helburua da urtea amaitzerako 100 erakunde izatea sare-lanean Agentzia Birtualaren baitan.

Horrez gain, bete eraldaketa-palanka baten garapenean ere lanean hasi da Innobasque: Berritzaileen Euskal Komunitatea sortzen, hain zuzen. Bertan 5.000 lagunetik gora elkartzea espero da, nork bere lanaren ekarpen boluntarioa egiteko, horrela Innobasque-ren sorrera-asmoari laguntzeko: Euskadi Erreferente nagusi izatea Berrikuntzan Europan.

Zuzendaritza-Batzordearen bileran aztergai izan zen “2008: Berrikuntza Urtea Euskadin” proiektuaren garapena.
Horren helburua da euskal gizarteak berrikuntzarekiko duen interesa eta sentiberatasuna areagotzea, eta era guztietako ekimenak sustatzea, bere presentzia ekonomia, gizarte, unibertsitate, zientzia eta teknologiaren eremu guztietan indartzeko.

Eikenek Euskadin profesional ez den talentua identifikatu eta bertan mantentzeko asmoa duen proiektu berritzailea martxan jarri du. Egitaraua hautagaiak www.eikenbank.com webgunearen bitartez aurkeztuko dituzten lanen aukeraketa baten inguruan egituratuko da.

Eiken – Euskadiko Ikus-entzunezkoen Klusterrak bere proiekturik berritzaileena jarri du abian. Klusterraren kudeatzaileek eta bazkidetutako enpresek gogo handia izan dute proiektu hau martxan jartzeko, Elkartea duela lau urte sortu zenetik. EikenBANK bazkidetutako enpresetatik diseinatutako ekintza berritzailea da, zeinen helburu nagusia baita sortzaile gazteen talentu ez-profesionala Euskadiko Ikus-entzunezkoen Sektoreko enpresekin harreman zuzenean jartzea, lankidetza horri esker produktu lehiakor berriak sor daitezen Euskadiko ikus-entzunezkoen esparrutik. Era berean, EikenBANKen helburua da sorkuntzarako talentua Euskadin gera dadin lortzea.

Programa honetan, ikus-entzunezko proiektu originalen bat duten gazte sortzaileek har dezakete parte, baldin eta ez badaude edukien esparruko sektoreko enpresekin lanean edo lankidetzan, modu profesional eta jarraituan. Programaren oinarriak eta prozedura osoa webgune batean dago jasota, zeinen bitartez ekimen osoa artikulatuko baita (www.eikenbank.com).

EikenBANKek proiektu bat hautatu eta sarituko du, eta proiektu hori programan parte hartzen duten ekoizpen-etxeetakoren batek edo batzuek garatuko dute profesionalki. Azken urrats gisa, proiektua EiTBn emitituko da. Era berean, programa honetatik beste lankidetza osagarri batzuk sortu ahal izango dira sorkuntzarako talentuaren eta Euskadiko ekoizpen-etxeen artean. “Ikus-entzunezko produktu bat garatzeak oso ahalegin ekonomiko handia eskatzen du. Helburua da talentua edo sormena aurkitzea, eta daukan ideia hori egia bihurtzeko aukera ematea; gainera, bere produktua profesionalekin batera gainbegiratu ahal izango du. Proiektua bera baino, gehiago bilatzen dugu pertsona; izan ere, pertsona horiek Euskadiko ikus-entzunezkoen sektorearen barruan mantendu nahi ditugu”, azaldu zuen Eikenen zuzendaria den Itziar Menak.

Bideragarritasun komertziala
EikenBANK irekita dago ikus-entzunezko produktuetarako proiektu, gidoi, maketa edo pilotuetara (telebistako saioak; esate baterako, telesailak, lehiaketak, magazinak edo realityak, animazioko produktuak, dokumentalak, multimedia edukiak…), baldin eta EikenBANK programaren barruan egituratutako formularioaren arabera aurkezten badira. Hori horrela, programaren arduradunek proiektuen originaltasuna eta bideragarritasun komertziala baloratuko dute, batez ere.

Programan parte hartzen duen ekoizpen-etxeren batek edo gehiagok modu profesionalean garatuko du proiektu irabazlea, eta, gainera, 4.000 euroko saria izango du. Gainera, EikenBANKek zabalik uzten ditu ateak, aurkeztutako beste proiektu batzuek ere aukera izan dezaten modu profesionalean garatuak izateko, baldin eta ekimen honetan inplikatutako ekoizpen-etxeek hala erabakitzen badute. Hauek dira enpresa horiek: 3Koma, Baleuko, Bilbovision, Canal Bizkaia, EiTB, Irusoin, Jarkatza, K2000, Orio Produkzioak eta Pausoka.


Babes instituzionala
Eiken – Euskadiko Ikus-entzunezkoen Klusterrak sustatutako proiektuak babes instituzional handia dauka. Izan ere, Industria, Merkataritza eta Turismo Sailaren eta Kultura Sailaren bitartez, Eusko Jaurlaritzaren babesa lortu du, bai eta Bizkaiko eta Gipuzkoako Foru Aldundietako Berrikuntza Sailen, SPRIren eta Bilboko Udalaren babesa ere. Izan ere, instituzioek modu positiboan baloratu dute elkarren lehian aritzen diren enpresak –Euskadiko Ikus-entzunezkoen Sektoreko garrantzitsuenak– proiektu batean elkartu izana, profesionala ez den talentuaren aldeko proiektu bat bultzatzeko.

Gainera, EikenBANKek beste zenbait babes ere baditu: BBK (Gazte Lanbidean Fundazioaren bitartez), UPV/EHU, Mondragón Unibertsitatea eta Andoaingo Zinema eta Bideo Eskolarena (Escivi). Hori horrela, dagoeneko proiektua aurkeztu zaie Leioako UPV/EHUko Arte Ederretako eta Ikus-entzunezko Komunikazioko fakultateetako ikasle unibertsitarioei, bai eta Mondragón Unibertsitatean eta Escivin ikus-entzunezkoarekin lotutako karrerak egiten ari diren ikasleei ere.

Lanak aurkezteko epea otsail amaieran ireki zen, eta apirilaren 30era arte egongo da zabalik.

Jarkatza Mediak (Eikeneko kidea) martxoak 4 asteartean Bilboko Kafe Antzokitik “Ino, ino, ino badator bombardino” antzerkia emitituko du, zuzeneko streaming-a erabiliz. Emisioa 10etan ikusi ahal izango da www.traveleuskadi.tv portalaren bitartez.

Jarkatza enpresa euskalduna, turismoan espezializatua dagoen Internet-eko lehenengo telebista garatzen ari da, TravelEuskadi. Web orrialde honek aisialdi eta kultur edukiak izango ditu ere bai. Interface oso konplexu eta espezifikoa behar duenez, momentu honetan froga fasean aurkitzen da, baina hurrengo apirilaren 8an martxan egongo da.

Antzerki honen zuzeneko emisioa aurrerapen oso garrantzitsua da enpresak epe laburreko helburuak lortzeko. Jarkatzak nazioarteko edukien merkatu handienetarikoa den MIPTV 08an parte hartuko du Basque Audiovisual ordezkaritzaren barruan eta bertan proiektu hau aurkeztuko du.

Eiken-Euskadiko Ikus-entzunezkoen Klusterrak konfirmatu du apirilaren 7tik 11ra bitartean ospatuko den munduko telebista merkaturik handiena den MIPTV 2008 azokan ere izango direla. Ekimenak Kultura Ministerioaren eta Eusko Jaurlaritzaren Kultura Sailaren laguntza dauka.

Euskal enpresak joan den urrian Cannesen izandako MIPCOM 2007 nazioarteko azokara Basque Audiovisual legez joan ondoren, Eiken-Euskadiko Ikus-entzunezkoen Klusterrak konfirmatu du munduko telebista merkaturik handiena den MIPTV 2008 azokan ere izango direla. Ekitaldia apirilaren 7tik 11ra bitartean izango da, Frantziako Cannes hirian. Era berean, urrian berriro izango dira MIPCOM 08 azokan. Bertan, Espainia izango da herrialde gonbidatua, eta, horrenbestez, ordezkaritzek zenbait pribilegio izango dituzte.

Eiken hasi da harremanak ezartzen eta aldez aurreko sustapen-lanak egiten, Euskal Ikus-entzunezkoen Sektorearen ahalik eta partaidetzarik handiena sustatzeko, Basque Audiovisual aterkiaren pean, Cannesen izango den MIPTV 08 azokan. Hori dela eta, ikus-entzunezkoekin erlazionatutako zenbait erakunderekin jarri da harremanetan, ekimenarekin kolaboratzera gonbidatzeko. Halaber, Klusterreko bazkide diren enpresei ere informazioa eman zaie, baina, hala ere, sektoreko enpresa guztiei ere jakinaraziko zaie, parte hartzeko interesa duten adieraz dezaten.

Eusko Jaurlaritzako Kultura Sailarekin lankidetzan, Eiken harremanetan jarri da ICEXekin, Euskadiko Ikus-entzunezkoen Sektoreak azokan izango duen partaidetza pertsonalizatuaren eredua definitzeko. Klusterraren helburua da ikus-entzunezkoen sektorearekin erlazionatutako enpresa, erakunde eta organizazio ugariren presentzia ahalbidetzea MIPTV 2008 azokan. Horrela, euren produktuak erakutsi eta kontaktu interesgarriak egin ahal izango dituzte, eta, bide batez, Euskadiko Ikus-entzunezkoen Sektorearen irudia sendotu, Cannesen espazio propio eta bereizia izanda.

Horrela, bada, urrian izandako baldintzak mantenduko dira, eta Basque Audiovisual gisa doazen enpresek, lehentasunezko toki batean, mahai-eremu bat izango dute beraientzat bakarrik. Horrek aukera emango die enpresei beren bilerak eta merkataritza-harremanak kudeatzeko.

Eikenek 2007. urtearen hasieran zeukan helburu estrategikoetako bat Kanpo Sustapenerako Urte Askotarako Plana finkatzea zen, eta, horretarako, marka unitario baten pean aurkeztu behar zen Sektorea. Hori horrela, Basque Audiovisual marka kanpoko merkatuetara bideratutako informazio-material eta ekintza guztietan ari da erabiltzen dagoeneko.

Eiken-Euskadiko Ikus-entzunezkoen Klusterrak mailing bat egin dio sektore osoari, ekimen honekin bat egin dezan. Izan ere, ez da soilik interesgarria enpresentzat, ezpada sektorearekin erlazionatuta dauden eta, zenbait ikuspegitatik, sektorearen sustapenaren eta hedapenaren alde lan egiten duten organismo eta erakunde guztientzat ere. “MIPCOM azokan egotea oso garrantzitsua izan zen, eta gure itxaropenak ondo baino hobeto bete ziren; hain zuzen ere, orain ilusioz beterik gaude MIPTV azokan egoteko, zalantzarik gabe nahitaezko hitzorduak dira eta”, azaldu zuen Itziar Menak, Eiken-Euskadiko Ikus-entzunezkoen Klusterreko zuzendariak, otsailaren 25ean Madrilen ICEXeko arduradunekin izandako bileraren ostean.

MIPTV azokak nazioarteko izaera dauka argi eta garbi. 100 herrialde baino gehiago bildu ziren 2007ko edizioan. Merkatuko bost egunek jarduera ugari eskaintzen dituzte: hitzaldiak, mintegiak, keynote-ak, koktelak, proiekzioak, prentsaurrekoak eta sari-banaketak. Egun horietan zehar, Frantziako hiria Europako ikus-entzunezkoen hiriburu bihurtzen da.

Datozen egunetan promozio-kanpaina bat jarriko da abian Internet bidez, eta aurkezpen-mailing bat egingo zaie mundu guztian ikus-entzunezkoen sektorearekin erlazionatuta dauden kontaktuei. Gainera, Basque Audiovisual proiektuari buruzko informazio guztia jasotzen duen web gune bat ere badago (www.basqueaudiovisual.com).

Berrikuntzaren Euskal Agentziak –Innobasque- 2009rako helburuak eta Zuzendaritza Batzordearen eta Zuzendaritza Kontseiluen kideak aurkeztu zituen. Zuzendaritza Kontseiluen kideen artean Eiken, Euskadiko Ikus-entzunezkoen Klusterra, aurkitzen da.

Arlo ekonomiko, instituzional, politiko, unibertsitate, gizarte eta kulturalen ordezkari parte hartu zuten urtarrilaren 31an Euskalduna Jauregian egindako Innobasque proiektuaren aurkezpen publikoan. 2.000 lagunetik gora bildu ziren guztira, Berrikuntzaren Euskal Agentziaren helburuak, jarduera-lerroak eta aginte-organoak aurkeztu ziren saioan. Aginte-talde horiek, guztira, goi-mailako 417 pertsonalitate eta erakundek osatzen dituzte. Horien artean Eiken – Euskadiko Ikus-entzunezkoen Klusterra dago, bere zuzendaria den Itziar Menaz ordezkatuta.

Indar politikoak, enpresa-taldeak, gizarte-erakundeak, eragile kultural eta sozialek parte hartu zuten ekitaldian, Euskalduna Jauregia mukuru bete arte. Eusko Jaurlaritza, Foru Aldundiak eta Udaletxe nagusiek ere goi-mailako ordezkaritzarekin parte hartu zuten ekitaldian.

Juan Jose Ibarretxe Lehendakariak itxi zuen ekitaldia, eta berarekin izan ziren bere gobernuko sailburu ia guztiak. Ibarretxeren iritziz, “Innobasque, parte hartzea merezi duen herrialde-egitasmoa da”. Duela 25 urte Euskadik bere lehenbiziko eraldaketa ekonomikoa, “gure biziraupena mahai gainean jarri zuena” arrakasta osoz gainditu zuela gogoratu ondoren, Lehendakariak azpimarratu zuen “eraldaketa berri honen palanka balioetan oinarrituz berriztatzea dela”, eta Innobasque ezinbesteko tresna izango dela lan horretan.

Bere aldetik Innobasque-ko Presidenteak azpimarratu egin zuen aurkezpen-ekitaldian Agentziaren Proiektuak lortu duen babes soziala, gizarte zibilaren eta botere publikoen arteko kolaborazio-gaitasunaren isla dena, “botere publiko horien aliatu estrategikoak baikara”. Hain zuzen ere, Uriartek bere hitzaldian azpimarratu zituen gai nagusietarikoa lankidetza izan zen: “gure proiektu hau ekimen partekatua da, euskal gizarte osoarentzat pentsatua. Ekimen pribatua gara, babes publiko inteligentearekin. Gure helburua argia da: Euskadi Europa mailako erreferente nagusi bihurtu nahi dugu, eta horretarako lidergoa garatuko dugu, eraldaketa sakoneko prozesu honetan, 2030. urtera arte”

Beraien garrantziagatik aipatzeko modukoak dira 2008. urterako markatutako helburuak. Aurten “Berrikuntzaren Urtea Euskadin” izendatua, 2008 ekimen berritzaileak egitea eta Innobasquen gaur egun dauden 400 kideetatik 2000 baino gehiago izatea lortu nahi da. 2009. bukaeraraino planteatutako helburu handinahien artean bi helburu dira nabarmentzen direnak. 5000 pertsona baino gehiagoz osatutako Euskal Berritzaileen Elkartea eta sarean lan egingo duten 100 agente eraldatzaile publiko eta pribatuaz osatutako Berrikuntzaren Euskal Agentzia Birtuala.